__________________

في مطعم ناندوز بشارع التحليه وشارع صاري بس انا يعجبني الفرع اللي في صاري اكتر لأنه اوسع وممكن يحطولك برافانات
حول الطاوله للمزيد من الخصوصيه ...
في كمان ابل بييز في شارع الامير سلطان اللي عند حراء افينيو حلو كتير ..

__________________

مطاعم ناندوز بكل فروعه قفل من جده خلاص
شوف يا اخي هذي اقتراحاتي لك و انت اختار اللي يريحك
اذا تحب مشاوي عربية عندك فاكهة لبنان(شارع التحلية امام ايكيا) جلساته حلوة و مقفلة و اكله نظيف و لذيذ و اسعاره معقولة

و اذا مشاوي تركية مطاعم الفيروز فرع شارع حراء و حي الصفا المطعم رخيص و اكله رهيب جدا(خصوصا طاجن اللحم بالجبن و الاسكندر) و جلساته مغلقة و لكن ما اشوف انه ما يناسب مخطوبين لانه جلساته مو قد كذا

او شامي اللي عند مركز الجمجوم في الحمرا جلساته مقفلة ونظيفة و اكله رهيب

و لو انك تحب الأكل المكسيكي و الامريكي و مستعد تدفع شوية زيادة عندك ابل بيز و شيليز و فرايديز و روبي تيوز داي و كلها في شارع الاندلس (جلساته ليست مغلقة و لكن في وسط الاسبوع فاضي و تقدر تدبر حالك بمكان منزوي انت و ست الكل و شيليز فيه جلسات خارجية حلوة على الحديقة و العاب الاطفال

و لو تحب الاكل التايلندي و الشرقي عندك مطعم الخليج الصيني معروف جدا و هو في الروضة و لكن اسعارة مرتفعة شويتين بس الصراحة اكله روعه و جلساته مقفلة

في المطعم التايلندي في حراء على نفس شارع الفيروز و جلساته مقفلة كمان و ارخص من الصيني اكله جيد و رخيص و انا و زوجي نعشق شوربة التم يم روعه و اغلب اكله بحري


هذا كل اللي على بالي و انت اختار اللي يريحكم و الله يوفقكم و يسعدكم

__________________
رب لا تذرني فردا و انت خير الوارثين

اذا رحنا جده لازم نمر مطعم اسماك اسمه بن مهري
هو عباره عن محطه واستراحه
وجلساته مره حلوه ثيل ودكات ودورات مياه

اطلب منهم سمك ناجل خيال ورز صياديه ولا تنسى الطحينه حقتهم

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

مع الاعتذار من ام خالد بن مهري هذي قديمة و هناك ما هو انظف و اكلها افضل و كلها محطات طبعا في اول طريق المدينة
و بالاضافة للناجل اطلب كلماري مقلي و جمبري اما مشوي ام مقلي كبير روعة
انا اقترح لو محطات يروح اما اسماك الساحل الغربي او العنبرية اللي في طريق درة العروس
صح المشوار بعيد و لكن لو تعرف الطرق المشوار يستحق التعب

__________________
رب لا تذرني فردا و انت خير الوارثين

فيه مطعم عند دوار التاريخ اسمه (خيال)
الأكل فيه لذيذ (تركي ولبناني)
اما بالنسبة للجلسات فهي اكثر من خصوصية

بدل بن مهري


فيه القلزم والسامريه واكوا بارك


هذي بالنسبه للاستراحات للاسماك مره حلوه وفيه خصوصيه بزياده


اما المطاعم

فعندك

الشموع الحمراء شارع التحلية

وممطاعم ابو زيد هذي للتميس والفول والعريكه والمعصوب ولا احلى واسعاره مره طيبه موجود على كورينش جده

وفيه مطعم الجزيره المفقوده في الحمراء هذا فيه شيشه والوضع مفتوح نوعا ما بس مرررررررررررررررررررررررررره روعه

وينفع للي توهم متزوجين

وفيه غوزي في شارع حراء

ومطاعم ابو شقره

ووالبيــــــــــــــــــــــــــــــــــــــــــــ ــــــــــــــك الي ما لاهل جده غنى عنه وغني عن التعريف

وبصراحه جده مليااااااااااااااااااااانه مطاعم في كل مكان راح تلاقي يعني ماراح تتعب باذن الله


اسال الله لكم التوفيق والسعاده في الدارين

__________________

والله انتم قاعدين تدلو الرجال على محلات مره ما تنفع لمخطوبين ولا هي رومانسيه ولا شي
المشكله يا اخي انه المطعم الرومانسي الي تاخذ خطيبتك فيه لازم تدفع فيه اما اللي اكله رخيص تلقى قعداته مش ولابد وغير مناسبه للكتاكيت المتزوجين جديد..

اذا ناوي تدفع
عندك مطعم لاكوزين (فرنسي) رومانسي على ضوءالشموع والاضاءه رائعه خفيفه تلقاه بشارع فلسطين

عندك الجيبيانو امام ميدان النورس في الكورنيش

عندك مطعم الشرافه في شارع حائل <<< هذا غالي مره بس عليه جمبري خطيييير

طبعا هذول فيها اختلاط ولكن اذا رحت بوسط الاسبوع او بوقت بدري ممكن تلقاه فاضي وتختار المكان اللي يناسبك وترى جده المطاعم المغلقه فيها غالبا شعبيه وجلساتها مو حلوه وانت وذوقك وظروفك اختار..

الله يوفقك انت وخطيبتك ويقذف في قلبها حبك ويقذف في قلبك حبها..

__________________

انا كنت حقول عن هذا المطعم (المدينة المفقوده_lost city) لكنه طالب محلات مغلقة و هذا الكافيه ما ينفع كله مسخرة و شيش و بنات طول الوقت الصراحة مو مناسب

و نسيت اقلك للفطور عندك لو كروسون بفروعه و انا اروح اللي عند ابراج البدرية و كمان دي لي فرانس عالبحر جمب ستار بكس

و نسيت اقلك عن كافيه روعه و رايق حتى ان كان فيه شيش بس فيه جلسات مروقة و هو في نفس مبنى المنتزه اللي في التحلية فوق في الدور الاخير

الظاهر صاحب الموضوع اتعشى خلاص عشان كده ما يرد لحد الآن

__________________
رب لا تذرني فردا و انت خير الوارثين

نقل إلى مكانه المناسب .