السلام عليكم ورحمة الله وبركاته

أخواني وأخواتي ..

أنا مقبل على الزواج قريباً جداً وأرغب منكم مساعدتي

ماهي أفضل المطاعم الرومانسيه والمحتشمه في نفس الوقت يعني تاخذ راحتك إنت وعيالك وفي نفس الوقت

يكون السعر معقول لكن أهم أهم أهم شي الرومانسيه .

ينقل....لعالم..المقبلين..على..الزواج..
مكانه...المناسب

__________________

عليه

أخوي توت بري

إنت نقلت موضوعي هنا لكن انا تعمدت اكتبه في عالم المتزوجين لأنهم هم اللي بيفيدوني في الموضوع وهم اللي عندهم فكره كافيه عن الموضوع هذا لأنهم راحوا وشافوا مطاعم كثير لكن القسم هذا انا اعتقد انه اكثر اللي يدخلونه ناس مثل حالاتي غير متزوجين وفي الحاله هذي ماراح استفيد كثير ... والا وش رايك

أولاً مبارك مقدماً ...........

خذ عندك أخوي

1 / مطعم رومنس

شارع صاري بعد طريق المدينة في إتجاه الغرب

2 / مطاعم الأمم

شارع فلسطين قبل سليمان فقيه بشارعين

3 / مطعم المشويات الإيراني

الكورنيش مقابل محطة نفط وبجوار البيك

4 / جميع مطاعم الفنادق وخاصة الهليتون والكنت و جدة واستن

مطاعم على البحر وأخر رومنسية بسسسسسسسسسسسسسسسس

ياليت انت تروح المطعم أول وتختار الركن الأفضل المطل على البحر وتحجز الطاولة

ولم تجي تلقى الطاولة جاهزة

لأنه لو جيت كذا راح تلقى الأماكن المميزة راحت عليك

****************

أخوي رحت مطاعم كثير بس هذه يمكن أكثر مطاعهم ارتحت لها لجوها الرايق والخصوصية التي فيها

وصدقني بما أنك عريس جديد فجرب كل المطاعم على مدى الشهور الأولى

وبعدين راح تستقر على ثلاثة أو اربع

تروحها وقت الميزانية طيبه

*************

اتمنى إني اكون افدت ولو بالقليل

تحياتي

__________________

بسم الله الرحمن الرحيم

أقول وخر شكلك من أولها معصب ورافع حاجبك وداخل على مضاربة لسة بسم الله ما صارت المرة معاك وانت تضارب مع اللي رايح والجاي هيهيهيه.. مبروك أخوي.. وهون عليك أمرك وطنش تعش تنتعش.. يعني لو أحد ضايقك خليه.. كدنا تنكد على المدام وعلى نفسك ودمك ينحرق على الفاضي ! أذا تبغى تروح مطاعم في جدة لازم تتبع النصائح التالية.. وإلا الدم يصير لين الركب.. هيهيهي


أولا: لو دخلت المطعم لا تنظر يمين أو يسار ولا على اي طاولة.. لأنك سوف تستشيط غضبا..ليش لأن في جدة لو أحد جالس في المطعم ولقي أحد داخل لازم يطالع فيه من فوق لتحت.. ويقلبوا على اللي معاك ويطالعوا من فوق لتحت.. بالنسبة لي ,انا فتاة.. لمن ادخل ما أطالع في أحد عشين ما أعصب.. ولو بالصدفة لقيت أحد بياكلني مرة ولا رجال.. أجلس أطالع فيها لين ما تقلب وجهها..كانها مو شايفة بشر !


ثانيا: وعلى ذلك.. المطعم اللي بناسبك لازم يكون فيه حاجز بين طاولة وطاولة.. والا لقيت الطاولة الثانية جالسة معاكم.. مرة أشرت لوحدة مركزة على الآخر معانا أنا وأمي وصحبتها.. اشرت للست قلت تعالي أقعدي معانا أحسن.. خافت ودارت وجهها.. وحتى لو أمي تجلس تطالع أقلها ايوة كلي الناس ولا روحي قولي ممكن اجلس معاكم شكلكم فلة !

ثالثا: لمن تلاقي طاولة على مزاجك.. حط حلقة في أذنك.. تخيل انت وجالس أنو مافي أحد غيركم في المكان وصدقني راح تنبسطوا مرة.. ليه ساعة أحش في الناس أخاف تطلع واحد من أياهم.. تجلس وما تخلي أحد عدا من قدامك الا وأكلتو فعيونك.. صدقني خطيبتك راح تعصب وتحقد عليك من جد..وتديك نظرة ايش مني مالية عينك.. يعني ركز معاها وخليك جنتل وابتسم ابتسامة رضى وعيشها في رومانسية وتسولفوا واضحكوا.. ولا كأنوا في جرسون واقف على راصك..بس أول ما تدخل خلي شكلك عصبي عشين يحسبولك حساب ويخافول منك.. ترى من جد موضوع حساس.. ويعصب.


