السلام عليكم ورحمة الله وبركاته

انا عضوه جديده بينكم ايضا انتظر عريس المستقبل

تدرون ليش؟؟
اشوف كل وحده تكتب عن نفسها وكم مره انخطبت وكم مره رفضت وكم مره حست بشعور المخطووبه

لكن انا !!!!!!! وماادراك ماانا!!!!!!!
عمري عمري عمري ياناااس مانخطبت ولا جربت شعور المخطووبه بمووت
ودي مره بس اسمع ناس يتكلمو عني

ودي بناس يدقون باب بيتنا ويطلبوني خصيصا

والله وربي ماينقصني شي بس شنو تقولون في الحظ استغفر الله

ماراح اقول لكم اني يأست لا لاني مهما قلت هالكلمه الاحظ نفسي في اكثر من موقف انو الامل موجود ولا زال موجود وسيبقى موجود


بس صار فيني عيب اني فقدت الثقه بنفسي بشكل غير طبيعي

يعني اول اشوف نفسي حلوه الان من اشوف وجهي بالمرايه على طول اهين واسب في نفسي

اعراس قرايبي ماقمت اروح لاني حفظت مارجع البيت الا بمغثه

قبل اسبوعين رحت زواج بنت عمي ومارجعت االا وانا دموووعي شلالات على خدي
تخيلو انا اصغر وحده في اخواني وخواتي وكلهم تزوجو يعني بقيت انا الوحيده مع امي وابوي <<< صاكه عليهم

فلما رحنا للعرس جلست انا وخواتي وحريم اخواني على طاوله وحده قامو يجون الناس ويجلسون يسالون خواتي عن حريم اخواني اذا هم مخطوبين او لا!!!!!


شفتو عاد يسالون عن المتزوجين والعازبه مالتفتو لها ابدا!!!!!!!!!!

رجعت البيت وانا اندب حظي ليش ياربي خليتني كذا

احس اني فقدت انوثتي مااحس اني انثى لان مافي احد يحسسني بوجودها فيني

بس اللي ماخذته من الناس فقط مااشاء الله تجنن تهبل تشبه الفنانه الفلانيه لا تشبه الفنانه العلانيه
غريبه مانخطبت

.................................
بمووووت بموووووووووووووووووووت ياااااااااااااااااااااااااااااااااااااربي تعبت رحمتك يااااااااااااااااااااااارب تنقذني بهاا


............................

ادعووولي

واعذروني على الاطاله

شوي شوي يا اختي علينا وعلى نفسك صدقيني ما في حد في هالدنيا ناقصه شي. الكل ماخذ اللي الله سبحانه وتعالى كاتبله وقاسمنه له... وارجع اقول (أنا أريد أنتي تريدين والله يفعل ما يريد)... وبعدين انتي كيف عرفتي إنك مانخطبتي بالمرة....يمكن في حد تكلم بس انتي ما تدرين... ويمكن في ناس عايزينك لولدهم بس ينتظرون الفرصة السانحة لخطبتك... حطي هالاعتقادات في راسك راح اتزيد ثقتك في نفسك ان شاء الله... وثقي بعدل رب الأرباب واعلمي أن ما أصابك لم يكن ليخطئك، وما أخطأك لم يكن ليصيبك، ولا خالق مع الله عز وجل. لعل الله كاتبلك عريس ولا كل العرسان لكي لا يوضع في مقارنات مع عرسان خطبوك قبل... في كل شي حكمة.

يعني لو مانخطبتي ولا مرة أحسن من بنات كثير يعانون انهم ينخطبون لكن تتوقف الخطبة بالاعتذار وتوصل نفسيتهم في الحضيض... يا ما بنات انخطبوا وعقد قرانهن وتطلقن وهم في حال لا يعلم به إلا الله.... ياما بنات انخطبن وعقد قرانهم وتزوجن وتطلقن وهم في حالة نفسية سيئة جدا جدا نسأل الله ان يفرج همهم... والله حاسه بمعاناتك لكن هونيها واتهون ان شاء الله (اللي يشوف مصايب غيره اتهون عليه مصيبته) يا حبيبتي


انا اقولك هالكلام لأنه حالتك يمكن هزت أنوثتك حبيبتي لكن ما هزت كرامتك وكيانك ومشاعرك ...اسأل الله بأن تقر عينك ان شاء الله قريبا ونسمعك تزغرطين:14: :14: من الفرح... وبلاش العصبية اللي داخله علينا دي ...