السلام عليكم ..


عمري 25 سنه .. متخرجه من حوالي السنه وأحتري الوظيفة بحول الله


من عرفت نفسي وأنا ما يوصفوني الا " العاقلــــة " .. وكنت افتخر بهالشي


كبرت على الروايات .. وكنت أقول بقلبي : كل الاشياء الزينه اللي في الروايات بسويها مع زوجي ان شاء الله لا كبرت ..

وكنت ما احب العلاقات العاطفيه لأنه غلط وحرام وتضييع وقت ومشاعر ..

و " من عايب ابتلى " .. عرفت النت ودخلت حياتي العد التنازلي ..

ما كنت ادخل الشات .. شوي شوي صرت ادخله بنك شاب عشات محد يشك .. لين صرت ادخله بنك بنت

والله يعلم اني ما تباذأت بالكلام ولا تعديت الحدود ..

ومثل ما النت أسقط عفيفات .. اسقطني معهم ..

تجربه اولى حب .. اسميها الحين تجربة " رعاف " مو اكثر .. من النت وتركنا بعض عقب سنتين تقريبا بعد ما تأكد اني مو من البنات اللي كان يحسبني منهم .. حس بالذنب وابتعد

المهم .. نسيت السالفه وصرت اقوى


بعدها ب3 سنين تقريبا تعرفت عليه .. كنت متطمنه انه فيه حدود والاهم انه مشغول بقصة حب يبي ينساها

الروح السيئه اللي فينا خلتنا ننجرف

ما انكر مرت اوقات كثيره كنا نتراجع ونقول نبي نتوب لكن اليوم الثاني يرجع كل شي على ماهو عليه .. مكالمات

استمرينا حول السنتين .. اوقات كثيره كنت احس بالذنب واصيح لأني خنت ثقة اهلي فيني .. انا العاقله الرزينه


بنفس الوقت لي اخت تصغرني بسنتين .. متهورة لاقصى حد .. كنا نخاف من الشات وهي اول من دخلته ..

كنا بعثة بالخارج وتعرفت على واحد معها بالجامعه .. بعدها بدت تكلم .. كنت اهاوشها واحذرها بس ما عندي احد

الحين تعرفت على واحد من النت واعدها بالزواج قبل سنتين ولين الحين ما شرف وهي مصدقه ..


اراد الله سبحانه يكشفني عندها .. وبدت حربها ضدي .. ردت لي كل كلامي اول بطريقة جارحه - استاهلها - اني مسويه عاقله واني يقال اني اخاف على سمعة اهلي وانا لا ..

ذاك اليوم كنت صايمه .. واتهمتني اني كنت اكلم بالعصر واحد واقول له كلام سفيه .. وانا وربي الشاهد ما اصدق اصوم علشان ما اكلم .. جا اخوي واعترف انه هو .. وانا كنت حالفه لو يطلع كلامي صدق واني مظلومه بضربها ..

وفعلا صفقتها كف ما عمرها اخذته .. وانهرت بطبيعة الحال ..

بهالفتره تكلمت انا وهو بصراحه عن علاقتنا وهل هي صحيحه او لا .. اعترفنا انه علاقة شيطان وانه شي مو من حقنا

وان اللي عند الله ازين ..


ظنيت اني بموت من غيره لكن الحمد لله .. لان الله عارف بصدق نيتي على التوبه ما حسيت بالالم كثير

احس الحين اني برغم اني كنت اشوف نفسي زينه وكلامه لي ومدحه الا اني اشوف نفس الحين ازين

وكله من فضل الله

مو هذي مشكلتي


المشكله بأختي .. ماسكه السالفه علي وتهددني علشان هي ما تنفضح


وصارت شكاكه ما تتخيلون شلون تروح تدور بالزباله - تكرمون- تشوف انا وش انا طاشه فيها او تروح تدور بالغرف تشوف انا مدخله احد ؟

وترمي كلام كبير




بعد هذا مو شي


الشي اللي كاسرني ومضيق علي برغم كل شي انها اختي

مع ان النفس طابت منها عقب ظلمها

وانه برغم عصبيتها ابيها ترجع لي

ما فيه الا انا وهي اللي بقينا من البنات

ومرت علي وعليها اوقات هواش لأني ما اسكت عليها .. لكن والله الشاهد اني ارجع واراضيها لدرجة مرة حبيت راسها بعد هواشي لها عن كذب اللي تعرفه ..

