السلام عليكم ورحنة الله وبركاته ..

اخواني اخواتي ..

عندي مشكلة وابي حل معقول لها ..

مشكلتي اني ما ني مرتاح لخطيبتي مافي راحة ابد مع ان لي 2 شهرين معها .. لكن الفترة الاخيرة بدت هي ترسل بنات يكلموني .. والله نبي نتعرف ..
وكل شوي وحدة ..

اللي ترسل لي رسالة ارسل شي ارسل رسالة يابخيل ..

وهي ماتدق علي الا اذا صار رقم من الارقام اللي يدقون علي متصل ..

واذا رجعت دقيت عليها .. تثول لي دقيت عليك وكان عندك انتظار .. مين تكلم ..
قلت اكلم واحد قالت ايييه من اصحابك قلت ايه ..
قالت طيب اكلمك بعد شوي ..

ونفس الحكاية تتكرر ..

السالفة هذي صارت من يوم ملكت بنت عمي ..
تقول خطيبتي : انا عارفة انك كنت تبيها قبل ..
قلت يا بنت الناس البنت راحت في طريقها الله يوفقها ..

وبصراحة من اول ما اخذتها ماكنت مرتاح لها ولحركاتها ..
وهي مرة تحبني ومرة ما هي طايقة تشوفني ..

اذا جيتها البيت ناظرتني بنظرات .. اقول لها وش فيك .. تقول طفشانة ..

ومرة هلا حبيبي هلا حياتي هلا روحي ..

البنت عقلها صغيييييير مرة ..
تصدقون تقول لي لا تناظر للتليفزيون عشان فيه اشياء مو زينة ..
طيب حلال عليك .. وحرام علي ..

ولا تسمع الكلام ..
مرة قلت لها بكرة بجي عندك البيت قالت لا لا تجي بروح السوق بقول لامي اذا ما وافقت تعال بس لا تجي .
ولا تقول لي ليه ما تجيني ولا شي ..
اقول لها مشتاق لك تقول عادي ..


تطلع ولا تقول .. تحط مكياج وتروح للسوق .. تمشي بالشارع بدلع

عارف ناس بتقول طيب عادي .. انا عندي مو عادي وقلت لها الكلام هذا ولا تسمع ..

المهم اني مو مرتااااااااااح ابدا معها احس صايرة حياتي كلها شكوك ..

انت وينك ؟ ومع مين ؟ ولا تطالع تليفزيون ! فلانة من الناس تسولف عن اهلك اكيد بينك وبينها شي ..
شبينك وبين مرت عمك ؟ شبينك وبين بنت عمك ؟

والله اشياء كثيرة ..

تصدقون صرت ما اداني اكلمها ..
عشان معروفة المكالمة واتجاهها يا انا بزعل او هي ..

ابي حل الله يخليكم ..