نائب رئيس الهيئة الاستشارية
تاريخ التسجيل: Jan 2008
المشاركات: 2,846
مشاعر خطيبي تغيرت من ناحيتي / نفسية
{{ المشكلة }}
انا عندي موضوع مازمني ودي الاقي له حل
انا مخطوبه لشخص , بالبدايه لمن صرنا نكلم بعض كان يكلمني كثير كثير ويفضي نفسه عشاني والله انه يجلس بالساعات بالبيت بس عشان يكلمني.
فجاه وبدون سابق انذار تغير 180 درجه , صار بالايام والاسابيع مايسئل عني نهائيا نهائيا
واذا كلمني يكلمني بالماسنجر كلمتين ورد غطاها او مكالمه وبرضو كلمتين ورد غطاها كاني واحد من اصحابه ماحس اني خطيبته , مايتكلم معاي باي شي . يعني ابي اعرفه ابي نتكلم باشياء مافي فايده .
طيب ممكن اكون انا سبب في هذا التغيير :
فكرت كثير وقلت ممكن اكون سبب : لاني طبعي خجوله وماتكلم كثير بس كنت اقوله كلام حلو . يعني مو جافه وانا بطبعي حنونه وطيبه .
المهم :
وصلت لمرحله اني مابيه لاني حسيت مو هذا الشخص اللي ابيه مو مهتم فيني نهائيا نهائيا
ودايم حاط بباله فكره معينه عن الحريم : انهم نكدين ويحبون يتكلمون اذا فيه مشكله ومايسكتون
وياكلون الواحد اكل بالكلام . اكره شي عندي اللي يعمم الكلام على الجميع
ارسلت له على ايميله وقلتله انا مابي نستمر والله يوفقك بوحده ثانيه, انا انسانه عذرتك كثير و ماني حاسه معاك بامان( طبعا ترك كل الكلام وزعل من كلمه ماحسيت معاك بالامان يقول انتي كانك تقولني اني انسان حقير )
وقلتله انت مهملني وطلعت كل اللي بقلبي و وو و كلام كثير.. ( وكانت هذي اول مره من عرفته نتهاوش , لاني قبل كنت امشي واعذر واتغاضى فوق ماتتصورون لكن شكله ماينفع معاه الا العين الحمراء )
وكان مايبي يتكلم بالموضوع يقول مالي خلق اتكلم فيه , بعدين لمن يتكلمنا كان عذره انه مشغول وكان تعبان
قلتله انا عذرتك كثير ولمده شهور لكن مو معقوله مشغول طول الوقت
والله والله مهملني بطريقه توجع القلب والله اني ابكي لدرجه حتى لمن يكلمني كانه بس يادي الواجب .
مايبيني اتكلم او اعاتبه او اقول اي شي , كاني انسانه مجرده من المشاعر ..
يقولي انتي بعد ماتسئلين , قلتله والله مو مشكلتي اذا انا ادق وماترد وارسل ماترد , ايش تبيني اسوي , قلتله وصلت لمرحله خلاص ما اقدر ادق او ارسل لانك ماترد وهالشي يعور قلبي .
يقول انتي المفروض من البدايه تقولين اني تغيرت مو تنتظرين شهور وبعدين تقولين ,
قلتله انا الغلطانه اللي كنت احط لك اعذار , قلتله والله اذا انت مو حاس من نفسك ماراح اقولك شي وتسويه بعد انا ماقلتلك , حلوه تجي منك انت , انت اللي لازم تهتم فيني وتسئل عني
يقولي انتي ماحتويتيني , قلتله وانت ماعطيتني مجال احتويك , والله والله مو معطيني مجال مايكلمني كلمتين على بعضها , بس شخبارك واحبك ( كرهتها هالكلمه لانها مو من قلبه )
وبالبدايه كنت مره لطيفه معاه , صحيح خجوله بس كنت اقول له كلام حلو , بس هو يبي كل شي بسرعه ,
(المشكله انا ادرس بالخارج واحس هذا زايد البعد بينا )
بالبدايه كان مطيرني فوق فوق فوق كان حنون وطيب , الحين صرت احسه قاسي ومايهتم بمشاعري
حتى بعد ماعاتبته وكلمته ماعلق كثير ويقول انا مثل ما انا ماتغيرت وانا احبك ,
قلتله رجاء لاتقول كلمه احبك لانها فعل مو قول وقالي اوك خلاص انسي الموضوع ولاعاد تقولين انت وانت ونفتح صفحه جديده .. (كثير كثير ياخذني على قد عقلي عشان يسكتني )
قلتله اوك لكن استمر على اللي هو عليه ماتغير وانا سكت عنه وماقلتله شي وصابره واشوف اخرتها معاه.
