السلام عليكم جميعا ..

ودي اسأل خواتي المتزوجات والمقبلات على الزواج ..

هل تجيكي اوقات تفقدي فيها ثقتك بشكلك وجمالك ? وكيف تتخلصي من هذا الشعور ?

كيف ترفعي من معنوياتك وتقنعي نفسك انك جميله ?

سبب سؤالي هو مشكله اعاني منها من سنوات ..

ومشكلتي باختصار اني ثقتي بشكلي معدومه .. هذه عقده فيني من ايام المراهقه ..

ما احس اني جميله ابدا ..

وما حب اشوف نفسي بالمرايه ...

وان شفت نفسي اركز فقط على عيوبي ..

مشكلتي بدئت في فترة طفولتي بسبب جمله سمعتها من ابويا وامي ..

سمعتهم يقولوا ان اختي احلى مني ..

ومن يومها بديت اقارن بيني وبينها .. وبيني وبين صديقاتي ..

واقول صح كلام ابويا وامي .. انا مو مثل فلانه وعلانه .. انا مو حلوه ..

وكبرت وكبر هذا الاحساس داخلي .. وصار عندي قناعه كامله اني ماني حلوه ..

في فترة مراهقتي كنت مهووسه بمتابعة اخبار بالعارضات وملكات الجمال .. والفنانات والمطربات ..

واقارن بين شكلي وشكلهم .. وكنت اقول لنفسي انا ما أشبههم .. ماني حلوه ومافي حد بيخطبني ..

ايام الثانويه والجامعه كل مايتقدم لي شخص ارفضه واتعذر قدام اهلي اني ابغى اكمل دراستي ...

كنت اقول لنفسي .. هذا اعمى مايشوف .. على ايش جاي يخطبني ..

او اقول بكره بيتزوج علي لانو راح يكتشف اني ما اشبه فلانه وعلانه ..

انا معروفه في العايله بإني ذكيه ومتفوقه في دراستي ..

واطلع الاولي دايما على الكلاس ..

وكان الدافع لي اني انجح واتفوق هو احساسي اني مو حلوه وماراح اتزوج والافضل اني اركز على دراستي عشان انجح واتوظف وما اظل عاله على اهلي ...

كنت افكر دايما في نفسي بالمثل اللي يقول الحلوه جوزوها والوحشه علموها ...

في الجامعه كنت الاولى على الدفعه وتعينت معيده ..

والحين انا ادرس في الخارج .. في سنتي الاخيره من الماجستير ..

وانخطبت من ثلاث سنين ..

وبسبب ظروف دراستي في بلد اوروبي ..خطيبي واهله ماشافوني وجها لوجه وانما شافوا صور لي وانا محجبه ..

خطيبي فيه صفات حلوه كثير لكنه مو احسن من الاشخاص اللي تقدموا لي قبله ..

والشئ اللي دفعني اوافق عليه هو انه الوحيد اللي تقدم لي وانا خارج بلدي ..

يعني مافي فرصه يشوفني إلا لما اخلص الماجسير يعني بعد ثلاث سنوات ..

لكني افكر دايما إني لما اخلص دراستي وارجع بلدي ويشوفني خطيبي واهله راح يفسخوا الخطوبه ..

لأني ماراح اعجبهم ..

من يوم ما انخطبت وانا اتأمل في حال البنات من حولي ..

هذه قصيره ... وهذه خشمها كبير .. وهذه شعرها مجعد حيل .. وهذه سمينه ..

مع ذلك الاقي ازواجهم طايرين فيهم من الفرح ويشوفوهم ملكات جمال ...

اشوفهم اقل مني في اشياء كثيره لكنهم واثقين في شكلهم ويحاولوا يبرزوا دايما مواطن الجمال عندهم .. لكن انا لا !!

كيف اتخلص من شعوري هذا ???