من الصعب اتخيل زوجي وحبيبي راح للابد وصعب اتخيل الي كان قبل فتره ياكل ويشرب وينام بفراشه ينام بالتراب وصعب اتخيل الي كنت احس بحنيته بكل كلمه وبكل لمسه لازم اعيش بدونه وصعب اتخيل كيف السنين تكبر بيه وهو ما موجود بقربي وبقرب بنته وصعب اتخيل يوم الي تسالني بنتي عن ابوها وتهيج جروحي ال ما تطيب وصعب اتخيل ظلم البشر من يطلب مني ان انسى وما ازعج الي حولي بحزني وصعب اتخيل ما يجي حبيبي بيوم ويكول احبك وصعب صعب اتخيل حياتي كيف تكون وصعب اتخيل نفسي كيف ممكن اصبر واكون كما يحب ربي صابره بس دائما اصحى على صرخة الواقع بانه حقيقة مات واصحى على كلمات الناس انه الله يصبرج لكن من اكون وحدي ارجع واكول انه صعب اتخيل انه خوفي صار حقيقه

__________________