احس والله اني مخنوقه .. واقول بقلبي : بدعي باخر الليل انه نرجع مثل اول

مع اني ادري ان زعلها شين ولا ترضى على سيره يعني ما يهمها لو يطول الزعل

بس مابي


يكفي اني وحيده تقريبا .. مابي ازيدها على نفسي


وفيه شي ثاني بعد .. وانا بحالتي ذي وهواشي مع اختي .. هي الله بيرد دعواتي وصلاتي ؟


تعبت وابي الفرج لكن مدري شلون

ليش ما تتكلمين معاها و تذكريها ان اللي تسويه غلط و انكم اخوات و ما يصير هذا الشي

و منهالكلام الحلو

او ان اختك مو من هالنوع اللي يجي بالكلام الحلو

و تطنشيها و تصيرين شديدة معاها


ربي يساعدك

__________________

خلي اخوانك يشدووووووووون عليها

يفصلون النت من غرفتها

لا تياسين راقيبها وانصحيها

__________________

استغفر الله الذي لا اله الا هو الحي القيوم و اتوب اليه

انا من رايي تطلعين احد كبير على الموضوع المتعلق باختك


اسمحيلي فانها خرجت عن السيطره هذا مع المعامله الهينه اللينه وجعلها محط ثقه لتسترد قواها


اختك بالله جينز

__________________

اختي ام نواف



لا تتخيلين مدى وقع القصة علي



فانا قرأتها بكاملها



وهي ليست تجربتك انت فقط ايتها الفاضلة


بل تجربة كثير من اخواتنا في الشات


يقنع الشيطان الواحد منا بأنها المرة الاولى والاخيرة



ولكن يتضح انها الاولى وليست الاخيرة




لعل المشكلة تكمن في اختك الآن


وانتي قد وصفتيها بأنها متهورة



اذن تعاملي مع المتهورة بالطريقة المناسبة



هي لا زالت تحقد على بعض تصرفاتك السابقة



ولعل في بعضها شدة على من هم في عمرها



فالنصيحة الاولى لكي في تقديم النصح المناسب لها في عمرها قبل وقوع ما وقع



والذي اراه ان اختك تحاول الضغط عليكي بكل طريقة



فالمسألة لا تتعدى (الانتقااام)




وانتي بعقلك وذكاءك تحاولين تهدئتها بالطريقة التي ترينها مناسبة



فهي اختك وانتي اعرف الناس بها



من خلال جلسات بينكم


هدايا



اعتذار عما سبق ولكن بدون ضعف يجرؤها عليكي




وكوني قوية كما كنت



وعاقلة ورزينة كما عهد عنكي



وكل واحد منا يقع في الخطأ

ولكنه ليس نهاية المطاف




فقد نرجع اقوياء اكثر من ذي قبل





وانا في غاية التعاطف معكي في مشكلتك



ودعواتنا لكم بصلاح الحال والمآل

والله اختي النت عند البنات والرجال نقمه ليش نعمه


فنحن قليل منا يستفيد منه بعقلانه


وربي اختي ان النت هدم بيوت وعوايل

وخرب بنات طيبات وشريفاات


حطي بالج على اختج وحطي بالج على نفسج

وقطعي الشجره من عروقهاا خلي النت يولي

او خلي احد من اخوانج يسوي باسورد ووقت الي بتدخلين تبين منه غرض خلي اخوج جمبج

صدقيني اختي انه النت فيه اشياء طيبه

لكن المراهقين يستغلوونه استغلاال غلط


اعاننا الله واعانكم على الجنان يارب

لي عوده

__________________

بسم الله الرحمن الرحيم
والصلاة والسلام علي المبعوث رحمة للعالمين
اما بعد
قال تعالي <<واستعينوا با لصبر والصلاة وانها لكبيرة الا علي الخاشعين>>صدق الله العظيم
اختي الفاضله اجعلي هذا هو منهجك وثابري عليه وثانيا عليك الاعتراف بالخطاْ لاختك وانك ندمت عليه وانك تتمنين لها كل التوفيق ولكن بعيدا عن الاخطاء التي عانيت انتي منها وذكريها بآيات من كتاب الله عز وجل لعل ان تجد لديها صدي قد لا ينفع كلام الدنيا كله لو قيل بدلا منه وارجو لكي التوفيق والسداد من الله انه ولي ذلك والقادر عليه ولا تنسونا من دعائكم بظاهر الغيب اخيكي ابوعاصم المصري

