السلام عليكم
يمكن موضوعي تكرر الف مره لاكن هذي المره الموضوع زاد عن حده
انا شاب في 25 لي سنه ونا اخطب وكل ما خطبت وجت الشوفه الشرعيه وكل واحد فينا اقتنع بالثاني تجي الف مشكله
بقول لكم اخر خطبه وش صار فيها قبل 5 ايام
خطبو لي اهلي بنت تدرس بالجامعه علوم طبيه مو دكتوره لا المهم ما زالت تدرس خطبوها اهلي ووافقو وجت الشوفه الشرعيه ورحت بعد ما سألو عني اهلها حتى المطار سالو فيه اذا كنت اسافر او لا المهم انا رجال مستقيم ماعندي لف
ولا دوران محافظ على صلاتي ولا اترك فرض ابدا ما عندي خرابيط شباب الحين من الدوام للبيت ومن البيت للمسجد
والزيارات العائليه وشغلي الخاص فيني
المهم بعد ما رحت وشفتها هي عاديه جدا ليست بشعه ولا جميله بس عاديه جدا عجبني فيهم النظافه وحسن الخلق طبعا
الاب والاخوان من ابدع ما يكون
قالي ابوها كلمها طبعا مكالمه وحده قبل اي شي يعني قبل الملكه انا قلت احسن اعرف شخصيتها على الاقل شي بسيط
المهم بعد المكالمه ارتحت لها وهي كذالك
لكن نجي مربط الفرس
بعد الملكه كل شوي تتطلع لي بسالفه قامت تشوف نفسها لدرجه محد يتصورهاكن ما احد درس طب الا هي
كل ما فتحنا موضوع تقول صعب التفاهم معك اانت ما تفهم يا الله شلون مخك كذا
المشكله اني سكرتير واملك من الذرابه وفن الحوار بشكل ممتاز لدرجه اصبحت سكرتير بوزاره لدينا واصبحت من المكتب
الخاص بالوزير
المهم شكلي جدا مقبول وحالتي الماديه جدا ممتازه
لاكن المشكله برزة الخشم
المشكله ما تعرف تتكلم الا بشي واحد انت ما تفهم انت صعب التعامل معك لين طفح الكيل وقلت
تراك ازعجتيني افتحيي اي موضوع وناقشيني فيه
قالت انت وش تفهم فيه
قلت انتي وش تفهمين فيه
اتكلم بالسياسه تبين او الاقتصاد او الرياضه او بوشو كلها افهم فيها
قلت انت ما تفهم بالطب
قلت تراك مصدقه عمرك هذا ونتي توك بثاني سنه اجل اذا تخرجتي وش بتسوين قلت انتي تفهمين بشي واحد
ونا افهم بأمو كثيره وعموما مو مشكله الي بينا مو طب ولا تجاره ولا سياسه الي بيننا زواج واسره وحب وتفاهم
والاشياء هذي كلها ما لها اي قيمه
اتعبتني واخر شي قلت لها مع السلامه انا براجع نفسي بصراحه لازم اعيد النضر
ومن هذي الكلمه الا اليوم ما قلمتها واليوم تدق علي صجتني ووترتني بصراحه ورسايل وكل رساله تقول انا اسفه
رد علي
ونا مليت بصراحه انا قلت لكم انا مرتاح لها بغض النضر عن شكلها