اخواني اخواتي .........مشكلتي عويصه لاادري كيف المخرج منها

باختصار شديد
وبما اني من مناصرين التعدد ..فقد عقدت قراني من فتاة اخري .

ولي الان حوالي اكثر من سنتين وانا منتظرها تكمل دراستها

المشكله ليست هنا ...لاني مرتاح للوضعيه . واحلي ايام ايام الملكه .زي ما يقولوا

كلها غزل وكلام حلو ....فانا مستانس جدا ..

الطامه الكبري ان زوجتي الاولي ..وبمحض الصدفه عرفت السالفه بأني متزوج

رغم اني كنت حريص جدا ..علي كتمان الامر ..حتي يري النور ..ولكن كما قيل لكل جواد كبوه

كنت كالعاده مسافر خارج المملكه بحكم طبيعة عملي ...فانطفي جوالي . وعندما اعدت التشغيل قال الرجاء

ادخال الرقم السري الكبير ..فاتصلت بزوجتي الاولي وقلت لها ادخلي مكتبي وافتحي الخزنه واعطيتها الرقم

السري للخزنه ..واعطيني الرقم السري الكبير للجوال ...فقامت واعطتني مااريد ...

ومن باب الفضول فتحت ظرف فيه فواتير الجوال .. واثناء تقليب الاوراق ...وجدت رقم جوال مكرر في كل

الاوراق ..وايضا رقم منزل ..ومبلغ الفاتوره تعدي الخمسة الاف ريال ..فقالت اكيد في الامر مكر وحيله

وبما ان زوجتي ماعندها فرامل ..قامت بالاتصال علي الرقم المذكور فردت زوجتي الثانيه ..

انتي مين... قالت... انتي اللي مين ..انا فلانه ...انا فلانه ..تعرفي فلان ..ايه اعرفه ..من وين ..زوجي ..امممممممم

بتدت الصوت يرتفع ..ثم بدا السب والشتم والوعيد ..والويل والثبور ....

المهم جاني اتصال علي الفور من زوجتي الاولي ..هلا بابو الفدا ..هلالالالالالالالالالا بالعريس

ضحكت ههههههه أي عريس ..ضحكت بلا سنون ان شاء الله ...تتزوج من وراي ..ويش قاعده تقولي

لاتصرف ..عرفت كل شي ..زوجتك اسمها فلانه ..اه طيب نتفاهم ..اكيد في لخبطه بالمشاعر

اذا جيت نتفاهم ...سكرت ..

الا والثانيه اتصلت ..تبكي ..خير .. شوف زوجتك اتصلت وسبتني وتكلمت علي وهانتني انا واهلي

قلت لها ومين قالك تردي ..وتعلميها باسمك بعد ..تستاهلي اللي يجيك .. خلاص اذا رديت نتفاهم

المهم رجعت وانا خايف جدا من زوجتي الاولي ..كيف ابداء معاها وكيف اسوي ..وتوقعت انها بتكون راحت

لاهلها ...فكثرت من الهدايا ..وتوكلت علي الله ودخلت البيت ..فاذا بأمريم تستقبلني وهي مكشخه ..فقلت اكيد

مسوية لي كمين ..وسلمت علي ..اناضر بيدها رحت وشفت وراها يمكن مخبيه سكين ولا شي .. فقلت لها

اكيد الموضوع طلع كذب ..شفتي انك ظلمتيني .....قالت شوف فوتها لك بمزاجي .. يمكن ربي يهديك وتطلق

بصراحه ..(((كبرت بعيني مررررررررررره))) وخميتها وقلت ان شاء الله يصير خير .تعالي شوفي ويش جبت

لكم ... مشت الايام وام مريم ..مافتحت معاي الموضوع ابدا .. طول وقتها لبس واغراء المهم هلكتني ..

كل يوم اغتصاب .. الحقيقه تعبت جدا وكلمتها انه مايصير كذا لاني بشر مو الرجل الالي ..

