اليوم أول يوم دراسي... محتارة اروح ماأروح.. وقلت مابغى اكون انهزامية على قولة أخوي الكبير الله يجزاه خير ورحت

في السيارة لما وصلت أشوف الباصات والسيارات والزحمة.. اقول يالله ورجعنا كما كنا

انزل من السيارة أسمع همسات الطالبات.. هذا شكل ابلى شوبارد صح .. لاشكلها ابلى عبير.. يله نتراهن على كف!! يله

ادخل معهم واسمع الضحكات والصراخ والتعليق والله حتى مالتفت.. اقول ايه وش عليكم انبسطو الله يكبر حظوظكم بس..

أمر من الطالبات أشوف نظراتهم وابتساماتهم.. اسمع ستاذة عبير تزوجت يابنات يتراكضون يطلون عليها يشوفون شكلها بعد الزواج

كنت اتمنى أشوف هاليوم فيني!! كنت اتمنى أمر من عندهم وانا بحياة جديدة

رن الجرس طلعنا للطوابير أشوف الطالبات اللي فرحانة واللي خايفة واللي زعلانة كلهم انتقلو من مرحلة لمرحلة تغيرت حياتهم

اشوف المعلمات فلانة تزوجت.. فلانة حملت.. فلانة ولدت.. فلانة جاها تعيين حكومي.. فلانة بتسافر مع زوجها خارج المملكة.. وانت ياشوبارد؟

التفت يمين يسار أتأمل الحدائق أشوف العشب الأخضر .حتى انت يالعشب تتغير وانا على حالي.. اعوذ بالله منك يابليس

اسمع صوت طالبة في الإذاعة: هانحن ودعنا عام دراسي وهانحن الآن نستقبل عاما آخر << وأرد وراها وانا على حالي!والله دمعت عيني لاشعوريا

كان عندي امل كبير اني بهالصيف ربي يفرجها علي كنت اتمنى وانا داخلة اليوم وحالي غير.. راحت ايام وجت ايام والحال ماتغير

أرجع أتامل الحديقة وأشوف القطوة اللي يخافون منها البنات.. ومعاها عيالها

اقول ماشالله متى اعرست وجاها عيال أخبرها عزابية مثلنا حتى انت يالقطوة تغير حالك..

دخلت لحصتي عند أولى ثانوي أتعرف عليهم ..فجأة..

طالبة.. استاذة انت متزوجة؟

أنا: عدلي جلستك وانت ساكتة << مبين النفسية متأزمة

الطالبة : عدلتها هاه ياستاذة ماقلتي متزوجة

أنا بصوت عالي : الظاهر ماتفهمين الكلام انت اقول وانت ساكتة

الطالبة آسفة.. اسمع صوتها واطي : شكلها عصبية الله يعينا عليها سنة كاملة

ارفع راسي اشوف الطالبات ساكتين.. هاديين خايفيني مني.. قلت: فيه ضوابط معينة أبغاكم تمشون عليها

طالبة: استاذة انا عارفة ضوابطك وفاهمتها ممكن اقولها؟

الاستاذة- ماتحب اي طالبة تدخل الفصل بعدها - ماتحب احد يتكلم - وتعصب احيانا

لكن قلبها طيب وماتشيل على أحد ياما جننتها انا وفلانة العام الماضي والله اشوفها الحصة الجاية ولاكأني غلطت

عندها الحصة اللي راحت. ومحترمة ودايم تنوع لنا في الشرح واحيانا تسولف وتضحك.

شوي تمر طالبة وتدخل استاذة انت تدرسين ثالث ثانوي؟

انا : أيه

الطالبة : يعني بتدرسينا؟

أنا : ان شالله

الطالبة: ياحظنا والله من شفتك وانا اقول ياليتها تدرسنا استاذة مرة ارتحت لك يوم شفتك..

ارجع لطالباتي..بنات وش فيكم سكتو فجأة

الطالبات: استاذة نخاف تهاوشينا وتزعلين << كسرو خاطري

قلت بنفسي ومن لي غيركم يحسسني بأن لي قيمة بالحياة.. من يحسسني بأهميتي كعضو فعال في المجتمع غيركم

لولا الله ثم وجودكم بهالمكان ماكنت بينكم.. من يحسسني بأهمية تخصصي غيركم.. ومن يشغل وقتي غيركم

وابدا اسولف معهم واضحك خصوصا مع البنت اللي رفعت صوتي عليها وصار تقول كل شوي استاذة احس اني احبك

بالعادة لما أضيق أضيق.. هالمرة والله يوم شفت طالباتي وحركاتهم هونت على نفسي كثير

الحمدالله الخير بقبال الكريم.. وربي ان شاءالله مايضيع عبده وياااااااارب مايجي العام الدراسي الجاي الا ونازلة من سيارة زوجي وداخلة المدرسة

كلمة زوجي تخوف << ياشين الواحد اللي ماتعود عالنعمة

والله يرزق كل وحدة بالمنتدى الزوج الصالح

__________________
اللهم لك الحمد والشكر
"ولئن شكرتم لأزيدنكم"

ربنا يكرمك ويعوض عليكى يا شوبارد ويرزقك كل اللى تتمنيه

__________________

اللهم فرج همى وكربى
واكمل لى حملى بالسلامه

الله يوفقك ياشوبارد ..
انشالله مايجي الفضل الدراسي الثاني إلا وانتي تنزلين كل صباح من سيارة زوجك ....

