يا عزيزي ليس تهديد او استغلال بقدر ما هو محاولة الاتصال والتعرف وقد يكون تجاوبت معه لمعرفة من يكون ..عموماً هي من النوع الرسمي جداً ولكن تعرف الشيطان حريص قد يكون استمالها بكلام او مساعدة في العمل ثم لما اكتشفت سوء النية تراجعت اقول ربما..هناك تفاصيل كثيرة لم أتوسع في طرحها مثل انها في قطيعة تامة مع والدها من بعد زواجه و تتعالج علاج نفسي وانا وهي على خلافات كثيرة تتعلق بطلبي نقل عملها وموضوع جوالها لكن لم الاحظ كثرة اتصالات ترد عليها او تواصل مستمر مع احد من خارج العائلة عموماً الموضوع غامض نوعاً ما وستظهر الحقيقة يوما ما .. كذلك هناك نقطة لم أتطرق لها وهي ان زوجتي تقول انها اتصلت بزوجة هذا الموظف وأبلغتها بموضوع إزعاجه واتصالاته وانه يحاول التقرب من الموظفات بالاتصال وغيره !!

سجلت دخووول عشان اعلق على كلامك
ياخوي لاتحلف ولا تقسم .. والله اننا مجموعة بنات وندرس بالجامعه
وتسلط علينا واحد لدرجه كان يرسل
لصديقتي ملكان قالت لي يعني كاني انا انقل له اخبارها له وهو يرسل لها واحنا والحمدلله ما حول هالامور وصديقتي لو مو واثقه فيني كان شكت فيني ..ومرسل لها من جوالها الجديد كيف جاب المعلومات والارقام لحد يومك ماندري
ويرسل لوحده باليل وهي مع زوجها وصارت لها مشاكل
واحنا ماندري مين تخيل !! ويرسل على جوال ام صديقتي ويتبلى صديقتي !! شوف حال امها والبنت شصار شك و و و
ويحط تحت باب بيوتنا جرايد جواها رسايل تخيل احد يقراها وقال نفس كلامك !
اذا احنا محترمين غيرنا مايخاف الله وحقير
والحمدلله اللي فضحه
بس كلامك مردود عليه وممكن يسبب خراب بيوت وشك وظلم
فحاسبو على كلامكم والله لايحط احد بموضع مبتلى

الحمد لله ان هناك وقائع تتشابه للعلم ان هناك قضية صارت في المدرسة بعد خروج زوجتي ووصلت الى فصل موظفة وإيداعها السجن ..الحقيقة انا اعتقد ان هناك ابتلاءات لا ينبغي الاستعجال في هدم البيوت وتشتيت الأطفال الا بعد التأكد والتيقن..

اوافقك الراي


.......

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لا تتفاعل مع احداث الحياة بقوة هذا مرهق
كن منساب الاعصاب والمشاعر وهادىء في تعاطيك الامور
كل ماحدث حقيقة لا يستحق الطلاق
فهذه ليست بتلك إطلاقا
وفقها الله

__________________
الحمد لله..اللهم صل على محمد و ال محمد

التفريغ المنهجي

اخوي المحتار

الشك اخترقك خلاص وإحساس الكره ثم العطف ثم الكره ثم العطف معناتها انك الشك موجود برد على موضوعك اب نقاط

1- موضوع ان تلفون مخفي وماتبي تعطيك الرقم السري حتى لو على الطلاق هذا اب حد ذاته شي مريب.

2- بالنسبه للي يقولون ان محد يتحرش في البنات المحترمات هذا كلام غير دقيق لان في رجال ما يحب البنات الخفاف ويحب يوصل للبنت الصعبه او المتزوجه ف يظل يضغط لغاية ما يوصل ل مبتغاه

3- الأصول ان لو فعلا هذا الرجل مضايق زوجتك اتبلغك على طول مو تسكت طول هالفترة واترقع ان اهو من زمان يتحرش وأنها صادته.

