السلام عليكم ورحمة الله وبركاته

اولا أنا متابعه للمنتدى الرائع من بعيد وبصراحه منتدى اكثر من رائع واستفدت منه كثييير

والله يعطيكم الف عافيه على مواضيعكم ونقاشكم الهادف ..

وعندي مشكلة واتمنى الكل يفيدني شباب وبنات (( مخطوبين )) او متزوجين ..

اولا انا مخطوبة (مملكه ) وخطبتي تقليديه نعرفهم عجبت امه وخطبوني وتمت الخطبه


انا خطيبي طيب واخلاق ومحترم ومتعلم يعني ماعليه كلام بس الشي اللى مو مريحني شخصينا وانتبه الكل من تصرفاته وامي والكل يسألني شفيه شفيه غريب خطيبك !!
ماادري هو ثقيل بارد ايش بالضبط يكلمني بالاسبوع مره او مرتين واحيانا بالاسبوعين مره ومايطول وكلامه عادي ايه يقول مشتاق بس مااحس بشوقه لي وغير انه له 4 شهور مافكر يزورني اهلي يستغربون تصرفاته وانا بعد مستغربه ومقهوره لانه مو طبيبعي بتصرفاته لانه الكل يعرف اللى يخطب وعاجبته ويحبها ( مثل مايقول ) مايطنش كل هالوقت ومايسأل الا وين وانا اخواتي وزميلاتي الكل لما انخطبو كانت ايام الخطوبه غير للاثنين يكلمها يحس فيه يتكلمون عن حياتهم بكره وين يسافرون وين يروحون انا لاااا وانا خجوووله موقادره اخذ عليه واسلوبه مو عاجبني ابدا انا حلووه الحمدلله جدا وهو لما كان يزورني مايقدر يحط عينه بعيني ماادري حيا ولا ايش السالفه ولما يطلع يكلمني ويمدح فيني!! طيب ليش ماتقول عندي والله شي يقهر وبعدين يجي في بالي اشياء كثيره يمكن متزوجني يبغاني زوجه فقط وهو عايش حياته !! ولا ايش!! كلامه انسان فاهم متعلم زي ماقلت لا واحيانا يتصل واكون مشغوله ولا عندي احد وعلى مااطلع ارجع ادق يعني مافيها 10 دقايق مايرد ويرد اليوم الثاني يقول نمت !!!!!! بطه نمت على طول
وانا مااطلب يكلم يوميا ولا يزورني كل شوي بس اذا الحين احنا كذا بكره كيف بعيش معاه !!!

ارجووووووكم انتو ايش شايفين تصرفاته عااااديه طبيبعيه ولا ايش ؟؟؟؟؟؟؟؟؟

نفسي اقوله اذا مايبغاني او طول هالوقت جالس يحاول يتقبلني يقولي عادي احنا لسه على البر !! بس اخاف

عادي حبيبتي في كثير من الرجال فيهم شويه حيا
انا اخوي كان كذا وتغير بعد الزواج
والله يوفقك

__________________
( سبحانك اللهم وبحمدك..اشهد ان لا اله الا انت..أستغفرك واتوب اليك)

ياستي شكل زوجك خجول معليه ترى مو بس البنات الى يستحوا فيه شباب امورين كمان فيهم حيا
وبعدين اش المشكله لم تقولي له ليه ماتزوريني انا ماوحشتك عادي لمحي له هل انت مغصوب بس مو مباشر طبعا 00000 يعني حاولي تستدرجيه كيف خطبتني اش قالت امك كيف اول ماشفتني اش كان انطباعك عني يعني ان كيدهن عظيم دوري الاسأله

بس الى اتوقعه اكيد انه يستحي ويمكن بارد شويه وعلى فكره انا زوجي كان تقريبا كذا بس الحمدلله شوفينا اتزوجنا وخلفنا صبيان وبنات
تحياتي ومبروك مقدما

أولا كم عمرك وكم عمره ؟؟؟

ثانيا أختي ،، الرجال خجولين مثلنا ،، كثير منهم ما يقدرون يعبرون عن مشاعرهم وجها لوجه ،، وبعضهم ما متعود تكون في حياته انسانه يسأل عنها ويكلمها طول الوقت ،، وبعضهم يحب يعيش حياته وما يفكر في أمور المستقبل ،،

الرجال يختلفون في طبايعهم وتصرفاتهم ،،

لذلك افهمي خطيبك ،، حاولي تعرفي ايش مواطن الضعف عنده ،، خجله ؟ شخصيته ؟ ما يقدر يواجه ؟ يعيش حياته ؟

بعدين حاولي تتقربي منه ،، اضغطي على نفسك ،، تدلعي بس باحترام عشان ما يفكر انك جريئة ،،

