خلافات بيني وبين خطيبي بعد الملكه بيومين ؟؟
السلام عليكم
سالفتي يا طويلين الاجل
ملكت قبل اسبوع والحمدلله انا وزوجي ميه الميه
وباقي على الحفل تقريبا 4 او 5 شهور
المهم ’’
تمت الملكه على خير وتبادلنا ارقام الموبايلات
وزارني ثاني يوم وسوالف وخواطر
بس !!
بعدها بيومين زارتنا امه واخته ,, وكانوا اهلي مسوين عزيمه كبيره شوي
وكوني عروس ’’ استحيت اكون موجوده بنفس المجلس 
بس اللي تفاجأت منه
بعد ما راحوا
امي قالت لي انهم قالوا كذا وكذا
تدرون وش قالوا ؟؟
قالوا السوالف اللي قلتها لزوجي ثاني يوم ملكه !!
طلع يروح ينقل لهم كلامي بالتفصيل الممل
وبعض الكلام كان بيني وبينه
وش اسوي معاه ؟؟
البدايه كذا !!
بعد الزواج بيروح ينقل لهم سواليف الفراش !!
والمشكله بعد امس كان يكلمني وزل لسانه وقال اني قلت لاختي عن طريقه لبسك !!
حتى كمان بيخلي اخته تقيم طريقه لبسي تنفع ولا ما تنفع ؟؟ 
كيف اتعامل معاه ؟؟
مره ضايق صدري
برايكم وش الحل ؟؟
اقول لا تنقل كلامي ؟؟
حرام اخرب فرحته فيني
مو ؟؟
الاشراف:تم تعديل العنوان
التعديل الأخير تم بواسطة sunshine545 ; 19-02-2007 الساعة 04:31 PM
19-02-2007, 07:24 AM
ضوابط المشاركة
العرض الشجري