إختي العزيزه

الله يتقبل توبتك وطهرك قبولا حسنا ويبعد عنك شياطين الانس والجن

حبيبتي إختك مصيبتها مضاعفه صدمت بقدوتها صدمت برمز العفه والطهر والعقل

حبيبتي لو أمك وهي مصدر الحنان والامان علمت لفعلتأشد مما فعلت أختك

كان راحت تفتش حتى ملابسك باعتقاد تكونين موزيه شيء

ترى جدا صعب ومؤلم موقف أختك و عذرها معها

تعلمين أنها كانت تفخر بك على الرغم من سوء تصرفاتها وأنها كانت تسعى لتكون مثلك

ولكن لاأمل لها الان الا تحطيم نفسها بالاستمرار بهذه العلاقات

نصيحه لاتخبرين أحد لانك ستكونين اول الضحايا وستدفعين أختك إما للهرب من المنزل

أو أن تضعكم جميعكم أمام الامر الواقع هي أمام قوه عظيمه وهو شيطان إنسي مع شيطان جني

راح تقولين الله أقوى منهم أقولك الشيطان أخذ عهد من الله ليغوين عباده وإستثنى عباده المخلصين

عليك بمخاوتها ومصادقتها ولامانع أن تجذبينها وتدعينها لسماع قصة خطأك وكيف ندمت وكيف سيكون نظرتها لك

واطلبي مساعدتها على النسيان وحين تكسبينها إبدئي بنصحهها وتوجهها لكن لاتمنعيها من شيء الان بالتدريج

وبالتوفيق وأخبرينا عن المستجدات

أشكركم جميعا على ردودكم وطيّــب دعواتكم ..





ما عندي أخوان أكبر انا ترتيبي الثانيه بعد بنت متزوجه ..

لي أخ بالجامعه لكن ما ظنيت يضيع وقته عليها لأنها كانت تتعبه كثير اذا طلعنا وتكون متبرجه .. بالعربي غسل ايده منها


من واقع مشكلتي أشوف ان الوقت الحين مو مناسب للأخذ والعطا معها .. جرأتها وقوتها من شر مو هينه

ومثل ما قال اخوي اكثم : انتقام .. هي قاعده تنتقم .. بتركها تبّرد قلبها


بالنسبه للوالده الحين هي ماخذه مكان الوالد بحكم سفره .. لكنها انسانه طيبه وهاديه .. والأدهى تحب اختي ومدلعتها لأنها كانت تمرض كثير وهي صغيره .. لمحت لأمي اوقات لكنها تسكت ما تسوي شي


أنا الحين بموقف ضعيف ومشاعري ( مهتاجه ) ولا عندي حمل على الهواش .. دمعتي والمه

افضـّل اتريث شوي ..

بالنسبه لمشكلة اختي .. البعض افترض انها واقفه عند النت .. وهي لا لأنها تكلمه ..

وهي قوتها مو منها .. هو يقويها .. يقولها : " لا تذلين نفسك لأحد حتى لأهلك " !!!!! ..
و " باخذك غصب عنك وغصب عن اهلك " !!!

لي انا واختي الثانيه سنتين نحاول نوضح لها انه يلعب عليها .. وردها علينا بصراخ وهواش ، لين نراضيها

تكبير السالفه وفضحها ما يناسب الوضع الحين ..

اللي خايفه عليهم ..الوالد والوالده

وانا ادري ان الوالد بيتعب لأنها مو اول مرة تسويها رغم وعدها له ..

كل اللي اتمناه اني احل الموضوع معها .. على الاقل نتصالح لأن نصحي لها بدون فايده ..


لي الله ادعيه والله كريم ..

ما تصدقون شلون منكسره لأني فضحت نفسي وقلت لكم اللي ماقلته لأحد ولا قدرت .. والأكثر اني مالي وجه اطلب ربي بعد اللي سويته

الله يسعدكم ويبعدكم عن الشر ..