17-10-2006, 06:01 AM
17-10-2006, 11:42 PM
18-10-2006, 01:34 AM
18-10-2006, 01:47 AM
18-10-2006, 01:47 AM
18-10-2006, 01:52 AM
18-10-2006, 06:59 AM
18-10-2006, 07:11 AM
18-10-2006, 07:41 AM
|
المشاركة الأصلية كتبت بواسطة matla3_alshams
سلام عليكم
أحب ان ابدا اولا واقول انا تزوجت قبل 2اشهر سافرنا في البدايه 3اسابيع ثم رجعنا كان زوجي في البدايه غايه في اللطف . انا عمري 26 سنه وهو عمره تقريبا 32سنه صلة قرابتي به بعيده المهم رجعنا من السفر وهو رجل اخر غير اللذي عرفته من قبل .بدأ دوامه وبدأت انا بالمسؤليه كل يوم نفس الشيء هو يرجع من الدوام وانا مجهزه الغداء ومتزينه وكأني عروس .طبعا زواجي لم يكن الا عن اقتناع مني ومنه ومدة الخطوبه استمرت 8اشهر . المهم استقبله احسن استقبال واقدم له الماء واضحك بوجهه وهو ولا كاني اسوي شي انا اعلم ان هذا واجب علي لكن لاجد منه اي تفاعل .احط الغداء ونتغدا وهو صامت احاول ان افتح معه اي موضوع لكن عبث . نخلص هو يتهيأ للنوم وانا اذهب للمطبخ اغسل الصحون ثم ارجع للغرفه وانام ساعه بعد الغداء اصحى واصلي العصر وهو لسا نايم اقعد اغسل الملابس او اكوي حتى المغرب ثم اصحيه واسوي قهوه احيانا يقوم واحيان لا يواصل الى بكرا . انابهذي الاثناء ايش اسوي اذا صحى تقهوينا بصمت طبعا ثم يطلع ولايرجع الا الساعه 12 او 11 اكون انا مجهزه العشاء نتعشى نقعد شوي نروح ننام . طبعا هذا البرنامج كان طول الشهر الثاني من الزواج يعني انا لسه عرووس حاولت اساله ايش فيه يقول مافي شي او مايرد.انا ماقلتلكم انه ماينام عندي باالغرفه هاجرني طوال شهركامل . لاحظت عليه بعض التصرفات الغريبه واللي انا استهجنها لكن ماكنت اقوله شي : مثل التفتيش في جوالي ومراقبته وكنت اتعمد اروح انام في الغرفه واخلي الجوال عنده عشان يرتاح ويتطمن. التلفزيون كان كل مااتابع برنامج او مسلسل يقولي غيري واغير على طول هوعلى فكره ماهو ملتزم لكن كذا مزاج او انه اذا شافني مركزه على قناه واتابع برنامج حذف القناه على طول رغم انه كنت مااخلي التلفزيون يلهيني عنه او عن شغل البيت .اسلوبه معي كان جاف وقاسي نوعا ما وهذا لاحظته من شرالعسل.رغم اني انا كنت بنت هاديه ولا اعاكسه يعني يقول لأ خلاص لأ ماعيد واطلب الطلب مره ثانيه .حاولت التقرب منه بشتى السبل لكن كان هو يصدني ويبعدني .على فكره يمكن تقولون هو ماحبك لكن انامتأكده انه يحبني وانا عاجبته والدليل الكلام اللي كان يقوله لي أول.ايش اللي تغير مادري .بالنسبه للبيت وتنظيفه كان بمنتهى النظافه وكأنه مستشفى يعني مستحيل تطيح عينه على وساخه او ريحه شينه .انا بالنسبه لي دايما نظيفه وحريصه وريحتي عطور هو يحبها ولبسي من احلى مايكون وألبس اللبس اللي كان يعجبه ويعلق عليه أول .يمكن انتو تقولون انتي اكيد مهتمه باالنظافه وشغل البيت اكثر منه لكن لأانا منظمه شغلي اذا طلع ابدا بالشغل واذا جا اكون جاهزه ولابسه ومتزينه خصوصا انه هو يتأخر برا واخذ راحتي باالتنظيف .المهم استمر حالي هكذا الى درجة انني في وقت الفراغ اقعد ابكي واكلم الجدران .باالنسبه لاهلي هم في نفس المنطقه واروح لهم بالاسبوع مرتين او على حسب مايكون هو فاضي يوديني .اهلي عارفين الموضوع بس ساكتين ويصبروني وانا اصبر نفسي لاني مابي اخرب بيتي كنت بشوف النهايه .كان اذا جا ياخذني من اهلي ادف نفسي دف واركب معاه السياره.باالعمل كنت اكلمه اتطمن عليه والاحظ انه هو متضايق من مكالمتي لكن اسوي نفسي مافهمت واقول خلاص يله شكلك مشغول مع السلامه.كنت افتعل المكالمات له عشان احسسه اني جنبه اذا هو طايح في مشكله اومريض لكن احساسه هاالرجال متبلد .ارسله رسايل جوال حلوه مايرد علي ولايعطيني وجه وانا كنت صابره ومحتسبه الاجر عند ربي عسى ربي يهديه.