والله الموفق

انا مع الاخوات لا تستعجلي في الحكم عليه ....من الواضح جدا انه خجول ...ومن رايي انك تحاول تلمحي
مثل ماذكرت احدى الاخوات بارك الله بها ...وفقك الله لما يحب ويرضى..وجمع بينك وبين زوجك واقر عينك به

__________________



اللهم اغفر لوالدتي وارحمها واعفو عنها

اللهم اجعل قبرها روضة من رياض الجنة

اللهم ادخلها الجنة مع النبيين والشهداء

والصديقين والصالحين ... آمين ... آمين

والله العظيم تعبت معاااه

قالو اثقلي عليه وشوفي ايش يسوي ثقلت وسرت مااتصل وماارسل الا اذا ارسل ارد عليه بس

ايش تتوقعون صاار عااادي ولاكأن فيه شي لا سأل وينك ليش ماتسألين ولا شي !!

قلت خليني احسسه بحبي له ارسله حتى لو ماارسل الصباح بالليل ومشتاقه واحبك واذا غاب كم يوم اتصل واقوله وينك قلقت عليك .. لكن مافي فايده بارد تصرفاته تقهرني تقهرني

ياربي ابغى احس اني مخطووووووبه مليييييييييييت وربي حتى امي قلت لها ليتني ماانخطبت

امي تحاول تهون علي بس احيانا تقولي والله غريب معقوله ثقل ومايحب احد يجيب سريته كذا ولا كذا وتقولي احيانا خجول ماعليك بكره يتغير!!

وحاليا انا مقفله جوالي وماراح افتحه اشوف يسأل ولا لأ .. ايش رايكم صح تصرفي ؟؟؟؟

شيخة الزيـــــن

sweet2244

mm200

الحب المستحيل2 << عمري 21 وعمره 29

سلو قلبي


يعغطيكم الف عافيه على ردكم وماطنشتوني مانعــــــدمكم إن شاء الله

السلام عليكم ورحمة الله وبركاته 00

أختي في الله 00

لاتستعجلي بالحكم عليه 00

أنا كنت مثلك وألحين أعيش في نعيم 00فالمكالمات والزيارات قبل الزواج ليست كل شئ 00

تمنياتي لكي بالتوفيق وأن يجمع الله بينكم في خير 00

__________________
من كل شيئ إذا ضيعته عوض00

ومااا من الله إن ضيعته عوض00

سبحان الله ...والحمدلله ...ولا إله الا الله ... والله أكبر...

قال صلى الله عليه وسلم:

"من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب"

استغفر الله الذي لا إله إلا هو الحي القيوم وأتوب إليه

[blink]لا تجعل الخير يقف عند جهازك[/blink]

أنا حبيبتي زوجي مثل زوجك قبل الزواج ثلاث سنوات مخطوبه ولا كلم ولا مره ولا فكر يكلم أصلا
وبعد الزواج إيضا نفس الطريقة لا يتكلم وطول الوقت ساكت وتجبين وتحطين قدامه وهو عادي ما كنك سويت شيئ ولما أسأله شكلك ما تحبني يقول بالعكس كل يوم يزيد حبي لك وهو ما يقصر عليه بتنفيذ طلباتي
لكن
تبين الصرااااحه وما خبي عليك هذه الشخصيات تتعبييين معها أنا ما أخوفك لكن ليش أكذب وأقول أني راضية بالتصرفات هذه .......ما يعطي مشاعره ولا يفشي أسراره ولا يبدي رأيه إلا بطلعت الروح كأنك قاعده مع شخص ما تعرفينه ما انت قاعدة مع زوجك شريك حياتك وإذا ما عشنا اللحظات هذه متى بنعيشها
لكن انا صرت أتخذ نفس طريقته وأجدد حياتي وأقرأء له قصص وحكايات رومانسيه وما خليت شيء رومانسي وسويته له والحمدلله هو راضي بي .........أحمدالله على النعمة لما اشوف غيري أخس وأردى مني مليون مرة واهم شيئ يحبني وكيفه هو وشخصيته هو يقول أنا والله اني أحبك والحمدلله أني اخذتك ولا أخذت وحده غيرك بس طبعي كذا ثقيل دم وحيوي جدا (زيح جبل ولا تزيح طبع )
والله يوفقك الجميع

اختي انا زوجي كان زي كذا بالخطوبه واكثر منك والله لكن الحين روووووعه حياتنا الحمد لله

ومثلك اهلي يسألون و و و و ........لكن كان يقول مدري وش اقولك وغيره وغيره بس الحين روعه غير مو مثل اول..............

لا تخافين بالعكس ترتاحين بأنه ماله مع البنات من قبل.....


الله يوفقك ويسعدكي إن شاء الله.