كنت متخيلة و متوقعة إنك بتقولي نفس الكلام اللي قلتيه عن تخيلاتك و توقعاتك و أحلامك
إذا سافرتي مع طليقك للغربة ..

لإنها تقريبا نفس الأحلام الوردية اللي كنت راسمتها ، و كنت راسمة كمان إذا رجعنا ..
بيرجع زوجي و معاه الشهادة و ياخذ وظيفة محترمة و نعيش مبسوطين و نربي أولادنا وووو إلخ
و يعوضني و يريحني ..

و الله كرهني بالغربة و كرهت هناك معنى كلمة ( دراسة و طموح ) ..
تمنيت إني أكون ( وحدة هبلة ، ما تفهم ) .. لإنه قتل طموحي ..
تدري إني الترم هذا ، أروح للعمل و أنا بدون عزيمة و لا إرادة و لا اهتمام و لا نشاط ؟؟؟

هذا و طليقك بالمقارنة مع زوجي ( سيئ جدا جدا ) .. و تحسيه ( ناوي من أول على نية مش كويسة )

.
.

ممكن صح لو سافر معاك برة ، بتشوفيه ( متحمس و نشيط وووو إلخ )
بس كلها شهر و لا شهرين ، و بتشوفي وجهه الحقيقي ، و بتشوفي اتكاليته و كسله ..

يعني إذا كان هنا و طليقك راتبه ماشاء الله 14 ألف ، و هو بخيل ..
كيف بيكون برة ؟؟؟ و برة لا بيشتغل و لا يدرس و يجيه راتب جاهز ..

بجد صدقيني ، كثير متغربات برة متبهدلات مع أزواجهم ..

.
.

و أنا حماتي كانت مصرة إني أأجل الحمل لبعد ما نرجع من الغربة ، يعني كانت تبغاني احمل بعد 6 سنوات
طنشتها و ما اهتميت بكلامها ،، و على طول فهمت إنها تبغى تضمن مستقبل ولدها

فكيف إنت و هو طليقك اللي كان يبغاك تأجلي الحمل ؟؟؟
لإنه ناوي بجد يروح هناك ، و يعيش حياته ..

و لا تنسي إنه هناك لا أهل و لا سند و لا رفيق و لاشي ..

.
.

فالحمد لله ، إنه ربي حماك منه ..

.
.

عيشي حياتك ، و روحي سافري و كملي دراستك ..
و يمكن هناك سبحان الله يكون نصيبك ؟؟؟ ما تعرفي فين الخير ..

ثقافته : لمصلحته .. لما يكون حاط براسه شي يبغى يوصل له .. تلاقيه يتفلسف و مافي احد أعقل منه
و لما تكون لمصلحتك ، يكون شخص تافه ( لإنه ماله مصلحة وقتها )

زوجك ( باله قصير ) و ما قدر يستمر بالتمثيييييل عليك .. و شافك ذكية ماشاء الله و ما ينضحك عليك ..
فاختار أقصر الطرق ، و طلّق ..

مو لإنك فاشلة ، لإنه هو الفاشل ..

.
.

و الكلام اللي جالس يقوله ،، و أسألته ( نحن لإننا طيبين زيادة عن اللزوم ، فنحط حسن النية )
بس تأكدي إنه قاصد كلامه و كان بيقيس نبضك وقتها ..

و حكاية ناس معايا بالدوام وووو إلخ
عادي ، كذبة معروفة عند الرجال و صارت قديمة و مكشوفة ..

كتبت رد طويل وانمسح
تدرين الحمدلله الي خلا ابواب الخير كثيره الشخص ينوي العطاء وبيلقى الف طريقه ابسطها الابتسامه بوجه اخيه
سبحانه ربي مارحمه
والله العالم وش كثر خير عملتيه ياخت عصاميه
اليوم كانت ذكرى زواجي توقعت ينقمت قلبي وازعل
بس قررت تكون الليله معاك ومع كلامك الواقعي
اسعدتيني ووصلتي لقلبي عن طريق عقلي انا صح رومانسيه بس لازم عقلي يحب اول
فعلا طليقي حس انه قدام وحده مو سهله
هو قال موظفه وراتبها كبير و اكبر مني
انا ما انكر ان لي اخطاء ماني ملاك بس الي سواه وللطريقه الي طلق فيها و الهجوم
ابدا ماله مبرر حسبي الله عليه حسبي الله عليه
انا دخلت الزواجه هذي حاطه كل جهدي وهو داخل متردد حتى بيوم الملكه خلاص الماذون موجود يقولي قلت لابوي ابغى اشوفها قال ابوه اسكت ولا تفضحنا بابناس
دخل بدون حماس وانا الحماس كله
تخيلاتي بالغربه كانت كبيره لاني شفت صديقتي جت من ابغربة مبسوطه مره
بس زوجها كان يعتمد عليه من كنا هنا وهو مدلعها و قايم بطلباتها ويحبها وطاير فبها الله يزيدهم يارب
فاكيد بالغربه نفس الشي
انا وجنب بيت اهلي بهذلني فمابالك بالغربه وتمنن علي بكم ريال ادفعه و كم مشوار وداني
مدري وش نظرته للزواج انسانه تعطيها حقها الشرعي وبس
تصدقين هو كان نظرته كذا دامني انام معاك هذا شي عظيم انا مسويه لك
كان لاشافني كاشخه يتمسخر انتي تموتين على هداك الشي وانا انحرج
ومره قالي تبين عيال ادفعي على كل طفل عشره للاف ريال بزعم انه يمزح يعني
زوجك على مافيه من عيوب لا يقارن بطليقي ابد كافي ماشاءالله يحبك وشاريك ومقدر الي بتعمليه معاه مشكلتكم الفرق بالمستوى بس ولا المزده والرحمه موجوده بينكم والحمدلله اناطليقي بس لو نيته زينه لو مافيه سوء هالظن وشاريني كان مشت المركب فينا بس على عيوبه وعيوبي بعد ماراح ت