انا صار لي اسبوعين بس ماخذه اجازه من عملي ..
واليوم رجعت اول يوووم

ماشالله عليك انتي عملك فيه نشاط وناس يتكلمون معك ..
انا عملي في مكتب لوحدي وماعندي زميلات .. يعني اجلس طول النهار ساكته حتى اوقات انسى صوتي

الله يهنيك ويفرح قلبك باالأخبار الحلوووووووه هالسنه

وانشالله تشوفك القطوووه وتقووول( هاذي ابلى شوبارد اشفيه بطنها كابر .. متى اعرست ؟؟؟؟)

__________________

[SIZE="4"]شوبارد اختى الحال من بعضه000ونفس مشاعرك انتابتنى عند الرجوع للمدرسه

بس والله ما اخلى احد يحس فينى00بل ان كل المدرسات يغبطونى على حياتى

يظنون ان وضعى عاجبنى000خاصه ان لازال بامكانى ارفض من يتقدمون 00اذا لم ارتح لهم

على الرغم من انى مطلقه00ولست صغيره00ولكن شكلى لايعطى عمرى الحقيقى000

واول سؤال عند بدايه الدوام المدرسى>>>>>>>>>>>>هاااه مافى خبر جديد؟؟؟؟

ماتزوجتى يا صرااحه؟؟؟؟:14:

شوبارد متى يبطلون يسألونى هالسؤال؟؟؟؟؟؟ [/SIZE]

الله يوفقك ويرزقك بالزوج الصالح

ياقلبي عليك

تصدقي .. اشتقت لايام الدراسة

نفسي ارجع طالبة .. بس عشان تدرسني أبلة شوبارد

يا بخت طالباتك فيك .. كل يوم مقابلتهم مدري كم ساعة

المدرسة تغيير جو .. ناس رايحة وناس جاية .. تشوفي اشكال جديدة .. وتتعرفي على ناس جدد

تحسي الحياة متجددة مافيها رتابة

الله يرزقك ياحبيبتي باللي يخاف الله فيك ويعرف كيف يقدرك

***

اختي شوبارد ..

اسعد الله اوقاتك .....عادة .. الطالب او الطالبه او الموظف...اذا شافوا مدرس او مدرسه او مدير جديد.. عليهم شوي

حركات ...

ويسئلو اسئله في اضيق الزوايا .... حتى يكتشفوا نوعيه الأبله شوبارد ... قويه عصبيه مافيه وقت للمزح..

بعدين يبدو يخططو بطريقه لفهم افكارها وجديتها.... خليك شديده في بادئ الإمر حتى تستطيعي تعملي كنترول

كلمة زوجي تخوف << ياشين الواحد اللي ماتعود عالنعمة..........

يارب تحققي لك تلك الإمنيه التي طالما حلمتي بها........انتي وبقية الإخوات الكريمات...

__________________

	تــــــــــــــــــبــــــــــــــــــسّـم عــــــــــلام الـــــهـــــم والـــمـــلــــل ودمـــــــــع الـــعـــيـــنٌ يــنــهـــمـــلُ تـــبـــســـم تـــقـــهــــر الـــدنـــيــــا وعــــنـــــك الـــــهـــــم يـــرتـــحــــلُ أيـــغـــزوا الـــهـــم ُ قـــلـــبَ فـــتــــى عــــلـــــى الـــرحـــمـــن يـــتـــكـــل ابوجازي

ذكرتيني بأيام الثانوي.. كنت أشوف المعلمات<<< ما نقول أبلة بنات مدلعين هيهيهي المهم أستغفر الله كنت أشوف المعلمة كبيرة وعانس تلاقيها كانت 27 ولا حتى أقل.. وجاني الدور


أحس أسألة عادية الجميع يسألها وإحنا من الناس برضو نسأل تزوجتي ولا لأ.. المتأخرة ولا المتزوجة والطالبة هذي كلها اسمها حب استطلاع الله يسهل.. لا تزعلي أختي كلنا في نفس المركب

ما شاء الله أنت معلمة الله يسعدك وييسر أمرك عاجلا بالشخص المناسب اللي تنزلي من السيارة ومعاك وردة من زوجك على الصبح تقهري فيها بنات الفصل

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

عزيزتي شوبارد خلي املك بالله كبير

ورمضان على الابواب استغلي هالشهر الفضيل وتحري لليلة القدر

واكثري من الاستغفار

عودي لسانك على الاستغفار في كل وقت


ادعوا الله في هذه الساعة المباركه بين الاذان والاقام

ان يرزقك بالزوج الصالح في القريب العاجل ويرزق كل عازب وعازبه


آمين


__________________________
انا الواثقه