السلام عليكم ورحمة الله وبركاته ..


قصتي غريبة شوي ..
انا متزوج من شهر تقريباً ...لكن ؟
احب زوجتي حب جنوني لدرجة اتمنى له الخير وأفرح اذا طلبت مني شي والبي جميع طلباتها
حتى لو على قطع رقبتي. مع ان طلباتها قليلة . احيانا اقوم آخر الليل ادعيلها ان الله يحفظها ويوفقها بدراستها
واحمد ربي على هذه النعمة .. واقدم لها الفطور والغداء والعشاء بنفسي . ولااتركها تدخل المطبخ ابداً
واخاف عليها من كل شي وافرح اذا كانت فرحانة واضيق اذا كانت ضايقة احبها مرررررررررره
واسمعها كلمات حلوة واعبر عن حبي لها وادللها واغسل ملابسه وشعرها .... وكثير يصعب علي كتابته هنا
وانا سعيد معها واحس اني اسعد انسان بالدنيا وقلبي مليان حب لها ....... لكن ........

.............. لكن ........

احيانا اسمع منها كلام يجرحني مثل ( لما اقول لها انا احبك موت أو اعبر عن حبي لها تقولي نصاب .. تقولها بجد وليس
مزح ... واحيانا تقول: كل الرجال في بداية الزواج كذا وبعدين يتغيرون ؟؟ واحيانا تقول : انت مليت مني ؟؟
واحياناً تقول : ابي حبك يستمر ...... وتقول .. وتقول .... )

وكل ماتقول من هالكلام احس ان قلبي ينجرح .... احس انها ماهي واثقة من حبي لها ..... احس انها ماهي مصدقتني
مع كل اللي اسويه لها ... واحلفلها بالله اني اموت فيها ولا اقدر ابعد عنها ..
وكل ماتجرحني .. تنزل دموعي غصب ... وتجي تعتذر مني وتقول هذا دلع بنات ...
واحذرها أن تجرح قلبي مره ثانية .. اقول لها سوي فيني اللي تبين اضربيني سوي اللي تبين الا قلبي لاتجرحينه
ويتكرر نفس الشي .. وتنزل دموعي ... وتجي تعتذر .. وتقول ماقصدي

والمشكله مع كثر الجروح اللي بقلبي .. احس ان حبي لها بدا يتغير . ..... احس اني بديت احبها اقل من أول
مع انها تقولي احبك وتحب راسي وتعتذر مني ..
وكل ما حاولت انسى الجروح الي راحت ماقدرت ... وكل ماتذكرتها بديت ابكي خاصة اذا كنت وحدي ؟؟

ياليت تشوفولي حل تعبت .. واالله تعبت نفسياً ... تكفون ابي حل بأسرع وقت قبل مأفقد حبيبتي ..