ماراح انزه نفسي كان فيه حقد وسوء ظن وسوء نيه فغرق ابمركب بدري فضل ينسحب دام مافيه طفل يربطنا ويرجع لحياته الساقه من قهاوي وشيشه ومزارع واستراحات حياة سهله بسيطه ياكل ويشرب بدون مايكون مسؤول ولا يكون شحص برقبته مسؤول عنه ليل ونهار حتى طفله من زوجته السابقه الام هي المسؤوله عنه 90 بالميه هو يمشي بس راتب شهري نفقه ملزوم فيها من المحكمه حتى لما كنا بشهر عسل قلت اشتر حق بنتك حرام قال ماله داعي عندها كل شي على الرغم من انه يحبها طليقي اهم شي عنده نفسه ويبغى زواج اشبه بالمسيار وحده شايله نفسها لايوديها زلا يجيبها ولا يصرف عليها و الاحسن بعد ماتنجب ولا تحيب عيال يعورون راسه
ذكرتيني قبل لما افتح معاه حوار يقول بس خلاص عورتي راسي مايحب يصدع راسه باي حوار ومناقشه لما كان يسافر يروح مع مجموعه كبيره من اصحابه علشان يدفع اقل مبلغ والفلوس السكن والمواصلات تتوزع بينهم الماده شي مهم عنده وتحدد مسار حياته وخياراتها
مره كان اخوي جاي من السفر واخوي هذا اقرب واحد لعائلتهم صديق اخوهم وعملنا له عزيمه كبيرت بحكم انه حاي من علاج قام تهرب وقال ماراح احضر العزيمه قلت ليه غريبه قال هالعزايم مالها داعي مدري ايش وحاول يتهرب تدرين الحين ع فت انه تهرب لانع هايف يصطر يعزم اخوي و يدفع فلوس عزيمه وخروف وتكلفه
يحب يروح للاستراحه وغيره لانه يكون قاط مع الشباب مبلغ رمزي ويتيح له الانبساط
تدرين ثاني يوم عرسي وداني مطعم شعبي في سوق شعبي تخيلي عروس المطاعم الشعبيه الي مافيه كبينه ستاره قديمه وريحه المطعم بخشمك بس مازعلت قلت مسكين يمكن مايعرف للاماكن الزينه بعدها قال بعزمك على مطعم استغربت بعدين قال على حسابك قلت وش هالعزيمه وضحكت المهم رحنا مطعم مره راقي راقي حيل قلت بقلبي هذا انت تع ف الاماكن الزينه وطبعا مادفعت لاني ادري عنه وبعدين توني عروس بدري اعزنه على خسابي ودفع هو الحين عرفت ليه الرسول الكريم تعوذ من البخل الي عايشه مع بخيل دمار نفءي اهون عنجي انه حافي منتف لو غنده ريال مايمن علي على اني اعيشمع بخيل
اول الفلوس ماتهمني اصرف واهدي وطبيعي بس من عاشرته صرت افكر بالفلوس ومن وكم وشلون واتابع اخواني وحريمعم من جفع هو ولا هي وهذا كم سعره تحولت بخيله هههههههالحمدلله الحين رجعت طبيعيه
حلو الاقتصاد بس مؤلم الفلوس تصير الهاجس الاول
وعلى فكره انا لحسن نيتي شكيت انه بخيل ولا قلت لاهلي بالعكس امدح فيه
بس عقب طلاقي اكثر من شخص اكد هالخصله اخوه صديقه الي هو اخو صديقتي وطليقته الله يهديه
وانا متاكده ان ماعليه هالديون القويه سيارته عاديه ومن زمان وهو متوظف ونفقه بنته عاديه وماتكلف بزواج يكسر الظهر

إيوة صحيح ،،
فيه برة المغتربات و المغتربين اللي ماشاء الله أزواجهم قايمين هناك بكل شي ..

لكن اللي مثل طليقك ، صدقيني ..
بيبهدل فيك برة ، و إنت برة راح يكون الحمل عليك ثقيل مرة ..

