السلام عليكم ورحمة الله وبركاته..

الله يفرج همي..
سبق ان كتبت مشكلتي قبل زواجي باسبوع حيث اتهمني زوجي باني غير عذراء بعد فض بكارتي بنفسه وحسبي الله ونعم الوكيل..
استخرت الله وتزوجته وفي نيتي ان اتمم الزواج امام الناس وانهيه باقرب فرصة..
اخذته وهو متزوج وبينه وبين زوجته مشاكل لاااااااااااتنتهي ولديه طفلين اكبرهما عمرها 5 سنوات..
انفصل عن زوجته بعد زواجنا لمدة شهرين مع انها كان ترسل لهاتفه مسجات برقم مجهول على انها فاعل خير يحذره مني وبالفاظ يخجل العاقل ان يتذكرها فكيف به يتلفظ بها..
ومع علمه انها هي عاد ليرجعها بعد شهرين من زواجنا ولم ترضى..
المصيبة الكبرى انه ذكر لي قبل الزواج وقبل عملته اياها انه كان متزوج مسيار في فترة ماكانت زوجته منفصلة عنه وقد انجبت له ابنا لم يحسبا له حسابا حيث ذكر لها الاطباء ان حملها نسبته ضعيفة عندما كانت متزوجة من شخص قبله ولكن شاء الله ان تحمل بمجرد دخوله عليها..اعترف اني كنت غبية صدقته عندما قال انها ماضي ولن تحسي بوجودها وهي في ذمتي من اجل ابني فقط وهي عند اهلها ليس بيني وبينها حياة..
المهم مضى على زواجي منه الآن 6 شهور كلما استخرت ان اطلب منه الطلاق اجد في نفسي ميولا له..فهو موافق لي في الطباع وطيب القلب وحنون وليس به طيش الشباب او ميولهم المراهقة ولم اسمع منه في حقي الا المدح والثناء امام اهله واهلي واعترافه بحبي..
في خلال الست شهور اعترف ان زواجه لم يكن مسيار وانها طلبت منه ان يعيدها شرط ان تتنازل عن جميع حقوقها وعادت واصبحت كل يوم او يومين تطالبه بليلتها او باغراض للمنزل او لابنها..
طبعا اهلي لم يعرفوا بامر هذا الزوجة نهااااائيا ولا ادري كيف اوصل لهم هذه المعلومة التي لابد انها ستهز صورته عندهم..
وزوجته ام اطفاله لاتترك فرصة في اهانتي واهانة اهلي الا وتستغلها امام اهله او امامه وعندما اطالبه باخذ حقي ورد اعتباري يقول انها تقوله وهي في منزل اهلها وليس في يدي ماافعله..اذا صارت في بيتي رديت عليها..
رجعت لبيتها يوم وفي نفس اليوم سبتني وضربها واليوم الثاني عادت لبيتها واخذ بخاطرها وقال اني ضربتها امام اطفالي لانها تلفظت بالكلام امامهم ولم املك نفسي وعاد وقال انتي السبب في اللي صار وهذه المشكلة واني ضربتها امام اطفالي..
وقبل عدة ايام مررنا من منزل اهلها نعيد اطفالها اليها بعد ان قضوا اليوم معنا واستمتعنا بيومنا العائلي وخرجت امام منزل اهلها وتفلت وتلفظت علي ولم يفعل شيئا سوى انه عاد الى السيارة مسرعا وقال لاتزعلي..
حتى عندما يتصل بها واكون بجواره ويقول اعطني اكلم اطفالي تسأله هل (....) هي بجوارك..ومابين القوسين سبة ويغير حديثها ولا يعلم اني سمعتها تقوله..
حتى جوالي ارسلت رسائل استفزاز تقول انه سيطلقني ولن اكون زوجة عمره وسيعود اليها والكثير من كلمات السب التي لم يفعل زوجي السبع شيئا حيالها سوى طلبه ان اتحمل وانه لايملك شيئا من اجل اطفاله لايريد اهانتها امامهم..
وكل هذه الفترة لم افعل شيئا لها لاني اثق ان زوجي سيرد عن كرامتي لو اهانتها امامه ولكني اكتشفت انه لايفعل شيئا بعد ان رأيت الموقف امامي امام منزلهم..
