في نهاية الحصة.. كنت في احد فصول المرحلة المتوسطة أعطيت الطالبات تطبيق عالدرس ..

وأمشي بينهم... وأقول خلصتو ياحلوااااااات

قالو لا ياأستاذة..

بعد ثواني

خلصتو ياأمورات

قالو لا ياأستاذة

بعد شوي

خلصتو ياااااااااااااااااا<< قاعدة افكر شقولهم هالمرة

قالت طالبة ياآنسات ياستاذة

قلت.. خلصتو ياآنسات

صارو يضحكون احنا آنسات يله من الآنسة الأولى اللي خلصت..


بدأنا نحل السؤال...

طالبة تسأل استاذة اختي متخرجة من الجامعة وماتزوجت وتقول عن نفسها كلمة تشبه انسة بس نسيت وشي يااستاذة؟

ايش الكلمة اللي معناها البنت اللي ماتزوجت؟

أنا: آنسة

قالت : لا الكبيرة اذا ماتزوجت وش يسمونها؟

قلت اللي اعرفه آنسة وبعدين خلاص نكتب اللي عالسبورة وبدون صوت

(طالبة كل مادخلت المدرسة تجي تصبح علي وكل نهاية دوام تمر علي تودعني واحيانا لما اجي
على مكتبي القى ورود ورسايل منها ودايم أشوفها بوجهي وتقلدني أحيانا..)

فجأة قالت انا عرفت الكلمة يسمون اللي ماتزوجت عانسة!! سويت نفسي ماسمعتها.. وبدأت اسمع همسات الطالبات

استاذة فلانة وفلانة وشوبارد وفلانة عانسات!!



رن الجرس وأخذت أغراضي وأنا طالعة من الفصل

قالت بصوت عالي انا امنيتي في الحياة اصير عانسة مثل أستاذة شوبارد!

الطالبات كلهم

حاولت اتماسك وفجأة لقيتني أضحك بصوت عالي << حالة هستيرية

وقلت ان شاءالله تصيرين معلمة وتصيرين زميلتي بالعمل ومكتبك جنب مكتبي صح؟

قالت وهي مبتسمة صح ياستاذة أبغى أصير مثلك بكل شي

واقول بنفسي بسم الله عليك جعلك ماتذوقين اللي أنا ذقته


بس حرقت قلبي كلمتها انا عارفة انها كلمة عفوية وانا متأكدة بيجي يوم لما تكبر بتحس بقوة هالكلمة!

__________________
اللهم لك الحمد والشكر
"ولئن شكرتم لأزيدنكم"

لم تفهم معناها بعد ولم تذق مرارتها

أسأل الله أن لا يريها ذلك

ما اذكر يوما في حياتي الدراسية أهتممت هل هذه المدرسة متزوجة أو لا

ما ادري بنات هاليوم يدققون في كل شي



لا تبالي غاليتي

وخذيها بروح رياضية

وحاولي تسيطيرن على نفسك في مثل هذي المواقف ولا تبدين أي تضجر أو عدم رضى

ما شاء الله عليك مبين إنك مدرسة محبوبة جدا عند الطالبات

أسأل ربي بأسمائه الحسنى وصفاته العلى أن لا يأتي الفصل الثاني إلا وانت قد تزوجتِ برحمته هو أكرم الأكرمين

دمتِ بكل ود

__________________


سبحان الله وبحمده عدد خلقه
ورضا نفسه وزنة عرشه ومداد كلماته

والله براءة ..

الله يوفقج ويوفقها ..

ياشين بنات المتوسطة لسانهم مفلووووت مره والمراهقة في أوجّها

حلو ياشوبارد عرفتي تتصرفين وكأنه ولا همك الموضوع

هو اللي بيخفف عنك بعدين انك قدرتي تكونين طبيعية شوي ولو ظاهريا ً

وبكره على قولتك بيفهمون كلماتهم وأثرها بس وش عقبه

يالله جعلها آخر المواقف ياشوبارد وبكره يسألونك وتقولين كان ودي اعزمكم على عرسي

بس ممنوع اصطحاب الأطفال <<< تحمست

كل ماامطرت دعيت لي ودعيتك اسمك أول واحد يطلع معي من بنات القسم

الله يتقبل منّا يارب

مجتمعنا غريب وفاضى حتى صار الزواج فيه تقليد وعادة أكثر

من حاجة وقناعة والويل لمن تأخر فيه أو تركه سبحان الله

تقديري واحترامي لك

حتى أنا




الله يعينكم ..
عن جد تدريس الصغار نعمة ،،

أنا حتى الاجتماع مع الأمهات كنت أطفش ..
يعني الأم بدلاً من أن تسأل عن بنتها وتسيبني في حالي
لازم تسأل ..Are you married?

ولما أنفي نفياً قاااطعاً ..
تبدأ ..
أووووو ..والزي منّو ..

بس والله مواقف حلوة ..
افتقدتها بعد تركي عملي

موقف لاتحسدين عليه
والأجمل منه تماسكك
ماشاء الله عليك
بس صدق البنت ماتدري وش مصلحتها -مراهقة - إن شاء الله قريبا تتزوجين أحسن عريس بالدنيا .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

على كذا بيجينا الدور



الطالب : انت عانس يا استاذ

المدرس : لا متكلمين علي والزواج قريب

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

التوقيع

قزم ..
ههههههههههههههههههههههه ..



ذكرتني بكاره ..

اش القصه يا ناس؟؟؟ هو فصل الشتاء فصل التحطيم وكسر المجاديف والمعايره؟؟
حتى لو من بزران انا زي ماشفتي الدكتور يتهزاء فيني والله حاله

ترى دعيتلك من قلبي وقت الامطار ودعيت لكل بنت اسم اسم والي نسيتها قلت لبنات المنتدى