دحين أسماء المطاعم..

يالدزلار جنب دوار البواخر ما أعرف اسم الشارع روح جهة النافورة حقة البحر وهمة يقلولك.. شوية غالي بس العمال يطفشوا يجلسوا على راصك ويوقفنوا بعيد يتكلموا عليك.. الأكل مررررررة طيب.. فإيش تسوي اذا ناوي تسوي ليلة حلوة في البيت.. اطلب من زوجتك تحضر الطاولة وشموع وتلبس أحلى فستان.. وروح انت أو ارسل السواق وكلموا من المطعم.. الأكل الخارجي يتوصوا فيه أما في المطعم يحطوا عينات والجلسة ما تسوى,, بس من جد اكلهم يفوتك.. أول خد وجة الغداء بخمسين ريال وتأكل ثلاث أنفار..

في المطعم الصيني.. تعرف الشارع اللي فيه روائع الكتبات ؟ الجهة الثانية على جوة بين البيوت في صيدلية لف يمين بعدين يسار. مطعم طيب والفلبينيين يتكلموا ولا يهمك محنا فاهمين ايش بيقولوا.. والشارع دا في مطاعم حلوة.. في مطعم ياباني.

شارع صاري.. مليان مطاعم من الجهتين


في شارع فلسطين قبل النافورة.. في شليز.. دايما زحمة.. جاي كورنر.. ونفس الشارع في كاسبر مررة حلو بس ما فيه بارتشن شبابي مرة.. فنفس الشارع بعد شليز تمسي قدام.. ترى هاذي المنطقة كلها مطاعم.. العجمي.. يلدزلار.. شيراز هدا ايراني..

ودحين القهاوي.. فيها أكل بس خفيف.. اذا من النوع اللي تعسل ينفعك أروما كافيه.. محترم وفيه حواجز وأكثر الموجودين نساء
تشربوا قهوة وتتسولفوا..

وفيي قهوة مرتبة.. في شارع التلحلية المنتره 2 الدور الثالث جلسة رومانسية والعمال طيبين فحالهم والجلسة شبه ضلام !


وفي لي مول بس القهوة مكشوفة في نص السوق بس حلوة كل واحد في حالة.


وكمان في مطاعم سمك على البحر.. جنب فن تايم بيتزا مطعم ايطالي.. ومطاعم كتيرة وفي واحد جنب الجزيرة الخضراء نسيت اسمو

بس خلاص لفينا جدة كلها تعبت.. أتمنى أن أكون قد أفدتكم..


ولله التوفيق

السلام عليكم
1-مطاعم الفنادق خصوصا التي تطل على البحر.
2-ابوشقره
3-شامي
4-المطاعم اليابانيه والصينيه في حال انك تحب اكلاتهم انت والمدام
5-مطاعم التي تكون في المراسي البحريه لانه يوجد كثير منها تهئ لك جو الخصوصيه والرومانسيه بعيد عن ازعاج بعض العوائل اللذين افرادهم كثيره ومعهم اطفال.

اتمنى اني افدتك بمعلوماتي البسيطه

محبوب الكل
7-12-1424

والله جيت على الوتر الحساس .....



أنا وبكل فخر خبير المطاعم في العائلة ، يعني أي أحد من أقربائي أو حتى أمي إذا حبت تروح مطعم وتبغى جو معين تتصل عليا بالتليفون وتسألني وأنا أدلها على حسب المزاج والميزانية والذوق وكله .....



شكلك نفسك تتعرف عليا في الواقع ......



على العموم والله في رأسي مطاعم مررررة كثير لكن خذ الإسم والمميزات وأدعيلي بالذرية الصالحة .

1- (( لاكوزين )) أكثر المطاعم والجلسات رومانسية في جدة قاطبة ، ولن تجد جلسة رومانسية أكثر منها ، العيب الوحيد هو الأسعار ، أنا وزوجتي أتعشينا فيه وطلبنا الحلى ، وأخذنا كمان واحد حلى برة ودفعنا أكثر من 500 ريال ، المكان لما تجي من طريق الأندلس أدخل الشارع إللي يمر من جنب سوق الجمجوم بإتجاه البحر ، وحتلاقيه على يسارك ، بس لازم تنتبه له كويس ، لأن اللوحة صغيرة ومضلمة وماهي باينة كثير ..


