المشكله انه فيه واحد من جماعتنامتربص لي يطلع كلام بالفاضي والمليان عني انا مليت من هاذي الحياه المشكله اخركذبه انه يقول عني في نفس المكان اللي اناعايشه فيه ان الهيئه مسكتني وانا في السوق وانهم حولوني الشرطه انا لما سمعت هذا الكلام علمت زوجي عشان مايتفاجا وزوجي بدوره خبر ابويه وحاولو يعرفون اصل الكلام ومن طلعه المشكله اني صرت علكه في حلق الناس والله يعلم اني مظلومه وصار زوجي من كثر الضغوط النفسيه من الناس ونظرتهم له بعدهذه الاشاعه مايتكلم طول الوقت ساكت وانا باموت من القهر مر الان على هذه السالفه اسبوع وشوي لكن لازلت نارها مشتعله ياناس وحشنى زوجي وسواليفه كنا عايشين في سعاده ماتوصف الله لايبارك في اهل الحرام وحالنا الان مثل الاغراب يدخل زوجي البيت ويخرج وانا اكتفي بالنظر فقط ولما اقول له ياحبيبى انا ايش ذنبي انته منت عارفني يقول انا عارفك بس الطلق اللى مايصيب يدوش...............والله تعبت من كثر التفكير خايفه بيتى يخرب والسبب اهل الحقد والحسد اعطوني نصيحه وادعوا معايه على من ظلمني