السلام عليكم ورحمة الله وبركاته
والله اني احبكم في الله صايرين مثل الاسره الوحده في هالمنتدى 00ارجوكم لاتخذلوني 00
اتحملوني شوي بقول لكم مشكلتي من بدايتها
انا معلمه رافضه مبدأ الخادمه يعني اهم شي عندي راحتي النفسيه
تخيلو كان عندي اول ماجتني الوظيفه طفلين ماشاء الله وكنت صابره اخذهم كل يوم للحضانه مع اني احطهم واطلع وهم يبكون بحرقه
بعدها صرت اجلس عندهم في الحضانه لين ينامون او يهدون شوي مما ادى الى ان مديرتي رفعت اسمي للتاخير عن الدوام وجاني تحقيق في ذلك
اجي من المدرسه اسوي الغداء انام شوي اصحى العصر واغسل الصحون اغسل الملابس وفي الليل احضر دروسي
يعني كل هذا ونا احاول اتكيف مع وضعي انا ماهمني شغل البيت قد مايهمني بكاء اطفالي في الحضانه لانهم يبون يكملون نومتهم
صرت اجيب شغاله بالاجار كل يوم جمعه لكن الاشغال اليوميه تحتاج متابعه خصوصا ان زوجي حررريص جدا على النظافه
جاني ماشاء الله الطفل الثالث وطفلي الاول في المدرسه يعني عندي طفلين يحتاجون رعايه
صاروا المعلمات يقولون لي ليش ماتجيبين شغاله شوفي حالك متبهذله (ماسوي شعري ومكياجي الا بالمدرسه لضيق الوقت )
احضرت الشر اللذي لابد منه
المشكله اني محتاره وين اوديها وقت دوامي هنا ابي مشورتكم
هل اجعلها في بيتي مع اطفالي لوحدها واذهب ؟؟مع اني اخاف كثير من قصص الشغالات ؟؟
هل اذهب بها كل صباح مع ابنائي لاهل زوجي مع انها صعبه شوي مدري عن ام زوجي تتقبل او لا ؟
باقي اهلي 0000امي مثلي موظفه وبيتها الصباح فاظي كلهم في المدارس هل اجعل الخادمه عند اهلي واحضر اطفالي لها كل صباح؟؟بس نفس الشي بتجلس بروحها معاهم
اررررشدووووووني وربي منحااااااااااسه مدري وش اسوووي
ملاحظه مدرستي مافيها حضانه ولا كان تفك ازمه
يامعلماااااااااات كيف تسوون لو انكم بوضعي ؟؟؟
يارجاااااااااااال لاتبخلوا في ارائكم السديده
ياعضاااااء المنتدى والله لادعيلكم
يمكن موضوعي عند البعض تافه لكن وربي الابنااااء امانه لابد من المحافظه عليهم خصوصا بنات
هلا اختي القرمزية
اعتقد انج لو تودين اطفالج الحضانة بكون افضل من تامينن عليهم عند الشغاله
لان الحضانه حتى لو صاحو يوم ويومين اكيد بتعودون
انا اخوي لصغير عمره سنة ونص نوديه الحضانه اول ماتوديه يصيح بس بعدين عادي يتأقلم معا الأطفال
وسوري طولت عليج
اختج
مريام
التعديل الأخير تم بواسطة مريام الحلوة ; 30-01-2007 الساعة 05:47 PM
اشكررررك اختي مريام الحلوه
والله يحلي ايامك
مو مشكله اوديهم الحضانه بس المشكله ان بنتي اللي باقي لها سنتين على المدرسه من نوصل للمدرسه تجلس بالسياره وماتبي تنزل وصراخ وصياح ويضيع الدرس الاول ونا وياها اقناع انها تدخل
حتى انها مره دخلت ووقفت عند باب الشارع وخفت عليها بصراحه
والله مدرررررررررري وش اسووووووي صرت افكر بالاستقاله
اختى هذة مشكلة كثير من السيدات العاملات
نصيحتى اختى لو انك لست فى حاجة الى العمل كاحتياج مادى اتركية واجعلى وقتك لابنائك وزوجك وبيتك واهتمامك بنفسك افضل الف مرة من العمل
نصيحة لكى ان تاخذى بها او تتركيها
السلام عليكم ورحمة الله
الله يعينج اختي ويعين الي بنفس وضعج و الله حاسة فييج!
اعتقد من الواضح انكم بحاجة ماسةالى عملك فالحل انج تقوين قلبج و العيال تستخدمين معاهم القوه يعني اذا بكت بالسيارة ما له داعي تنطرين لين تقتنع انها تدخل ! شيليها و دخليها غصب لان جذي ما راح تخلصين و بتتاخرين على الشغل ! وسالفة الخادمه جيبيها لاعمال المنزل فقط و للاشراف على الاطفال تحت عينج بس تخلينها معاهم بروحهم لا و الف لااا مستحييل تامنين
عزيزتي لا تفكري بالإستقااااااااااااااااااالة هذا مستقبلك و كيانك
بعدين كلمي أم زوجك و قوليلها عن ترك الأولاد و الشغالة و شوفي شو رايها وما أظن إنها ترفض لأنها راح تخدمها و تساعدها!!!!!!!!!!!!!!!
امس حطيت على قناة قطر بالتلفزيون و كان بادي برنامج عن الشغالات و الله جاني الصياح علي شفته ما تقولي معتقل غوانتنامو ياااااااااااااااحرام الأطفال!!!!!!!!!!!
__________________
اللهم ارحم أخي رحمة واسعة و أجعل قبره روضة من رياض الجنة
السلام عليكم
انا لسه طالبه وعندي طفلين ولما اروح الجامعه اوديهم الحضانه
في الاول كا ابني الكبير ما يحب يروح الحضانه وكان يبكي ويصرخ لما اوديه لكن مع الايام اصبح يحبها
وهو الي اصبح يطلب مني اني اوديه
وما انصحك بالخادمه بسبب المشاكل التي تقع من ورى راسها والحضانه احسنلك حتى لو اولادك ما يحبونها مع الايام هيتعودوا عليها