السلام عليكم
ابدخل بالموضوع على طول انا سبق وحطيت كذا موضوع لمشاكلي مع زوجي لانو مدمن وحتى الان يترك الادمان شهر شهرين ويرجع
الحمدلله رزقني الله بنت بعد صبر ست سنوات ابي اختصرلكم مشكلتي
انا حملت وربطت (ربط عنق الرحم) وكنت بحاله مايعلم فيهاالا الكريم وماتتخيلون كيف كنت اتعب جسديا ونفسيا من الربط والقلق النفسي واحساس وحده يجيها الطلق فجئه كنت اتمنى زوجي يكون قريب بس والله يقعد بلاسبوع يسكر ولاهو هينا تتقولولي ليش ماتروحين عند اهلك امي واقع قلبها علي وانا مو عندها بسبب اجهاضاتي وشلون لو اجي عندها ولاعندي احد يوديني لو حصل شي وتخيلو لانو يسكر ويتعاطى الكبتاجون لمدة ثلاث ايام واربع ايام جثه بالبيت نايم مايصحى الا لدوام اما الصلاة فحرب انا وياه واذا جاء الثلاثاء بداء بمواله وليلة السبت يجيه العقل والنوم وطول فترة الحمل على هالمنوال وانا اروح للمستشفى يوديني بشتم ويجيبني بشتم وخوذو صياح والله يتقطع قلب الظالم علي وتخيلو لو ارد عليه يسحب بريك وربكم الي يسلم لحد مادخل التاسع ورحت افك الربط ولمن جيت من المستشفى اقوله تراني تعبانه مادري نتى اولد يقولي لاتخاين انا قريب وعليه ينام برى البيت وربكم الي يستر ولدة وسهله الكريم ثاني يوم من ولادتي اتصلت عليه قلتله مافيني شي جب للبنت حليب قالي خلي اخوانك يجيبون انا مالي خلق اطلع من البيت تدرون المسافه بين بيتنا وبيت اهلي اقل من كيلوين واتصل على اخوي يجي من شغله يجيبله حليب وانا حاطه بقلبي وبعد عشر ايام اتصل واعطيه الاولى والتالي وازعل شهر لحد مارضاني وعدني انو بيتغير وفعلا ضرب الرقم القياي وتغير شهرين نتي عمرها سبع شهور ، تتقولولي وين المشكله المشكله انو من ولادتي وانا شايله عليه بقلبي حااااااااااااااااااقده بس اموت عليه بس مو زي اول اول اهتم فيه وفي شكلي ادلعه اهتم باكله هالحين لا انا بقميص البيت ماهتم باموري العاطفيه احس بفرررررررررغ عاطفي غير طبيعي دايم معاملتي له جافه صراخ لانو مانسيت سوياه في احس انو خشن بتعامله احس اموري واموره ملخبطه
هو ماصار يهتم بنظافته وصخ مايفرش اسنانه احيانا تصدقون عذرا بس يتحمس يجامعني تدرون ليش علشان يكون يبي يتحمم واواجهه بس يستحي ويقول غلطانه مشاكل كثيره بس علموني كيف اعدل وضعي

__________________
اسئلكم بالله ان تدعولي بالذريه الصالحه وان الله يتمم حملي على خير ويشفيني
وصلاح زوجي وان ربي يسخرله الصحبه الصالحه ، ويخليلي تاج راسي امي