قالت شفنا عيونك زايغه ..قلنا يمكن انا مقصيرن معاك .. ...الحقيقه ام مريم ..ذكيه جدا ..

عرفت انه مافي فايده من الكلام معاي ..لاني عنيد وراسي ناشفه ..ولا يمكن اتراجع بقرار اتخذته

فقامت اتصلت علي ام زوجتي الثانيه .. وقالت لها شوفي انا مابخرب بيتي ..ولاني رايحه عند اهلي

وخلي بنتك تتهنا بزوجي لالالالالالالالالالا والله اني اعرف ساحر بمكه والله لسوي لبنتك سحر اخليها

مجنونه بالشوارع .. .........عاد ام زوجتي الثانيه صدقت السالفه ...وطالبه مني اطلق بنتها ..

فقاعد احاول معاها ..........بان الكلام كله كذب وان ام مريم ملتزمه ولايمكن تسوي كذا ...ومستحيل تسوي الشي ذا

لكنها مصره علي الطلاق ...رغم ان بنتها متمسكه فيا مررررررررررره ..

فأنا الان ماادري ويش اسوي ...هل اكلم ام مريم واقولها تبطل تتصل علي ام زوجتي الثانيه ..

ولا اسكت وكاني ماادري عن شي وخليها تتطلع اللي بقلبها ...ولا اطلق الثانيه واسمع كلام امها

صرت بدواااااااااااااامه ....

وانا وللامانه مااقدر استغني عن وحده فيهم ....

لان ام مريم ..زوجتي الاولي ..وكانت وجه خير علي يوم اتزوجتها ...وانسانه ذكيه وعاقله

وماتطلع مشاكل البيت برا ابد ..حتي الي الان اهلها مايدرو اني تزوجت ....

واحس انها الوحيده اللي عرفت تتعامل معاي ... وعمرها الحين 25 سنه ومعاي منها بنتين .


زوجتي الثانيه ...طيبه وفيها اسلوب الاغراء .. اكثر ...والحين عمرها 22 سنه

فايش رايكم اخواني واخواتي بماذا تنصحوني.., ................

كل واحد يحط نفسه مكاني .....ويش بيسوي ؟؟

لاني بصراحه قررت اسمع كلام الاغلبيه منكم ..ارجوالرد بعقلانيه ..........دمتم لي بود

والله موقفك جدا غريبه زوجه طيبه بشهادتك وناصرتك وصبرت عليك في بيتك وماطلعت شي لاهلها وصغيره توها 25 وعندك ماشاء الله منها الخير وتتزوج عليها غريبه طيب وش خليت للي زوجاتهم فيهم قصور

المهم هذي سنه الله والشرع احل لك اربع بس عن راي اشوف زوجتك ما تتلاك في الي بتسويه زوجه وتبي تحافظ على بيتها وزوجها والي قالته من ساحر وخرابيط مجرد كلام بس تبي ترعب اهل الزوجه الثانيه بس عن راي اشوف ترد لزوجتك الاولى وتسمع كلام ام خطيبتك وتترك بنتها وخلي مخك مرتاح من المشاكل لاني بصراحه مناصره زوجتك ومعهاا

أخي في الله"الفــــــداء"

امممممممم فعلا سالفتك عويصة ويبغالها تروي وتفكيييير عميييق...حتى أخاف أعطيك رأي
خلينا نشوف اصحاب الخبرة أحسن...

بس بأمانة يا خوي عندي سؤال عشان أقدر أشاركك أكثر في التفكييير...ليش أتزوجت على ام
مريم؟؟؟شكلها مريحتك ماشاء الله لا قوة إلا بالله العلي العظيم...وبكل أمانة ياخوي شكلها مرررة
صبوورة ماشاء الله وشاريتك يحليلها...السؤال الثاني ليش ما خبرتها بزواجك؟؟؟

المشكلة تكمن في إنك خلااص تزوجت وهذا حقك وما نقدر نقولك شي...يعني حرام بعد تطلق زوجتك
الثانية بدون سبب...سؤال ثالث ياترى ياخوي إستخرت قبل خطوتك في الزواج الثاني؟؟

