مااعرف كيف ابدا الموضوع بصراحه ثقتي فنفسي ضعيفه جدا رغم ان ساعات بيبان العكس ورغم انه بيبان العكس احس ان في ناس من قريباتي عارفين ايش طبيعه شخصيتي وبيحاولو بكل الطرق ينقصوها رغم اني بحاول اثق فنفسي وكتير بفشل وبدايق والصراحه ماابغا خطيبي يحس بدا ابغا اكون فنظره انسانه واثقه في نفسها ما يهمها احد بس للاسف بحاول وبفشل المهم انا الموضوع ومافيه انا الحمد لله عندي كل شي واي بنت تتمناه والدي مو مقصر عليا بمال ولا والدتي لي مصروف شهري باخذه بجيب فيه كل اللي ابغاه والحمد لله مو ناقصني شي مرفهه بكل شكل من الاشكال انا اشوف من قريباتي والدهم ياخذ منهم الجوال ويعاقبهم ومصروفهم الشهري اقل مني الحمد لله انا ما حصلتي انا والدي ووالدتي واثقين في بالذات والدتي المهم مشكلتي بدات لمن كنت اسافر مع اهلي كانو هما ما يسافروا المهم كنت اسمع واحده من قريباتي تقول لوالدتها اشمعنا فلانه المقصود بيها انا تجيب وانا لاء. كنت بشعر بنظرات غريبه منهم ليا كنت بطنش فخلال سفري فكرت اسوي وشم لحواجبي وفعلا سويت ورجعت ولمن رحت عندهم بدات قريبتي دي تستهزا بمنظري وتقلل من ثقتي بنفسي كانت تقول وحشه وانا كنت شايفه كدا فكرت بتاني سفره اضبطه وللاسف صار اسوء كرهت نفسي كل يوم افكر اني اشيله باي طريقه من الطرق ومو عارفه كيف المهم بعد خطوبتي قلت لقريبتي دي هشيل الوشم قالتلي احسن لا يتفجع خطيبك من شكلك مع العلم انها حاليا اتزوجت قريبتي دي واصبحت تفتخر بما عندها امامنا جميعا المهم بدات اروح مركز تجميل عشان اشيله وطبعا مااقلكم علي الالم الصراحه انا حبيت اكتبلكم بالمنتدي لاني بجد هفرقع جوتي صراع غريب مع العلم ان قريبتي دي والدتها شديده جدا معاها قبل ماتتزوج اما انا ماما صديقه لي جدا وواثقه فيا جدا بخرج لحالي مع العلم ماعندي صديقات كتير والدتي صديقتي . ابغا اثق بنفسي ابغا الوشم اللي بحواجبي يروح وخايفه اقول لخطيبي مع العلم ان الحمد لله حلوه ووالدتي بتحاول تزود ثقتي بنفسي بس انا مو قادره مو عارفه ايش اسوي بصراحه موضوع الوشم اللي سويته بحواجبي زادني قله ثقه هفرقع بجد ومو عارفه ايش اسوي كل مرا بروح فيها المركز اقل للمختصه خلصيني طفشت تقلي طيب وتعاد الكره من اول وجديد اخر مره رحتلها قلتها تعبت وطفشت وهيا المختصه قالتلي انا تعبت كمان ابغا يروح زي مانتي تبغي يروح الصراحه حاسه ان الوشم اللي فحواجبي هوا سبب من اسباب عدم ثقتي بنفسي الصراحه محتاره وندمانه واظن ان قريبتي دي شمتانه في وقاصده ان تقلل ثقتي وكل ما تكلمني بشكل حواجبي واقول لوالدتي او اقلها انها بتقول كدا واكلمها ماترضي تجيب سيرتهم قدام والدتي سا عدوني لو سمحتووووووووووووو وشكرا ليكم اسفه علي الاطاله