بسم الله الرحمن الرحيم

في البدايه ابيكم تعذروني اخواني واخواتي

حالتي النفسيه الأن صفر منهار

قسماً بالله من دخل العشاء في جوفي وانا احس انه نار

من وعيت على الدنيا وصرت اعرف الزواج وسعادته

صرت اسأل نفسي ليش اختي إلى الأن ما تزوجت معقوله وصلت العمر هذا ولا احد تقدم لها ابد

والله الذي لا إله إلا هو اني اتخيل اليوم الي يقولي ابوي ولا امي ترى اختك جاها عريس

واليوم بس عرفت السبب

آآآآآآآآآآآآآآآآآآآآآآآآآآآآآآآه نار في صدري كبدي تقلب راسي بينفجر

اختي المفروض الأن معها طفلين او ثلاثه لكن المصيبه من وحده كانت تقرب لنا

اليوم عرفت ان كل ما جاء يتقدم أحد لأختي سأل الحرمه هذي هل بنت فلان مخطوبه ولا لا

اثاري الحرمه ترد عليهم وتقول هذي محجوز لولدي وبعدها ما احد يجي يخطبها منا بسبب كلام هذي الحرمه

مع ان كل الي تقدمو لها رجال ويستاهلون

والطامه الكبرى ليت الحرمه صارت على كلامها ان اختي محجوزه لولدها

راحت وزوجت ولدها بكل برود ونست انها تقول للناس ان اختي محجوزه لولدها

طيرت العرسان حسبي الله عليها

الله لا يوفقها لا دنيا ولا اخره

يعل بناتها يعنسون عندها عشان تحس بالحرقه الي في صدري

قسم بالله ان اختي كاسره قلبي كل يوم ادعي لها ربي انها تتزوج

الأن انا في سن زواج والله كل ما فكرت بجد ترددته ما ابي اكسر قلب اختي ودي افرح بأختي اول بعدين اتزوج

دعواتك على هذي الحرمه حسبي الله عليها الي حرمت اختي من الزواج حسبي الله عليها

وفي هذا اليوم المبارك دعواتكم تفكون دعواتكم ما يجي رمضان إلا وأختي مخطوبه

تكفوووووووووووووون ادعو أن اختي تنخطب قبل رمضان وزواجها يكون بعد العيد

والله النار في قلبي ودي اصيح بأعلى صوتي

بجد اني عايش في عذاب كل ما سمعت خبر زواج احد وامي وابوي عندي

اشوف في عيونهم الحزن

دعواتكم لأختي ولي يرحم والديكم

واسف على الإطاله