ليلة رمضان رحت لاهلي انا وياه وجلسنا عندهم ساعه تقريبا ورجعنا البيت وسويت سحور وتسحرنا كان ودي يباركلي باالشهر مثل ماكلم اصدقائه وباركلهم .كنت ببباركله لكن كنت خايفه منه كانت عيونه كلها شر وحقد وكأني عدوه مو زوجه.لما اذن وطلع يصلي الفجر انا صليت رحت بنام واخذت الجوال حقي وارسلتله رسالة مباركه بالشهر اكيد هو شافها ولما رجع من الصلاه انا لسا مانمت وشافني لكن ماتكلم ولا كلمه. بعدها بيومين انفجر علي فجأه بدون أسباب وطلع علي الأول والتالي قال انتي مره ماتنفعين اولا عباتك هذي ماتنفع تفشل وتدرين ليه مانطلع ولانتمشى عشان عبايتك قلتله انت ماقلتلي غيريها من قبل وانا ماعندي مانع اغيرها قال انا لمحت بس انتي ماتفهمين التلميح قلت صارحني وانا ماراح اقول لأ.قالي الكل مره مالح مره مادري ايش قلت كل شي يتصلح هذي ماهي جريمه.قال انا خسرت الأول والتالي عشان هالعرس وسفرتك وشريتلك هدايا من هناك بس انتي ماتقدرين وماتدرين اني مفلس قلتله انا ماغصبتك على السفر ولا الهدايا باالعكس انت كنت تصر علي اشتري واشتريتها.انا مادريت انك مفلس لو ادري ماشريت شي .المهم مع الأخذ والعطى النهايه قاللي روحي بيت اهلك انا خلاص عافتك نفسي وماتلزميني .انا انصدمت بعد كل اللي سويت هذا كان جزائي وقال انا من اول ماكان ودي اتزوج لكن اهلي ضاغطين علي . الى هالدرجه يااخوان يصل الانسان ماني مصدقه اللي صار اقسم بالله اني احس انه انسان مريض .بكل سهوله كان يسمعني كلام حلو ومعيشني بحلم وكنت مقبله على الحياه كرهني بكل شي حلو بحياتي كنت احبه .بسهوله بنات الناس لعبه عادي يعني ياخذها بعدين يقول انا ماودي اتزوج بس كله من اهلي هو ماهو صغير لكن هوعاش فتره طويله عزوبي وماتعود على وجود المره بحيا ته لكن هذا مو عذر كثير عاشو اعزوبيه وتزوجوا وصارو مسؤليين. لو كانت اخته مكاني كان يرضى يصير فيها كذا . المهم انطردت ورحت لاهلي وقعدت عندهم 10 ايام لاتصل ولا شي .ابوي اتصل عليه وقاله تعال نتفاهم جا وتكلموا انا ماقابلته قال بسافر 10 ايام وبيجي مني لك اتصال .انا بهذي الفتره ادعي لنفسي وادعيله ان الله يهديه لاني لاريد الطلاق وانا ماسويت شي يستاهل .اصلا ماسويت شي .بعد 10 ايام كلم ابوي وقال انا خلاص استخرت وطلقت وقال هي ماقصرت وانا آسف على الكلام اللي قلته لها بعد ماسمعت هاالكلام انهرت ليه سوا كذا وانا كان عندي امل انه يرجع وان هذي مجرد لحظة غضب.للأسف هاذي النهايه انظلمت بدون اسباب لمجرد انه انسان اناني حب يتمتع شهر وبعدين لقى نفسه مو قد المسؤليه . مااقول الا حسبنا الله ونعم الوكيل اللهم اجرني في مصيبتي واخلفلي خيرا منها. بالنسبه للهدايا اللتي عايرني بها انا ناويه لما اروح اخذاغراضي من بيتي اخليها له عشان يشوفها وتبقى حرقه بقلبه ويتذكر انه انا بنت ناس وماني محتاجه للأغراض هذي . آسفه طولت عليكم وانا تعبت بعد اتمنى منكم التفاعل معي في هذي المشكله. |
18-10-2006, 06:52 PM
|
المشاركة الأصلية كتبت بواسطة سماااء
الى غاليتىmatla3_alshams
اعانك الله واعاننى على ماحصل لنا اتعلمين اختى انا قصتك مشابه تمام لما حصل لى ولكن الفرق بيننا بان مدة الزواج تختلف وان كانت سنه فهى لم اراه فيها الا شهرين او ثلاثة والباقى سفر وحجة العمل وآقلباة من الم ينزف بداخلى ولكنى احمد الله ليل نهار انى لم اعيش معة طويلا وان كنت تاثرت كثيرا بسبب الطلاق الا اننى الان الوم نفسي على تحملى له وظلمة وخيانته لى اختى الغاليه ادعى الله واحسنى الظن به واعلمى ان ماصابنا ابتلاء من رب العباد ليتنى استطيع ان ابوح بكل مايجول بخاطرى ولكنى لااريد ان ارجع لماساتى مرة اخرى فانا لااحمتل تذكرها ابد ادعو الله عزوجل ان يفرج همنا عاجلا غير اجل وان يرزقنا بالازواج الصالحين اللهم اآآآمين |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
