من تراث ليبيا
السلام عليكم
قصيده جميلة
من تراثي الليبي
باللهجه العامية
تنقسم ليبيا لعدة لهجات
فأهل الغرب لهجتهم مختلفه عن لهجة الشرق
الغرب اقرب للهجة التونسيه
وهناك الجنوب ايضا لهم لهجتهم الخاصه
وهم من التبو والطوارق وهناك البربر (الامازيغية )
هذه القصيده من اهل الشرق
وكلماتها ليبيه
اصبر على المقسوم صبرك طيب ..الصبر ما عمره رجاك ايخيب
اصبر على الصاحب .. حتى بعديغلط عليم ايخيب
لا تعاتبه ولا تتركه وتغيب.. الصاحب الخيره راه ما يسيب
هذا زمان الود فيه صعِيب .. والقدر ناقص والرفيق عطيب
الناس تمت في الكبير تعيب .. ويهزو على لشايب ايقولو اشويب
اصبر على جيرانك .. وديما معاهم عدله ميزانك
وحتى ان عابو نين وصلت ذانك .. اكتم السر وما عليه اتغيب
واللي جفا زود عليه احسانك .. تلقى العدو منهم عليك حبيب
الجار مهما جار صون السانك .. مادام وصانا عليه الطيب
اصبر على شيابك .. واطلب ارضاهم قبل يوم احسابك
هم جنتك والاا سباب عذابك .. يوم القيامه يفتحو لكتيب
وجميع ما درته حواه اكتابك .. والنار والجنة احذاك اقريب
لا واسطه لا فيه من يشقابك .. الا الصالح مالعمل والطيب
اصبر على ذريتك .. وديما مع مولاك صفي نيتك
وارضى بمو مكتوب في قسميتك .. لا تحير لا تاكل اللي موطيب
بالغضب ما تقدر تحل قضيتك .. وبالصبر تفتح كل باب صعِيب
ومهما جرالك ما تبيع هويتك .. واقوة ايمانك دوم فيك تهيب
اصبر ان حالك ضاق .. وارفع ايديك وقول يا رزاق
وحتى المعيشه كان ما تنطاق .. راه الفرج عند الكريم قريب
اذا لم يفهم المعنى
اوضحه
للراغبين
__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام