السلا م عليكم اخواني واخواتي الاعزاء اتمنى ما ادوخكم بكلامي بس خطر على بالي شي وكلت اسولف بي وياكم يمكن تعرفون انه زوجي توفى قبل فتره واني للان اكدر اكلكم ما واصله للصبر ممكن تكولون في جزع لكن الي لاحظته انه الانسان من يخسر شريكه بالحياة سواء بالطلاق او الموت يبدي يلوم نفسه يعني المطلقه تكول كان ممكن اسوي كذا حتى تمشي الحياة والارمله تكول يامه ايام كضيناها مشاكل وما سعدته كفايه قبل ما يموت بالنسبه الي على الرغم من حبي الكبير لزوجي الله يرحمه لكن كانت تجي ايام من المشاكل اكول لازم نتطلق بس بعد وفاته حسيت اني كنت مجرمه بحقه وما اسعدته كفايه على الرغم انه كان التعامل وياه حيل صعب يعني فوق كل قهري احس بالندم القاتل الي مدمر حياتي فوق دمار رحيل حبيبي وابو بنتي واخيرا اتمنى اعرف هذا الشعور طبيعي لو لا وشلون تستمر الحياة مع هذا الشعور الرهيب ؟ I

__________________