مشاركــاتي دائمــا قليلـــة ... وخاصة في هذا القســم
ولا أخفيكم لا أحب ان اشارك في هذا القسم لما يحمله من هموم ..
وانا دائمــا ارى ان العنوســة لهـــا ايجابيات كثيرة
وخاصة اننا دائما نرى ونسمع ان قلة من الازواج من يقدرون زوجاتهم للأسف الشديد

المهم ما ابي أطول عليـــكــم

اليوم صـــار لي موقف .. وخلال هالموقـــف تذكرتكم معظمكــم ان كان مو كلكم
تذكرت القائمــة السودة كلهــا

منذ اسبوع تقريبا الادارة في المدرســة طلبت مني ترتيب الصف وتعديله على أساس بيصيــر مسابقة أحســن صف
يومهــا رديت البيت وانا في غاية الحماس ... وطلبت من أخــي الكريــم يطلعنــي عشان اشتري اغراض للصف

ووعدني ان اليوم الثاني يطلعني >> قلت مو لو كنت متزوجة كان خلصت السالفة اليوم

انتظرت اليوم الثاني ... اخي الكريم مشغول ... تأجلت الطلعـــة >>> أووف قلت في نفسي ..معهم حق شلة العوانس

اليوم الثالث ... أستحيت اذكره ... قلت بيتذكــر لوحده ...>>> اخر الليل فيني قهر ... يالله الله كريم ..مولو كنت متزوجة !!!

اليوم الرابع ... صادتني ظروف وما قدرت أطــلع ... أخوي قال كيفك ( يبي الفكة )... قلت اة أنذليت ..ااة لو كنت ...


وهكذا

الى يومكم ذي.... شفت أخوي المبجــل ... وكان لا بس قبل التراويح
وقلت في نفسي أروح اصلــي معاه ... وعقب اتسوق وأشتري أغراض للصف
قالي : لا .. بطلع اليوم ... في الليل ان شاء الله ... ( ان شاء الله لها تفسير ثاني عند أخوي )
قلت له : أكيييييييييد
ضحك ومشى ... وأنا في قمــة
وكانت فيني الصيحـــة ... شافني ابوي الله يطول عمــره وقالي أمشي اوديك
وطبعا ابوي كبير في السن وأنا اطول في السوق ورفضت هالشئ


وقلت ما عندي غير أخوي الكبير .. بس كنت متفشلة لأنــه توه مطلعني قبل كم يوم
وقلت له ... قال لي : اليوم مشغول ...>>>> اخ لو كنت متزوجة


سامحوني ..طولت عليكم ... بس الخلاصــة

أنه بالنسبة لي أكثر شئ يقهــــر للي مو متزوجــة انه ما في أحـــد يلبـــي طلباتها
لأنه ما تحس أن أحد مسئول عنها .. وتحس دايما انها تطر ( عذرا على هالكلمــة )
انا أخواني عشان ما أظلمهم ما يقصرون بس اي انسان عنده كرامة يحس بالاحراج اذا كثر الطلبات
وانا للاسف كرامتي فوق كل شئ
أحس اني بطلع قهري كله في ولد الحلال .. الله يعينه
يصيــر معاكم اللي يصير معاي ولأ لا .....

وصية لأخوتــي الرجال : يا ليت ما تردون خواتكم الغير متزوجات والله حرام تكسرون بخاطرهم