بعد للموقف انهزت كرامتي واردت ان اثبت اقوالها عني فاتصلت بها وشغلت جهاز التسجيل عرفت انها انا ولم تترك كلمة سب لم تقلها وقالت اعلم انك تسجلين يالملعونة وسكرت مني واتصلت بزوجي واتهمتني اني ازعجها واتصل بها واسكر واسجل كلامها واتصل زوجي وترجاني ان اتركها ومن بعدها اعتبرت موقفي تحدي لها وطلبت من زوجي ان ترجع له بعد ان كانت رافضة الرجوع الا بعد ان يطلقني او يطلقها..واصبحت تتصل به طول اليوم وتقول مشتاقة لك وانا مجهزة فراشك في منزل اهلي ومتزينة لك وتعال نام عندي وانا وقتها اكون في فترة دورة ولا اعلم ماذا تقول له ولكني ربي يلهمني ان اطلب منه ان نخرج سويا على نياتي ويصرفني ولكن يعود ويوافق ويخرج على مضض ويعترف لي بما قالت له بعد ان تحرق جواله بالاتصالات وطبعا يقول هالكلام ليبين لي انه انسان محبوب ومرغوب وجذاب..
واليوم جاء من العمل وقال انها اتصلت بي تقول عملت لك طبخة كذا تعال تغدى عندي وهي طبعا عند اهلها لم تعد الى منزلها الا 3 ايام منذ شهر وزيادة..
وجا قال لااشتهي غدا..
بعدها ناداني وقال لي تروحين لاهلك اليوم؟قلت ليش وش برنامجك؟قال اليوم عندي اجتماع عائلي مع زوجتي واطفالي قلت الله يوفقكم..وبعدها قال صبي لي شاهي ونام في الصالة وانا توني بادية اسولف له ولا حتى ذاق بيالته مع انه اول مادخل قال ابي شاهي..ولما رحت عنه وتركته في الصالة قام وشرب بيالته ودخل ينام كن اللي امامه جدار ليس زوجته التي من الصباح في المطبخ تطبخ له وتتزين له وترتب البيت له..
ونام عبى راسه نووووووووووم مع انه كل يوم ماينام ويمسك نفسه علشان ينام بدري وهو طالع خذ دفتر العايلة معه وشكيت انه بيروح معها فندق..مع التذكير اني في فترة الدورة!!
وداني لبيت اهلي وبالطريق سألته انا قد سويت لك شي او قصرت معك بشي؟قال لا..
نزلت لبيت اهلي وارسلت له مسج كتبت فيها الله يسامحك وحسبي الله ونعم الوكيل..
انا ادري اني ماقصرت معه بشي وحتى مااثقل عليه بالاغراض ولا رحت السوق من تزوجت الا يمكن مرة او مرتين علشان مااثقل عليه مع اني موظفه وراتبي ضعف راتبه بس اني مسلمة له الامور يصرفها حسب مايشوف ويعلمني بكل شي يسويه..لكن الظاهر مايستاهل ..وراجع يتصل علي بعد ساعتين يقول انا وش قصرت معك علشان تقولين الله يسامحك وتتحسبين علي؟قلت حاسب نفسك بنفسك وسكرت بعد ماقال لي الله يسامح الجميع!!
افكر اني انفصل عنه واخاف اني اكون متسرعة وبهالشي اكون وصلت زوجته الاولى لهدفها..
حتى هو طالع ينبسط معها ومع عياله ومتى مابغى جاب عياله ومتى مابغى جاب معنا لمشوارنا ولا عمري قلت له ليش ولا نبي نصير لحالنا والحين صار اجتماعه مع عياله وامهم؟؟!!
ويقول لي لاتزعلين انتي السبب انتي اللي اتصلتي عليها وكبرتيها براسها والحين تقول مابي شي بس برجع علشان تبي تقهرك وانتي السبب انتي اللي خليتيها تتنازل وترجع!!!
ادري طولت عليكم سامحوني بس مقهورة ومحتارة..
الله يفرج الهم وحسبي الله ونعم الوكيل..
تحملت الاهانات ولا قلت لاهلي كلمة من اللي اتحمله لحالي علشان لايتأثرون ولا تتأثر صورته بعيونهم ولا تكبر..
مع اني عمري ماسمعت ربع هالكلام؟؟!!
الحمد لله كنت طالبة متفوقة والحين ناجحة بعملي ومميزة وهذي حياتي اعرضها لكم..
هل انا السبب باللي انا فيه؟هل طيبتي هي السبب؟؟
تغاضيت عن اشياء كثيرة واحتسبت الاجر ورضيت بعياله وحبيتهم وحبوني وحتى لما سافرنا اجبرني ياخذ بنته معنا مع اني عارضت بس بالاخير وافقت بعد ماوعدني انها متأثر على وناستنا..
سلمته القفل والمفتاح وخليته يتصرف براتبي بعد مايستأذني ولا اطلع ولا اروح ولا ازور الا نااااااااااااادر ولا اطلع زواجات ولا اتمشى بسوق ولا اتمشى الا بالسيارة+كوب كباتشينو وقلت معليه اهم شي نكون سوا..
وهاذي جزاتي..صرت انا السبب؟؟؟؟
ادعوا لي يااخواني وسامحوني عالاطالة واتمنى انكم تستفيدون من قصتي....

