السلام عليكم



صار لي 3 أشهر خاطب زووووووووووجتي شاكه فيني أنني كنت على علاقة مع بنت خصوصا أني من مديتة خارج مدينتها هي متعلمة وذكية لكن من طريقة رسايل والمكالمات بعض المرات يجي زي قراة أفكار وأحس أنها شاكة في الموضوع هذا وأنا منزعج من هذا الشك ومسنحييييييييييييل أبدأ في الكلام (((( إلي في رأسه بطحا يتحسسها )))) على قولتهم


وش رأيكم خصوصا البنات ماذا أفعل حتى صارت السوالف وانحسرت في نقاط ضيقة كل هذا عشان أقفل في وجهها طريق الشيطان




أفيدونا الله يجزاكم خير

اخوي ما فهمت قصدك؟؟

يعني هي تلمح لك بس ما سالتك سؤال مباشر ,, وانت تسوي نفسك ما فهمت؟

كذا تقصد.؟

نعم كلامك سليم . وشكرا لك

اخي الكريم

اما ان تصارحها وتطمئنها انه بمجرد ارتباطك بها نسييييييت كل اللي فات وانتهى كل شيء مضى وانتهى كل شيء كان بحياتك قبلها وانه حياتك كلها ملكها وبين ايديها


واما ان رأيت ان الصراحه ستهدم مابينكم
ان تصمت ولا تقول لها شيء عما كان معك وبحياتك قبلها
وتسكر ع الموضوع عشان ماترجع تفتحه وتطمنها بأسلوبك انها الاولى والاخيرة

__________________

اخوي انت نويت الزواج فالماضي اتركة وراك

ولا تكثر فيه الكلام وماله داعي انها تتدخل في شيئ صار من الماضي

فالحياء من صفات البنت قبل الزواج ومن المفروض انها ماتتكلم في مثل هذي المواضيع

اتق الله في نفسك وابتعد عن كل ما يغضب ربك

الماضي مضى وانتم عيال اليوم ولا تدخلون انفسكم في مواضيع انتم في غنى عنها

اذا فهمت الامر فهذا هو المطلوب والا الله يعينكم راح تبدأ حياتكم بالشك

والشك اذا دخل على الحياة الزوجية الله يعينكم ماراح تستقر بكم الحياة

الله يهدي اموركم ويغفر لكم ذنوبكم

المرأة ماتنسى هالمواضيع
لو فاتحتها بتظل تتذكر كل ما مر شي يذكرها
ابتعد عن ذكر التفاصيل قدر الامكان
لانها ماراح تنمحي من ذاكرتها
فهمها انك نسيت الماضي بكل مافيه
وانك بمجرد ارتباطك بها فتحت صفحة جديده بحياتك
ناوي انك تلونها باجمل ذكريات تجمعك وياها



موفق

بصراحه وبدون كذب الزمن هذا يخوف وصار الشباب والبنات يخافون من بعض من كثر القصص الشينه اللي نسمع عنها {أقصد المخطوبين} يعني يمكن خطيبتك سمعت بقصص فأثرت فيها أو يمكن عندها أخوان لهم علاقات وأقارب بعد لهم علاقات فدخل الشك براسها والحل بيدك انك تبعدهالشك بطريقتك الخاصه يعني دايم سولف لها عن اصحاب العلاقات الغلط وقول لها انك تبتعد عنهم وماتحبهم وركككككككككز على نقطه مهمه ضروري تقول لها أصلا هم مايخافون من الله ولايدرون ان هالأشياء رح تأثر على حياتهم بعدين وقول صحيح انا شاب وعندي طاقه بداخلي بس مارح افرغها إلا معك حبيبتي لأنك حلالي وبعد عندي دين وإيمان تبعدني من هالأشياء وبأذن الله بعدها تنسووون السالفه..................
خلها تثق فيييييييييك بكلامك وربي اذكر وحده من صديقاتي داايم تقول ترى كل الشباب يغازلون ويطلعون مع بنات يعني شي ضروري بحياتهم ودخل الشك براسي ولما فكرت زيين عرفت ان ماعندها سالفه.........والله يوفقكم

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

انا مخطوبه من سنتين ومافي مكالمات بينا

وساكن هو في مدينه ثانيه عشان وظيفته

وصراحه خايفه انه يكون على علاقه بأحد البنات

انا ماتهمني علاقاته قبل الخطبه لكن بعد الخطبه...لا

مع إني ماشفت ولاسمعت انه مسوي شي

بس خوف يمكن خطيبتك تبغى تعرف إذا انت إلا الان مستمر في علاقاتك

او لا

ونصيحه إذا تبي تريحها قل إنك من يوم فكرت تخطب قطعت

كل علاقاتك

وانها كلها علاقات عابره

ولاتدخل بالتفصيل كلمت فلانه

اوبنت علان ترى ماراح تنسى

والله يوفقنا اجمعين

ويرزق الباقين

اللهم امييييييييييييييين

إذا ماسألت لاتفتح الموضوع وإذا فتح الموضوع بينكم لاتخبرها بماضيك إذا كان لك تجارب


خلاااااااااص ماضي وانتهى وليس من حقها محاسبتك في الماضي ....


وكذلك لوأخبرتها ستفتح على نفسك باب كله مشاكل وشك

__________________
كل ابن أنثى وإن طالت سلامته يوماً على آلةٍ حدباء محمول

أخي أنت لازلت في فترة الخطوبة.....بدري ماشفت شي.
ولكن حاول أن تغيير شكوكها وتجعلها تثق فيك،

بصراحة أنا لي ثلاث سنوات متزوج ولدي طفل ولازلت في دوامة الشك،التي تأتي زوجتي بين الحين والآخر
وذلك بدافع حبها وغيرتها . مرارا وتكرارا صارحتها وفي المقابل تقول لي أثق ولكن شدة غيرتي تجعلني كذلك.

فحاول أن تكون صريحا وتجعلها تثق فيك قبل أن يستمر معك مااا أستمر معي.