بخبرك شي سمعته من واحد ربي يحفظه في نصيحته لصديقه..."إنك بزواجك من الثانية بتخسر حب
الأولى ولا بتتهنى مع الثانية"...صحيح يا خوي التعدد من شرع الله ولكن يكون في سبب للتعدد...وخصوصا
لما يكون الزوج مرتاح مع زوجته وبالأخص لما تكون الزوجة تحب زوجها ومخلصة...هنا وللأسف يفكر الزوج يتزوج يتصور إنه ممكن يعيش نفس هالهنا لو تزوج الثانية ولا الثالثة...بس هالتفكير خطأ راحة البال هذي بتطييير في خضم المشاكل...غيرة الأولى وإنكسار قلبها والمشاكل بين الزوجتين...

ياخوي لما يكون في سبب للزواج الثاني وبعلم الأولى...الوضع هنا يختلف وإحتمالية راحة البال موجودة بإذن الله...بس شي أكييد الغيرة بتقتل الأولى ولو رضت...ياالله برد قلب أختي ام مريم...

ياخوي بكل كل امانة موضوعك عميييييق ويبغالك تستشير أصحاب الخبرة من الناس المتدينين...إدعوا الرحمن الرحيم ينور دربك ياخوي...وصلي صلاة الإستخارة كثير...وإدعو بدعاء الإستخارة دائما وأبدا...ربي ينور دربك بس فكر زييين ياخوي نصيحة قبل لا تقدم على أي قرار...

سؤال أخير وياريت تجاوبني بصراحة؟؟هل تشعر ولو بقليل من الندم والتسرع بزواجك الثاني؟؟ولا تفهمني خطأ ما أقصد لعيوب في زوجتك الثانية ولكن لكونك تزوجت بدون علم ام مريم زوجتك الأولى إلي بصرااحة ألمس حبها العميق لك...

ربي يسعدك ياخوي ويختارلك الخير حيثما يكون...ويجبر بخاطر أختي أم مريم...ويرزق زوجتك الثانية الخير والسعادة...

أختك رحيق الفردوس...

__________________
يا حي يا قيوم برحمتك نستغيث أصلح لنا شأننا
كله ولا تكلنا إلى أنفسنا طرفة عين..

ترا الحريم يجيبون الضغط والسكر والجلطه
فما بالك بحرمتين والله ان ماتتهنا بشبابك
من رايي طلق الثانيه وخليك مع ام مريم الله يسخرك لها
تكفيك هي

__________________
سبحان الله وبحمده .. سبحان الله العظيم

الله يعينك

بس أنا بأسألك سؤال

لما أتزوجت الثانية ما أتوقعت يجي اليوم اللي تعرف فيه زوجتك الأولى

أكيد خططت !!!!!!!!!!

كان المفروض أنك تقوللها وتمهد لها من الأول عشان ما توقع الوقعة اللي شبه سوده هذه ..مو

المهم كلمة يا ريت ما تعمر بيت ملك غير أنك تكلم زوجتك وتقنعها وتحاول

تغدق عليها من اللي تحبه ويادوب تكفر عن ذنبك

تحياتي

أخي في الله...أختك رحيق ما قدرت إلا إنها تعود من جديد لتخبرك بحدسها في شيء والله أعلم...أم مريم راااائعة ما شاء الله لا قوة إلا بالله...ولو كانت فيها بعض العيوب فتأكد إنها إنسانة وكلنا فينا عيوب...بس الله أكرمك فيها مميزاتها طيبة ما شاء الله...

أخاف إنك تخسرها وتخسر راحة البال...يكفي ياخوي إنك حرقت قلبها وجرحت مشاعرها ومازالت متمسكة فيك ماشاء الله عليها...لو كنت مكانها بنهاار حبيبتي والله ربي يحفظها ويزيدها صبر وصبر...يا خوي حتى لو رضت بزواجك ما بتكون أم مريم الي عرفتها دووم أكييد بتتغير والغيرة بتاكلها أكل...ياقلبي والله قلبي عليها وأرحمها كثييير...

