في موقف دايما يتكرر معاي مادري مريتوا فيه ولا لا

احيانا انكون في تجمع مع الصديقات او الاهل او حتى في الشغل

ويكونون كلهم متزوجات ( نو بوربلم سو فار )

ويقعدون طول القعدة يتكلمون عن ازواجهم وعيالهم وانا وسطهم ضايعة بصراحة انحرج ما عندي شي اقول له وفي نفس الوقت ما اقدر اخليهم

مش المفروض يراعون مشاعري شوي ؟؟

بصراحة يتعكر مزاجي طول اليوم

ههههههههههه أختي أنا عكسك ..
لما أقعد مع صديقاتي ..
كلهم يتكلمون عن الجامعة وعن المواد وعن التسجيل وووووو ..
وأنا ضايعة بينهم ..
بس أنا ما انحرج منهم ..
أقول لهم خلاص مللتوني غيروا سوالف الجامعة ..
أنا ضايعة في الطوشة ..
وكنت أحيانا في قلبي أتضايق إني ماكملت جامعتي مثلهم ..

بس الحمد لله ..
الحين أغلب صديقاتي متزوجات أو معقود قرانهم ..
يعني قريبا نتشارك في نفس السوالف والمواضيع ..

(( هونيها وتهون .. ))

المفروض يراعون مشاعر الغير

ولكن للاسف



تحياتى لك ونتمنى ربى يرزقك انتى وجميع البنات الزوج الصالح


تحياتى لك

أختي

miss green

لكِ أجل تحية من أختك الحائرة

سأقول لك كلمة إعتبريها نصيحة أخت محبة لك في الله

تأكدي أن كل أمر نتحسس منه يكون صعباً وثقيلاً على نفوسنا

تعاملي مع هذا الموقف بمنتهى البساطة

شاركيهم في الحديث

أنا عن نفسي أتحدث عن تجارب من حولي في الزواج

وبذلك أكون قد شاركتهم وأبعدت عن نفسي الحرج

وفي نفس الوقت سماعي لحديثهن قد يكسبني خبرة قد أستفيد منها في المستقبل

غاليتي...تأكدي أن خبراتنا في الحياة هي نتاج لتجاربنا وتجارب من حولي

أتمنى لك التوفيق...لك تقديري واحترامي

__________________

	الحمد لله على كل حال

تدرين أنا صرت شسوي ..أدخل معاهم في الموضوع ..اعمل فيها فاااااااهمة ..وأضرب أمثله عن أخواني وزوجاتهم وعيالهم ..

الله يفرجها علينا يارب

فعلا اختي شاركيهم
لانج بتتعبين

عاد الحرييييييييم اذا انفتحوا شو يسكرهم !!

الله يعينك يا اختي زي ما قالو الاخوات شاركيهم بالحديث والله يرزقك الزوج الصالح عاجل عير اجل يارب

__________________
سبحانك اني كنت من الظالمين

انا كل يوم أسمع بمثل هالسوالف بالدوام

لا وأسمع سوالفهم في علاقاتهم الخاصة مع ازواجهم

أول ماتوظفت كنت انواع البراءة وعفوية جدا وماافهم شي والحين صرت متشبعة وفاهمة ايش اسوي سنين وانا معاهم بغرفة وحدة
ويعشقون هالسوالف

ساعات أشاركهم وساعات اشتغل او أصرف نفسي
لاواحيانا بعضهم اذا صارت مشكلة بينها وبين زوجها تجي تشكي لي عشان أساعدها!!

وأحيانا بعد السوالف والضحك والتعليقات زوجي قالي زوجي فعل زوجي ...... فجأة وحدة تحط يدها على كتفي

وتقولي ياعمري ياشوبارد الله يقرب اليوم اللي تشااركينا وتقولينا زوجي قالي!!!!!!

انا بصراحة انحرج وارد لالالا اللي يشوف حركات رجالكم يكره الزواج يازين الجلسة في بيت اهلي بس << أنواع التصريف

__________________
اللهم لك الحمد والشكر
"ولئن شكرتم لأزيدنكم"

حبيبي لا تحطي في بالك
ادخلي معاهم في الموضوع
واذا قدرتي حاولي تغيري الموضوع
كلنا نفس الحال
اتخيلي بما اني العاقلة في العيلة كل ما تسير مشكلة مع ازواجهم يتصلوبي
لاني معروفة افكر بعقلي
حتى ازواجهم يعترفو بكدة
بس بعد ما يرخو سماعة التلفون
مو بس قلبي يوجعني(حتى المضاربات و حشتني)
سبحان الله احل مشاكل الناس وما قدرت على مشاكلي
الحمد الله
ربي يعوضك و تتناقشي معاهم في مواضيعهم

عادي حبيبتي ناقشيهم واستفيدي منهم

تصدقي اليوم جلست انا واختي الأكبر مني ب20 سنه<<<بسم الله عليها وعليه

جلست تحكيلي على الزواج وعن العلاقات ونصائح و تنبيهات ووو وانا ماتلاقي عيوني الا كذا

بس بصراحه انا استفيد من اختي كثير لأنها عقلانيه ومثقفه كثير وعندها نظرات مستقبليه

اوقات كثير ابغاها تشترك في المنتدى لأنها تفيد كثير وزاسلوبها مره حلوه بس الله يهديها


المهم استفيدي منهم او اطرحي اسئله معينه وافتحي نقاشات ثانيه وخليهم يشاركوكي


انا بصراحه مااتضايق مادامهم يحكوا معايا

ياحبيبتي احسن من يقولولك روحي جيبي كاس مويه عشان ياخذوا راحتهم بالسوالف


هونيها وتهون ياعسل

وربي يسعدك ويفرج همك وينولك مرادك

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا