إلى جميع البنات...ما هو رأيكم؟؟؟
السلام عليكم ورحمة الله وبركاته
كيفكم؟
في موضوع في بالي الو فترة بدي اكتبو
وهوة
الحسد !!!
الحسد موجود اكيد
اقصد هل لاحظت وحدة فيكو انها لو تكلمت عن سعادتها مع خطيبه او زوجها في المنتدى مثلا تشعر بالحسد؟؟؟
كلامي هنا عن الافصاح عن السعادة في المنتديات والمواقع
بعضكم قد يقول انه الاسماء مستعارة
لكن اناموشايفة فرق
الحسد معنوي فالي بيحسد بيحسد حتى عالموقع
وانا صراحة حسيت بهالاشي
مرة كتبت موضوع اهداء لخطيبي امدحو وهيك
والله والله والله بعد اكم ساعة اعراض حسد فظيع طلعت
دوخة وملل وبكاء من غير سبب
وماطقت احكي معاه يومها وسكرت الموبايل
وفورا اتجهت للمشرفين وطلبت انهم يحذفوه
وقرات على نفسي والحمدلله رجعت احسن من اول
والبنات بيحبو يحكو عن سعادتهم للاسف هالاشي بحسو هبل فينا
اكتب احيانا بغير قصد مدح لخطيبي
او اعبر عن حبي له في احد الردود
والله والله والله.... اشعر بالحسد بعد فترة بسيطة
او اجد نفسي افتعل مشكلة معه بدون ادنى سبب
فعلا انا برايي انو الموضوع مش لازم يستمر
يعني المنتدى معمول للاستشارات والمشاكل والافادة؟؟؟
لهيك الي عنده مشكلة بيحكي عن مشكلتو وماحد حيحسدو عليها 
وعفرض شخص عايز يفيد الناس بخبرة جيدة له او موقف جميل مع شريك حياته
ممكن يدرج الموضوع انو عام وليس عن نفسه
يعني ما يحكي(انا عملت لزوجي كزا وزوجي عملي كزا....)
لا ..الافضل يعمم الموضوع ويجعلو انو هيك عام فيخليه بالصيغة التالية(جربي واعملي لزوجك كزا ....)
بدون ذكر انو هية الي جربت
يعني كانو الموضوع مقروء من مكان ما او هيك خاصة ان كان باسلوب جدي وعلمي
فبذلك تعم الفائدة
ونبعد الحسد
وماحد يقلي مافيه حسد
تخيلو يعني وحدة مثلا تعيسة مع زوجها او خطيبها
ووحدة تانية كاتبة عن سعادتها ورومانسيتها
الاتعتقدو ان الاولى ستشعر بالحسرة وقد تحسد غصب عنها؟؟؟
احترامي للجميع لااقصد احد معين هنا
لكن كل شيء وارد
أيضا اجد انها مراعاة لمشاعر الذين يعانون من مشاكل في حياتهم او الغير سعيدين فيها
طبعا الدنيا نصيب
والكل لازم يرضى بنصيبو
ومافيه داعي الواحد يتطلع لحياة غيرو
وووو
الكلام هادا كلو جميل
لكن مش كل الناس بتفكر فيه
فيه ناس هيك وناس هيك
ليش مانجنب حالنا القيل والقا ل والحسد؟؟؟
والله اني مرة كتبت موضوع استشير فيه كيف اتخلص من حساسيتي
وفي الموضوع كتبت كيف خطيبي كويس معي و....
وحدة ردت بكل صراحة وبساطة
(بصراحة....انا احسدك)
يعني هادي بالصراحة بتحكي
وباقي الناس مش بالصراحة طبعا بيحكو
انا بشوف انو الحسد موجود حتى عالمنتديات
لاني جربتو بنفسي
شو رايكو بنات بالموضوع؟؟؟
انا عنجد ارى انو مافيه داعي لتفصيل
والحديث عن السعادة الشخصية
سواء الرجال او النساء
لاداعي
وان كان عالتجارب المفيدة والاقتراحات الي حابين تشاركو الاعضاء فيها
زي مقلت
اكتبوها كنصائح عامة
دون تفصيل انها الكو
وبهيك
بنفيد
ونتجنب الحسد
والله يكفينا شر كل الحساد
انا عن نفسي قررت مااحكي اي شي جيد عن نفسي او خطيبي
ولو حسيت بدي مساعدة حكتب
وان حبيت افيد بتجربة حكتب بشكل عام
وان حبيت ابدي رايي حبديه بدون تفصيل عن نفسي
شو رايكو انتو؟؟؟
طبعا هادا ينطبق بشكل تام عالحياة الواقعية ولاداعي للحديث عنه
اتحدث هنا عن المنتدى
احترامي وتقديري للجميع
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
22-12-2006, 12:56 PM
ضوابط المشاركة
العرض الشجري