نصيحة من أخت لك في الله...ياخوي خلي القناعة دووم نصب عينيك...اقنع بالي عندك دووم ولا تطالع لبرة...شفت الحريم أصناف وألوان وجربت منها نوع وحبيته قلت تجرب شي ثاني وتغير جو أكيييد بالحلال!!!بس لا ياخوي بقناعتك وصبرك على حبيبتك وزوجتك بتملك الدنيا

بخبرك بقصة واحد من بلدي تزوج أظني 3 ولا 4 حريم المهم زادت عليه المشااكل من كل صوووب وطلقهم كلهم تصور...والحين تزوج وحدة...يعني التعدد جابله المشاكل في حياته ولا حس بالهنا...صدقني ياخوي ممكن تكون سعادة الإنسان مع زوجة وحدة يصبر عليها ويحبها...

بس الحين انت خلاص تزوجت والله ما أدري إيش أقولك...بصراحة مالي أقول غير"لا حول ولاقوة إلا بالله العلي العظيم"فكر زييين وإستخير وإدعو الله وإستشير ذوي البصيرة من المتدينين...

برجع أقولك أم مريم نعمة عليك غيرها حتى لو فعلا تحبك من الألم بتترك البيت وغيرها كانت طلبت الطلاق بس الغالية فضلت إنها تتمسك بيك بإيدها وبرجلها وبأسنانها...لاحظت قوة تمسكها فيك ماشاء الله بعدها تحبك على جرحك لها وأقصد هنا زواجك بالسر...

يااالله ياحبيبتي يا أم مريم...الناس الي برا من الحساد بيقولوا أيوا ما عرفت تمسك زوجها وتملي عيونه وهي المسكينة تحاول المستحيل عشان لا تخسرك...ربي يسدد خطاها ويسعد قلبها الرائع ما شاء الله لا قوة إلا بالله العلي العظيم...
تذكر نصيحة أختك رحيق الفردوس إيش كانت"عليك بالقناعة في كل أمو حياتك بتكون الأسعد"

ربي يفرج همك ويعوض أم مريم وزوجتك الاثنية بكل خير وسعادة في الدارين...

أختك في الله رحيق الفردوس

__________________
يا حي يا قيوم برحمتك نستغيث أصلح لنا شأننا
كله ولا تكلنا إلى أنفسنا طرفة عين..

اخوي للصراحة اول شيء تستاهل ,,

لأني ما اعرف سبب لزواج زوجتك على كلامك عسل ..

واذا ماقدرت كل يوم وتقول انك مو رجل آلي تتوقع انك تقدر توفق وتعدل بين اثنين ؟!!

الله اعلم الشي الثاني اللى بقوله انك خبيت عنها والغلط اللى اكرهه في الزواج الثاني ,,

ان الرجال كأنه يحس انه غلطان ويخبي الموضوع ويكذب على زوجته ..

الحل ,,

اذا كنت عاقد قرآن وهي زوجتك شرعا ً ..

روح عند امها وقولها تعبي شنطتها ..

وخذها وروح بيتك الثاني ..

والله يصبر زوجتك الاولى ويسعدك دنيا وآخره ..

الله يهنيك .. ويعينك ..

ماادري بس احس مشاكل من البدايه راح تتعب ..

الا اذا حليت الموضوع .. بطريقه وديه ..

هذا الي اقدر اقوله ..

نقل الى عالم المتزوجين

أخي عن تجربه
زوجي كان عايش معايه في جنه
والله مو مشتكي مني ولابشي
ويمشي ويمدح في
وتزوج واحده جاني يبكي بعد اسبوعين
وحتى بعد 4 سنوات يستشيرني في طلاقها
لاتتهور وتتزوج
بس من جد كسر بخاطري شكله يحزن والناس كلها ملاحظه نحف وضعف وجاله السكر وندمااااااااان
وبالنسبه لي اضحك معاه بس قلبي ينزف ومازاااال

__________________