و إنت رومانسية ..
كان ممكن تتحملي و تصبري ( عشانه زوجك و عشان العشرة ما تهون عليك .. إذا شهرين و كذا صار فيك و تعلقتي فيه )
بس هو وقتها راح يحسب إنك ( ميتة فيه و ما تقدري تستغني عنه ) و بيذلك أكثر ..

قولي الحمد لله إنه راح ( بستين داهية ) ..
و ما طلع عيونك لحد ما يعطيك ( حرّيتك ) ..

يمكن ، ما تدري ..
إنه ربي له حكمة في اللي صار ؟

يمكن لو ما صار اللي صار ..
كنت راح ترسمي أحلام وردية عن الزواج و الحياة الزوجية و كنت راح تجلسي تفكري و ممكن تكتئبي لا سمح الله ..
إنك تبغي تعيشي الحياة هذه ..

فعشتي جزء من اللي يعيشوه المتزوجات ، عشان تعرفي إنه ( الزواج ) مو كل شي ..

أدري إنك مشتاقة لوجود ( طفل ) ..

بس تدري ، لو جبتي طفل من طليقك ، كنت راح تتنازلي أكثر و أكثر و أكثررررررررررررررر .. لإنك حنونة و عاطفية ..
و هو راح يذلك أكثرررررررررررررر و ممكن يتحكم فيك وقتها و يمنعك من السفر ( حتى لو طلقك )..
لإنه إذا وحدة مطلقة و معاها طفل من طليقها ، فطليقها ممكن يمنع ولده من السفر مع طليقته ..
و وقتها ( قلبك راح ينحرق على طفلك ، أضعاااااااااااااااف مضاعفة )

أعرف كم وحدة في الغربة كانت مطلقة من زوجها و عندها ولد من طليقها ، ما قدرت تجيبه معاها للغربة
بسبب طليقها اللي منع سفر ولده مع الأم .. فتلاقي الوحدة هناك مهمومة طول الوقت و بس تفكر في ولدها
و ولدها يتعقد من بعد أمه عنه ، و تلاقيه يا عند زوجة أبوه أو أهل أبوه أو أهل أمه ..

.
.

ما تعرفي إيش ربي مخبي لك ..

ولا باني بيت ولا عنده هالالتزامات القويه بس البخل مشكله حتى العواكف والكلام الرومانسي يمن فيه بزعم اتا ماعرف اقوله حسب كلامه من مصلحتي اشيله من مخي واصفي مخي لاشياء افيد واحسن

تعرفي يا متفائلة ..

صح زوجي ما يقدر يصرف ، بس حرام أظلمه ..
لما يكون معاه ( ما يبخل علي ) ..

هذا و هو راتبه كان 3500 ريال و يطلع منه 500 قسط السيارة ..

.
.

طليقك ، بجد استغربت من بخله و راتبه ماشاء الله تبارك الله كبير ..
ماله أي حجة ،، غير إنه ( رافض ) تحمل المسئولية .. مو إنه ما يعرف ما يتحمل مسئولية ..

زوجي صح ما يحب يتحمل أي مسئوليات ( لكن بيحاول قدر المستطاع )
و يصرف لو معاه ..

.
.

يعني زوجي كذا و بالطبايع هذه ، و طلع عيوني ( بالغربة ) ..

كيف عاد طليقك ؟؟؟
كان بيخليك ( تنجني ) و ترجعي منهارة نفسياً ، و مادياً ، و جسدياً و فكرياً ..

عالأقل دحين خرجتي بخسارة نفسية ..
و راح تتخلصي من أثارها عن قريب بإذن الله ..

لكن الحمد لله إنك بصحتك و عافيتك و بعقلك و دينك ..

.
.

أنا وصلت لمرحلة في الخارج ، كنت حأنجلط منه ..
لحد ما أمي و أختي خاصموني بالتلفون و قالولي ( صحتك أهم شي ، مالك دخل فيه ،، تخيليه ميت )

و من بعدها بديت أصحى ، و أعرف مصلحة نفسي

فعلا السؤال عن الزوج مهم خاصة هالوقت رجال اول على اختلاف طبعهم بش فيهم مسئوليه وشتيلين وفاتحين بيوت تلقين العصبي و البخيل بس بالنهايه مسئولين عن بيوتهم وعارفين ان ماقاموا فيها محد غيرهم بيقوم فيه والمره والعيال برقبته صعب يطلق صعب ما يقوم بواجبه الحين كل من استبيع واستسهل وصاروا انانيين اتا عندي مبدا دام الرجال لا سكير ولا نكير مايعيبه شي بس هالفكره تغيرت لاني بنيتها على رجال زمان كانوا معظمهم صالحين الي مهمل عياله و مقتر عليهم هو الفاسد السكير بس الحين لا ممكن يكون لايسكر ولا شي ومع هذا اخلاقه زفت
انا طليقي اهلي ردوا عليه بالموافقه باقل من اسبوع وماتحروا السؤال عنه كل واحد رمى مسئوليه السؤال على غيره واعتمدوا انه اخو صديق اخوي وسبحان الله نصيب

روح موجوده

هلا متفائلة