الحمدالله الخير يجي بالتدريج والله ييسر أمورك ويعوضك بمن هو أفضل من زوجك
وبالنسبة للمدارس الأهلية لاتشكي لي أبكي لك..
<< خبرة في المدارس الأهلية
صح الحمدالله الشغل فيها اهون بمليون مرة من الجلسة في البيت لكن حرق أعصاب واسمعيني ياغالية ياما لعبو علي اول ماتوظفت وياماصرفت راتبي وآخذ من أبوي بعد عشان أرضيهم
ولابين عندهم أبدا ويعطوني ملفاتهم أضبطها تخيلي اشتغل شغل ماهو شغلي!!!
والحين يوم صار عندي خبرة نبت لي ريش وفهمت حركاتهم
ريال واحد ماطلعه لهم لدرجة اني ان اوراق اي فور أخذته منهم عشان اطبع اختباراتهم ههههههههه << استقوت عليهم
حتى اقلام السبورة اول انا اشتريها صرت اقولهم وفرو لنا اقلام ماصار كل اسبوعين نروح المكتبة نشتري اقلام
غير الإهانة والذل والنقد ويمدحونك في 3 شهور مرة ولو غلطتي مرة نسو حسناتك كلهاااااا
وكل شوي يقولون ترى الاف مثلك ينتظرون الوظيفة بس نتصل عليهم ويجون بسرعة! >> يهددون
المشكلة مافيه اي نظام رادع لهم مع انهم يتلاعبون كثير لكن محد وراهم
غير اللعب بالدرجات يجي نهاية الترم تدخل المديرة وتزيد البنات مشاركة!! يعني تعبنا راح هباء منثورا
عاد رياض الأطفال كرف مضاعف اشوف اللي عندنا الله يعينك
نصيحيت لك روحي للمسؤولة وقولي ابغى طلبات كذا وكذا وكذا واكتبيها بورقة وخليهم هم يجيبونها او اشتري وعطيهم الفاتورة
راتبك من حقك هذا
والله يسهل عليك ياحي ياقيوم يله هذا اول الخير..