اولا السلام عليكم
واسفه ان اول مشاركه لي شكوى
لكن ابي حل ...خلاص سرت اتهم نفسي بالغباء ...

المشكله:
انا فتاه كتب عقد قراني قبل شهر على شاب لقيت فيه كل الي كنت احلم فيه خلوق ورائع ورمنسي ووسيم ومحترم
لكن كنت دائما اضن اني افهم البشر واني شديدة الذكاء في فهم شخصياتهم ..
فزوجي رغم كل الصفات الحسنه الا انه يتصرف تصرف غريب لم اجد له تفسير الى الان ...
فهو يحبني ودائما يصف لي حبه لي واعجابه بي ومدى اشتياقه لي وانا واثقةفي ذالك... لكن هو يعيش في منطقه غير المنطقه التي اعيش فيها وهي بعيده ...فعندما اطلب منه المجئ يرد بأنه مستحيل ..ومالي وجه !!..وايش يقولو الناس !!.. فطلبت منه ارسال صوره له تكون على الطبيعة ..ارسل لكن كل يوم يطلب مني امسحها وانا انقهر من طلبه فيسكت والمره الثاني يطلب واذا سألت ليه يقول عشان تشتاقي لي لكن انا مو مصدقه الجواب هذا لانه يلح على مسحها ...
وفوق هذا كله احسه حريص على الفلوس يعني الي اعرفه ان الواحد اذا عقد خلاص يكون مسؤول على كل شي يخص زوجته يسدد لها جوالها يسألها عن فستانه وهل تحتاج فلوس ولا لا يثبت فيه انه يقدر يصرف عليها لكن هو بلعكس دايم يحسسني اني السبب في فواتير جوالاته حتى سرت ما ابيه يكلمني .....ولا يفكر في حاجاتي ولا يسأل عنها او انا محتاجه ولا لا وانا ما اقدر اتجرأ واطلب منه..
وانا دحين بديت اشك في صدقه وبديت اخاف منه كثير وسرت اوسوس بسببه وطلبت منه هاليومين مايكلمني لاني حسيت اني غبيه مدري ايش الحل التفكير ذابحني ...


لكم مني خالص الشكر مقدما

الاشراف/تم تعديل العنوان ليتناسب مع الموضوع

الله يعينك.
*
*
انا ممكن صار لي نفس اللي صار لك مع زوجتي يعني كنت افكر نفسي اني راح افهمها بسرعه ولكن وجدت صعوبه شوي ولكن الآن الحمدلله بدأت افهمها كثير يعني المسأله محتاجه وقت علما بأني باقي على زواجي ثلاث شهور واسأل الله التيسير.
*
*
بالنسبه للمصاريف يمكن عنده التزامات فتحسين انه شويه مقصر معاك ولكن يا أختي الحب يخليه يسوي اللي تبينه.
*
*
الله يبارك لكم ويبارك عليكم ويجمع بينكم بالخير.

__________________
أحبابي إتبعوا شرع الله فإنه الخير

وعليكم السلام

هلا فيك اختي ..

انا مدري شقولك .. بس يمكن لانك مو معاه ببيت واحد ...

ويمكن لمن تكونو ببيت واحد يتغير ...يصرف عليك .. ويعاملك زين ... ولا تتحسسي من هالامور بسرعه


كوني عاديه حتى امورك تمشي لين الزواج ... تصبري اختي لانه هاذي حياه

الله يسعدك ويريح بالك يارب

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

يمكن من كثر ما سمع من مصائب يحذرك

إنتي خذي الأمور بحسن نيه وتناقشي معاه

مدري والله بس انا خايفه يكون بخيل
ابي حل ابي حل ايش اسوي
كلامكم على عيني وراسي
والله كل واحد فيكم طمني ماقصرتو لكن انا زواجي مابقيله الا ثلاث شهور
وخايفه ...
مافيه حل ؟؟؟

أختي الكريمة

لفت نظري في موضوعك هذه النقطة

الي اعرفه ان الواحد اذا عقد خلاص يكون مسؤول على كل شي يخص زوجته يسدد لها جوالها يسألها عن فستانه وهل تحتاج فلوس ولا لا يثبت فيه انه يقدر يصرف عليها لكن هو بلعكس دايم يحسسني اني السبب في فواتير جوالاته حتى سرت ما ابيه يكلمني .....ولا يفكر في حاجاتي ولا يسأل عنها او انا محتاجه ولا لا وانا ما اقدر اتجرأ واطلب منه..


أختي طول ما انتي ببيت والدك اسمحيلي هو المسؤول عن فواتيرك ومصاريفك

بعدين زوجك مو دفع المهر خلاص ليش يسألك مرة تانية إذا محتاجة فلوس

اسمحيلي أختي الوحدة فينا لازم تكون حريصة على مال زوجها من أول ماتعقد عليه

أكيد الرجل محتاج للفلوس عشان الفرح وشهر العسل وغيره من الأمور

والله أختي انتي ماتعرفي عظم المصاريف على الرجل المقبل على الزواج

والله يهدينا نحن النساء من أول مانكتب الكتاب نبدأ باستنزاف الجيب لحد الهلاك

أختي لما الرجل يطلب من زوجته إنو تخفف من المصاريف شوي هذا لا يعني أنه بخيل

لا بل هو رجل مسؤول يخطط للمستقبل

أما البخل فممكن اكتشافه بأمور أخرى

أختي العزيزة أرجو أن لا يضايقكي كلامي لكن صدقيني هذه وساوس للشيطان

وقدر من خلال بعض الكلمات اللي قالها زوجك يستغلك ويوسوس في راسك

استهدي بالله ولا تشغلي نفسك بهذه الأمور واستعدي لفرحك

فما بقي لك من الوقت إلا القليل

والله يهدي سرك ويديم عليكي الفرح ويجمعك مع زوجك بخير

دمتي وزوجك بحفظ الرحمن

تحياتي

__________________

عزيزتي ... اسمعي مني ..كثير من الشباب في الزمن هدا مايعرفوا بعض الشغلات ..فالامور عليهم جديده ..فانتي صغري الامور تصغر ..اوكي ..ولا تشيلي هم .
وحكاية الفلوس .. عشان لسا ماتعود يصرف على احد..
واذا صرتي في بيته ماراح يقصر عليكي بشي ..
انا قبلك كذا ..
تراهم ماعندهم خبرات في هالاشياء ,, فانتي اول وحده في حياته..


الله يسعد ايامك وييسر امورك

__________________

من كلامك ومن واقع تجربه ،، الرجل يجوز يكون بخيل ،،

أختي لو ما كنتي مقتنعه منه 100% نصيحتي لا تاخذيه،،

أو إنك تصارحيه بما يجول في بالك ،،

والله يعينك

الله يوفقك ويسعدك ويسر امرك

__________________