السلام عليكم ورحمه الله وبركاته

كيف حالكم ان شاءلله بخير

انا عندي مشكله او ابي اخذ رايكم فيها

في شيء سويته لكن ماعارف حاسه بندم لاني مابي اقطع ارزاق حد...

مهم انا بفضل الله اشتغلت بشركه كبيره..ليها فرووع في كل مناطق الدوله..بس بعدني كمتدربه.حمدالله اشغل في مكان قريب من سكني...بس هذا الشركه الحين بدات عمليه التوطين.(يعني ادخال عنصر من ابناء الوطن ).فيه شركتها..المهم مشكلتي تتمحور في المديري.(هو مدير الفرع الي اشتغل فيه )..ما يبني اتعلم شيء ...بس يقولي اوقفي وطالعي..كيف بتعلم شغله اذا ما امارسها مومهتم اذا تعلمت شيء او لا.ماعرف على شنو يقيمني الصراحه .لا احيانا يتكلم في الشغل ويا الموظفين
من شوفني واقفه..يرمس في مواضيع الثانيه برع شغل..سياسه الشركه اذا ما اثبتي شطارتج .خلاص اوت ..والموظفات الي وياي في التدريب في الافرع الاخري بدوا يتعاملوا ...ويشتغلوا..صح يعانون بس ماخذين حقهم بيدهم...هب انا كله اسكت اسكت



...الحين بندخل الشهر الرابع لوضع مثل ماهوو الي يقايضني اكثر احسه كارهني..لانه عارف خطت العمل في الشركه تاهلينا عشان نكون مدراء (لانه نحن ندرس في كليه وندرب في دوائر ) بس والله مايا عبالي هل الامر
.معنه والله انا من نوع احترمه عمري ما قلت مثل غيري هذا وافد انا من ابناء الوطن والحق يقال هو ايضا محترم معي.. صح يعق نغزات عليه بس اسكت ..فيه سلوك مره سواه..انه خلاني انظف مكان قهوه والشاي.معنه هم الي موسخين المكان..صراحه نرفزني هل السلوك..بس تميت ساكته ...
انا..كلمته مافي فايده...رحت كلمت لمشرفه مسؤله عنا..كلمته مافي فايده...الصراحه قلت مافي غير اكلم المدير مسؤؤل عن هذي الشركه..مشكله كله مشغول مشغول..الحمدالله.. وجدته بعد وقلتله السالفه وهو عصب كثير و قال

بحل المشكله ..قال انه يعرف عن سياسيه التطفيش المواطنات في الدوائر..


بس مشكله..انا رحت قلت لوحده قديمه وياي \..قالت ليش ممكن يعطونه انذار او فصل .؟؟ انا حسيت بالندم مابي اكون سبب في قطع ارزاق...خاصه انه مدير تنفيذي لشركه معروف انه صعبي

ماعرف الي الي سويته صح..؟؟ صراحه فكرت انسحب واقدم استغالتي.؟؟

__________________
علمت بأن رزقي لن يأخذه غيري .. فاطمئن قلبي !!!

ما سويتي شي غلط والله أعلم هو غلط عليج.... عيل يقولج روحي نفظي مكان القهوه والشاي! جيه ابويه!

وبعدين المدير اذا شاف انه المسأله محتاجه انه يفصله بيفصله وما أظن حبيبتي المدير بيفصله على سالفه مثل هاي

يمكن انذار عشان يتعلم كيف يتعامل مع الناس مره ثانيه

__________________
ادعولي ربي يفرج همي... محتاجه لدعواتكم

لا انا ماقلت للمدير التنفيذي عن سالفه تنظيف...انا قلتله بس ما يباني اتعلم..ما يخلني اتعامل ويا العملاء..؟؟


الله يصير الي فيه الخير

مشكوره وايد اختي على ردج

__________________
علمت بأن رزقي لن يأخذه غيري .. فاطمئن قلبي !!!

اذا لم تشتكي انتِ فسيأتي غيرك من المتدربين ويكون نفس مصيرك ولا يتم توضيفهم لعدم كفاءتهم


هل تقبل بقطع ارزاق هولاء بسبب موضف اؤكلت له مهمه ولم يقم بها على اكمل وجه

فكري في المردود الاكبر

أنتي قلتي الحق ولم تفتري عليه كذب

ولا اعتقد انهم سوف يفصلوه لا تخافي

ولاتقدمي استقالتك لان الموضوع بسيط لا يحتاج ذلك

هو مديرك لانه وافد ولانه عارف ان سياسة الشركة هي التوطين وايضا لانك انت من ابناء الوطن فهو خايف منك لا تحلي محله ويصبح هو بلا شغل لهالسبب ببتعامل معاك المعاملة هذي خايف منك

عموما حتى لو شكواك كانت السبب في قطع رزقه فهذه ارزاق والارزاق على الله وكل شي في النهاية قسمة ونصيب ومديرك كان انقفلت في وجه فله الله اللي حيفتح له 100 باب وانت اشتكيت خلاص لا تشغلين بالك كثير هو في النهاية كل واحد له رب كريم