اختي الكريمة 000

الرجل يضعف امام الكلام الجميل والاغراءات 000 فافعلي مثلها 000

ارسلي مسجات شوق وحب وووو

وكوني دائماً جميلة بعينه 000 ولا تجيبين سيرتها 000 حتى تكبرين بعينه 000

صدقيني هي مضغوطة اكثر منك كونها زوجة اولى 000 فتحملي بعض تصرفاتها 000

زوجك طيب وحنون فلا تحمليه فوق طاقته 000 لانك انت الكفة الاخف فيما لو وضع في موقف خيار بينكما 000

اعرف رجال كثيرون طلقوا زوجات يعشقونهن من اجل ام الاولاد 000

فلا تضغطي على زوجك بأن يأخذ بحقك ويفعل ويفعل لانه سيلومك بالنهاية كما حصل معك بالضبط عندما ضربها من اجلك 000

بل تحمليها وذكريه دائماً انك تتحملينها من اجله 000 هكذا ستملكين قلبه 000 ولا انصحك بالانفصال 000

وفقك الله ويسر امرك

الله يعدل الاحوال..
كل ليلة ادعي الله انه يقدم لي الخير وهو حسبي ونعم الوكيل..
والله يااخي اني اتزين له دائما واسوي له المفاجآت وابحث له بالنت عن الاشياء اللي تجدد حياتنا والطبخات اللي يحبها مع انه لايتيسر لي دخول النت الا عند اهلي اقتطع جزءا من وقتي معهم من اجله..
حملت نفسي قرض من البنك لمدة 5 سنين علشان يشتري له السيارة اللي نفسه فيها كاش..
والله انه مافيه شي يبيه ينطق به لسانه الا يلقاني جايبته قدامه من اغراضه..
حتى زوجته اللي زعم انها مسيار قابلتها وزرتها علشانه مع اني كنت رافضة..
وكل مادق عود في حصاة قال احمدي ربك ان الله رزقك زوج يخاف الله ومايفكر بالخرابيط ولا يبي الا بيته..

اعذروني محد يعرف كل التفاصيل الا انتو وهو وانا..
ولا اقدر افضفض لاحد غيركم..

ختي الغاليه


هي الزوجه الاولى وكفتها ارجح منك بالاولاد


فاطلبي انت من زوجك ليرجعها


خيرا من ان يطلقك في يوم لكي يعيدها


نعم هذه هي الحقيقه المره


هو يحبك ويحن لزوجته واولاده

وان راى ان عودتها ستسبب مشاكل معك سيكون طلاقك افضل الحلول لديه


نصيحة اخت قاربي بينهما وحثيه على ارجاعها


وتكون الامور واضحه لك يومك ولها يوم


وكلا في طريقه


ولكي يستقر الاولاد لانه سيحملك اي شئ يصيب اولاده


اذا سببتي له مشاكل في كل مره يتصل بها


كوني انت له المسكن الهادئ ولاتذكريها بسوء امامه


واحتسبي الاجرانك ستجمعين اطفال بابيهم


وبالتوفيق

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

والله قهرتني

الله يصبرك ياقلبي

اسمعيني قلبي وحطي كلامي حلق بذانك <<<تسمعه من جدتها

لا تصيرين غبيه وتفرحين زوجته الاول ويتحقق هدفه

شوفي زوجك خلى عينك له فراش ورمش عينك مخده

ودلعيه وتكشخ له وجددي بشكلك بستمرار

ولا تجلسين كل شوي تتهوشين معه علشان زوجته الاول وترسالين مساجات

شغلك هذا بيكره فيك وماراح يوصلك النتائج لا الطلاق وكره لك

سمعيني مجرد مايدخل زوجك البيت اعطيه حنان وكلام يرد الروح

وسوالف وضحك لاتذكرينه بزوجته الاول

خليه معك يكون مبسوط وينسى هموم الدنيا

خليه يحس وناسته معك

الرجال زي الطفل يدور راحته وين فيه

لاتتركينه تفوز عليك وتكسب زوجك بسلوبه الحلو معه

انت لاتقصرين معه وتعلمي من المنتدى اشياء وحركات جديده وطبقيه على زوجك

واذا قال لك سالفه عن زوجته الاول لاتجلسين تسبين فيه لا ياقلبي


قولي الله يهديه واهم شيء انت لاتتضايق

خليه يفهم ان اهم شيء عندك بالدنياء رحته ورضاه

وعياله لا تتضايقين منهم قدامه خل يكون اسلوب تعاملك معهم كانهم عيالك وقولي غلاهم من غلا ابوهم

خلي زوجك اذا شاف الاول تسب فيك بيقول والله ان الثانيه طيبه ماتقول كلمه شينه بحقه وبيزيد غلاك عنده

بعدين بنسبه الخروج عياله معك

مره بالشهر مو مشكله بس بعض طلعتكم قولي له بكلام حلو ورمانسيه انك تبين تكونون الحالكم

