السلام عليكم

بطرح عليكم مشكلتي وان شاء الله الاقي عندكم حل لها

انا زوجي باختصار خاين يعني وصلت فيه انه يعاشر النساء .. والعياذ بالله

وكل مره اواجهه بالشئ اللي اكتشفه يثور ويعصب واخر مره امس

شفته يحادث بنت صغيره عن طريق الانترنت ويعطيها الرقم وواجهته باللي اعرفه وثار علي وعصب وقام يحذف على كل شئ جدامه

ويقولي انتي ليش تفتشين في اغراضي مالج حق... وعقبها قام يقولي هذيلا اللي اكلمهم تاج راسج ومن هالكلام ...

وقام يقولي قومي بوديج بيت هلج وعيالي قعدو يصيحون من الصراخ خافو وقالي انا ماابيج في البيت هذا كله لاني واتجهته بالغلط اللي سواه

تدخلو هله في الموضوع وكانو في صفي وقالو له مالك خص وانت الغلطان وانا الحين في بيت زوجي بس هو مب راضي يتفاهم ولا يكلمني ولا حتى نشوفه الا اذا بيبدل وبيطلع... شالحل هو يقولي انا ماابيج

اشرايكم اروح بيت هلي ولا شاسوي المشكله ان انا تفكيري كله في عيالي مابيهم ينحرمون من انهم يعيشون مع امهم وابوهم وفي نفس الوقت مابيهم لين كبرو يشوفون ابوهم على هالحال..

يمكن انا مقصره بشئ بس تقصيري مايسمح له انه يسوي كل هذا وكفايه انه حرام

وهو مايصلي ولين قلت له قام يهاوشني ويقولي انزين روحي صلي ماعليج بقوم ارجع الاقيه راقد

اتمنى احد يساعدني ويعطيني حل لهالمشكله

وانا طرشت له رساله قلت له اذا هديت خلنا نتفاهم بعيد عن اليهال ومارد علي

شالحل انا فعلا ياست ؟؟؟

وجزاكم الله خير