4- انت اتقول انك فتشت الجوال طيب عندك خبر ان برامج الشات بالهبل وحتى لو بعث صور ما راح تنزل على ذاكرة الجهاز ف بمجرد مسح البرنامج كل شي يروح

5- انا اتوقع ان بعد ما حست انك بديت اتشك قامت حذرته ف اتصالك ما عاد منه فايده واهو مو غبي علشان يعترف

6- احتمال كبير زوجتك قطعت العلاقه فيه وندمانه لكن الضرر وقع والشك تعبك

علاقتكم بالزواج اتبين ان زوجتك عنيده وشخصيتها قويه ف انت مخليها علشان العشره القديمة والأولاد فقط و يا ليتها قدرت هالشي

الشيخ
انا عشت نفس فترة عذابك لمدة 3 شهور وادفعتني للطلاق دفع و طلقتها و تزوجت حبيبها على طول ورمت اولادها علييي وللحين بعد سنتين الحياة لا زالت مستمرة واولادي اب أحسن حال لانها الام اذا صارت مجنونه ف بعادها أفضل وأريح لهم

حاليا ان ابحث عن عروس و اهي متزوجه صارلها سنتين و تسأل القاصي والداني عن اخباري بل وتبعث أخبارها و ندمها على الي صار

الطلاق ربح لك وخساره كبيره لها و اذكرك انها راح تبكي دم باقي عمرها

دامك ما ظلمت واهي الي طعنتك اب ظهرك ف أتعرف يا اخي ان رب العالمين راح يكون معاك وبيسهل امورك حتى لو رمت عليك الأولاد

اشكر كل من تفاعل وأبدى رأيه انا اخذتها مكان هادئ وتحاورت معها بهدوء وعقلانية واستشفيت منها الصدق و القهر وقالت لي انا بنت ناس حرة ولا يفعل هذه الفعّايل اللي جت في بالك الا الرخيصة وانا والله لولا الأطفال طلبت الطلاق لا يوجد انسانة ترضى ان يشكك احد في اخلاقها وشرفها وانا حذرتها من عواقب الاقتراب مما يريب وعسى الله يهديها ويهديني لما فيه الخير والتوفيق .. ارجو إغلاق الموضوع مع الشكر والتقدير لتفاعلكم ورأيكم السديد

كلام فيه نوع من التناقص .. دام مافيه شي صريح فليه اتهمها !
وهو لما فتش قبل يسالها لقى رقمه من الارقام المحضوره دليل انها هي تصده
و كلامك مبني على اللي حصل لك الله يعوضك باخير منها تسعد قلبك
بس مو كل البنات نفس طليقتك
ويمكن تكون زوجته ماتعرف تتصرف !
و قالت اصده ولا اتكلم واجيب المشاكل وفي دوامها
ترا هذي وجهة نظر بنات كثير لان لو هو غلط وكل الناس تدري انه غلط بيقولون
(لو ماشاف شي ماتجرى )
الشك مايعني انها غلطت
الشك بان ويبطله اليقين
دام مافيه دليل ليه تنظلم
دام تركت الوظيفه وسوت كل شي عشان يثق فيها
ليه اشك في باطنها دام ظاهرها خالي وتبي رضاي!
اظن لو انه شاك باخلاقها ماصبر على فعايلها
وبنات الناس مو لعبه والله لان واحد مايخاف الله اروح اتبلاها الحياه يبيلها تيقن وحكمه
اتوقع لو فيه شي صريح كان بان من زمان
المطلوب يشد عليها ويحذرها وينبهها انه مايخفى عليه شي ومايتكرر
وهذا اللي حصل
الله يوفقهم ويسعدهم ويصلح الحال

كله كوم وسالفة الجوال اللي مخبيته عن زوجها
لاتدافعي عنها و تجيبي قصص حتى تقولي اللي صار يصير لبنات كثير
بسألك انتي عندك جوال اهلك مايدروا عنه؟!
وهل عادي البنت يكون عندها حوال تاني وتخبيه عن اهلها او زوجها؟!
ولا راح تقولي اغلب البنات عندهم جوالات أهلهم مايدورا عنها ؟!


احنا ترى ما حنا مستفيدين شي لما
نخليه يشك فيها وتتدمر حياتهم بالعكس
احنا فقط ننبهه وانه ينتبه لها ولا يصير مغفل ويفتح عيونه
حتى لا تتدمر حياته ويضيع شرفه
وفي نفس الوقت نقول يترك الشك اللي متعبه ويوكل أمره لله ومع الايام كل شي بيتضح