اهم شيء ياقلبي لاتجلسين تتهوشين مع زوجك كل مادخل علشان زوجته الله الله بلاسلوب الزين والنفس الحلوه والكلام

الحلو ترا الرجال مايبي غير راحته والنفس الزينه

والله مادري وش اقولك بس احس انك رفعتي ظغطي يوم خليتي زوجته الاول تحقق هدفه وصارتي بس تتهوشين مع

زوجك

والحين ارسال له مسج حلو وقولي انك عورك قلبك ليش يتضايق منك وانك ماتستحملين يكون بخاطره شيء عليك


الله يوفقك ويسخر لك زوجك

__________________
سبحان الله وبحمده

نمشي على كف القدر ولاندري وش المكتووووووووب

شدتني العبارة
قبل لااشوف ردودكم ارسلت له مسج اقول له انه مقصر ونفسه شينة علي ويعرف متى يحطني بجدوله ومتى يشيلني من جدوله وتركته..
الحين له ست ساعات تاركني ببيت اهله واكيد الحين معها بفندق ولا شقة!!
ومن القهر حولت رصيدي علشان اذا احتاج مايلقى شي ياخذه
يانااااس قهرني انا وش سويت له
الموقف الوحيد اللي سبب المشاكل يوم طلعت الشارع وانا بالسيارة ولعنت وتفلت وهو انحاش من قدامها واسرع بالسيارة..اقسم بالله ان حتى الجيران سمعوها
من بعدها هانت علي نفسي وبديت اسوي مشاكل بالاضافة الى نفسيتي كانت تعبانة لاني توقعت اني هالشهر حامل وماطلعت حامل!!!
وقهرني بعد يوم يقول لي خلاص انتي تعودتي على السب منها واللي يتحمل في الاول يكمل يتحمل!!

تعبت خلاااااااااااااااااااااااص
حسبي الله ونعم الوكيل
ياليتني ماتزوجت )":

اختي الكريمة 000

اراك تركزين على نقطة الفلوس 000 اسمعيني اختي

الرجل يحب المرأة التي يمارس عليها دوره الرجولي واهمه الانفاق 000 فإذا لم يقوم بدوره عندك فسيبحث عن امرأة اخرى يحقق هذا معها 000

نصيحتي اقطعي اي مصروف من جهتك 000 الا ترفضي بشكل مباشر بل افهميه انه تراكم عليك بعض الديون او او او

وعيشي على قدرة زوجك واجعليه هو القيم عليك000 واخبريه ان الشيء المقدم منه له طعم خاص كونه زوجك000

عندها فقط سيحبك ويشعر برجولته امامك 000

الله يوفقك وييسر امرك ويطيب خاطرك برجعة زوجك لك
حبيبتي كلام اخوي كاره الرياضيات عين العقل مو معقول تتركين له التصرف المطلق بفلوسك
بس ابدي بالتدريج لايحس انك قاصده
قلبي ودعواتي معك الله يلهمك الصواب

الحياة غابه ولامكان فيها للضعيف
وانتي طيبتك رح تخسرك بيتك وزوجك
اختي الحبيبه اولا لاتصرفي من راتبك ولاشيء لأن الزوج ملزم بمثل هذه الأمور يمكن متزوجك علشان الفلوس احرميه منها وشوفي ردة فعله وبعدها تعرفي هو يحبك او يمثل عليك الحب
والواحده اذا ماكانت تمتلك شخصيه قويه تفرض فيها احترامها على الجميع فلن تعيش
اذا كان زوجته تسبك امامه وموقادر يأخذ حقك ولايسكتها وكمان مايزعل منها فالأكيد انه يحبها وماتدرين هم على شو متفقين من وراك....على الأقل لما تسبك امامه يقدر يسكتها بالقوه
عموما انتبهي لنفسك قبل فوات الأوان علشان ماتندمي بكره والله يكون في عونك ويحميك من شرهم

معليش بس الي تتزوج رجل متزوج

لا تتوقع ان حياتها بتكون زي الي متزوجه رجل اعزب مثلها مثله

هذا اولا

ثانيا

تقولين هذا جزاي يوم رضيت باولاده
اصلا من وافقتي تتزوجين رجل متزوج انتي تعتبرين مستحمله وراضيه عن اولاده يعني مو شي تمنين فيه عليه او شي حلو منك لا واجب عليك تستحملين وواجب عليه مايقصر بحق اطفاله ولا بحقها دامها زوجته
مثلها مثلك وتقولين تطلب ليلتها المفروض هو يكون محدد يوم عندك ويوم عندها

عموماااااا
الرجال مثل الطفل المكان الي يلاقي فيه راحته ودلاله يحبه ويتعلق فيه
فانتبهي له النقطه