بس مو مستحمله وللمره الثانيه جالسه افكر اني انفصل لكن خايفه يكون قراري خاطئ مو عارفه اتصرف
انا ما عندي احد استشيره ومره خايفه , انا ابي شخص يحتويني ويهتم فيني , مابي اصوم اصوم وافطر على بصله .
ايش اتصرف وكيف اتعامل معاه , مع العلم مايعطي مجال للواحد يتكلم معاه , مدري وش هالشغل الغريب العجيب اللي عنده ..
انا استخرت وارتحت له بس الحين احس مابيه وبنفس الوقت خايفه يكون قراري خاطئ.
اتمنى تساعدوني انا وهو في العقد الثالث من العمر
{{ الرأي الإستشاري }}
{{ التمهيد للإستشارة }}
بسم الله الرحمن الرحيم
السلام عليكم ورحمة الله وبركاته
اختي الكريمة انتي انسانة رقيقة ورومانسية وحساسة جدا لهذا اخذتي امر ابتعاده عنكي الفترة الماضية على اساس ان حبه قل ولكن حتى ندرك ما حدث يجب ان نفرق بين شخصية البنت وشخصية الرجل
واذا ادركنا جيدا ان الشخصيتين مختلفتان تماما ربما ادركنا سبب التغير المفاجىء
لهذا دعينا نتخيل كيف سيصبح حال انسان عمره 29 عام عندما رأى شريكة حياته وطار بها فرحا عندما وجدها مثل ما كان يتمنى وها هي ايضا اصبحت زوجته اي تخصه اي ان المنطق يقول انهما سيتشاركان كل شىء الى ان يحين الموعد الذي يتمناه من كل قلبه وهو موعد الزفاف
ولهذا كان في البداية قريب جدا منكي فالامر جديد عليه وهو يريد ان يختبر امور كثيرة بقربه منكي مثل ان يعرف هل انتي بالفعل ملكه ويستطيع الحديث معكي في كل وقت؟ وهل سيستطيع معكي اشباع عاطفته والانس بكي؟ وهل انتي بالفعل تشاركيه ميوله وافكاره؟
وهو استطاع في الفترة الاولى بالفعل اشباع كل هذه الرغبات ولكن البعد كان عائقا على الاستمرار فالرجل بطبيعته ملول اختي الكريمة
لهذ اريدك ان تدركي ذلك في شخصيته وتدركي ان هذا البعد امرا لا مفر منه من اجل مستقبلك وان موعد الزواج قريب ان شاء الله وان موعد الاجازة ايضا بالتأكيد اصبح قريبا
وصدقيني ستجدي تغيرا شديدا عندما تعودي لوطنك وتقابليه ستجدي اللهفة والشوق كما كان الامر في بدايته
لانكي ستصبحين امام عينيه وهذه متعة للرجل تفوق متعة الحوار والحديث كثيرا ولا تنسي هذه المقولة
الرجل يعشق بعينيه والمرأة تعشق بأذنيها
لهذا فإن الوضع الذي انتم عليه الان يمكن ان تتعاشي انتي معه وتسايريه اما هو فتواجدك امام عينيه دافع قوي لاستمرار تدفق مشاعره
يتبع..
__________________
كتبتُ وقدْ أيقنتُ يومَ كتابَتِـــي *****بـِأنَّ يدِي تفـْنَى ويبْقى كتابُـهـــــا
فإن كتبتْ خيرًا ستـُجْزَى بمثله*****وإن كـَتبتْ شرًا عليها حسابهــــا
15-12-2010, 12:04 PM
ضوابط المشاركة
العرض العادي