2- (( مطعم الخليج الصيني )) وهو الذي ذكرته الأخت سابقاً ، وأنا كمان ما أعرف إسم الشارع ، لكن تدخل للشارع الرئيسي من فوق كبري المربع توجه نحو البحر ، وأمشي شوية ، وحاول تلاحظ لوحة مكتوب عليها إسم المطعم وسهم يشير للشارع ، وحتلاقي اللوحة على يمينك ، أدخل وأطلب وأدعيلي ، الأسعار معتدلة والأكل ممتاز ويعتبر أفضل المطاعم الصينية في المنطقة الغربية ، المشكلة الوحيدة هي أن الأكل الصيني لازمه واحد يعرف الأكل الصيني سابقاً علشان لا يتورط بطلبات مالها داعي .....


3- (( مطعم بيت المأكولات الإيرانية )) أو (( بيت المشويات الإيرانية )) الأكل فيه ممتاز مقارنة بباقي المطاعم الإيرانية ، والجلسات منفصلة ولها خصوصيتها ، والسعر رخيص وممتاز ، وما يبغالها ذكاء أطلب طلب المشويات المشكلة عندهم وأدعيلي ، ومكانه في بداية الكورنيش أمام محطة نفط (ميد) مباشرة .....


4- ((سبيرز)) هذا المطعم أنصحك بيه وبشدة ، والميزانية لشخصين حوالي 260 ريال فقط ويمكن أقل ، المطعم يقدم المشويات على الطريقة البرازيلية ، وطريقة التقديم مميزة جداً ونوعية الأكل أيضاً مميزة جداً ، وياريت تراجع معلومات المطعم هذا في موضوع إسمه ((طريقة رائعة جداً جداً الجزء الثاني)) وستجد إسم الموضوع تحت توقيعي مباشرة ، إضغط عليه وإستمتع ، ومكانه داخل فندق انتركونتنينتال ، الدور الثاني ، والمشكلة إنك لازم تروح قبلها وتحجز الطاولة إللي على البحر مباشرة ، وأفضل وقت لزيارة المطعم هي على الغداء ، على شرط إنك تكون ما أكلت من يومين ورحلهم جيعان موت .....


شوف كده هذي الخيارات وحأرجعلك بعدين وأحطلك زيادة إذا حبيت ....


تحياتي ...

__________________
خاص ومميز جداً

مواضيعي المميزة


جديد وحصري
::+:: آخر مواضيع الفيلسوف (( لا يحب زوجته )) ::+:: جديد وحصري

طريقة رائعة جداً جداً !!! لا تفوتكم

(الجزء الثاني) طريقة رائعة جداًَ جداً !!! لا تفوتكم (الجزء الثاني)

اخوي الفاضل.

اليك بعض المطاعم..
طبعا اخواني ماقصروا بس بديلك مطاعم غيرها..
وانت تخير .. وروح شوفها قبل ماتاخذ زوجتك..

في مطعم جديد حلوووو مرة في شارع الاندلس .. اسمه كاسبر اند غامبينيز..

وبعد مطعم شيزان الهندي .. اكله مرة طيب.. وفيه فرع عند مركز شاكر .. وفرع ثاني بشارع الاندلس خلف المطعم الصيني .


مطعم وردة .. جنب قاعه ليلتي .. وحده صديقتي قالت لي حلو .. ورومانسي.. شكله كأنه بيت .. فيلا .. لكن روعه..

واذا تذكرت شيء جديد.. قلت لك عنه..

تحياتي .

__________________

البيك مايصلح هههههههههههههههه

بصراحه ..
ماأدري وش أقول والله أحرجتوني وكلكم ذوق .. ماتوقعت ردود بالشكل هذا لكن الحمد لله طلعتوا قدها وقدود
الله يوفقكم ويسعدكم كلكم وعلى فكره الردود هذي طبعتها عشان مااضيع الأسماء لكن اقسم بالله لو اروح واحد منها ويطلع اي كلام لأجي للي كتب إسم المطعم

..
..
..
..
..
..
..
..
..
..
..
..
..
..
..
..
..
..

..
..
..
..
..
أبوسه

الأخ / أقول وخر

جزاك الله خير على الموضوع، استفدنا من الأعضاء وإليك نصائحي:

إذا أردت مطعم إيطالي على الكورنيش ومنظر على البحر هناك مطعم بعد دوار النورس إسمه صعب (إل جيتيبيانو ) غالي شوي لكن المنظر جميل ولو تزورهم قبل وتطلب حاجز أفضل لأنهم جابوا لي مخصوص ما أدري من فين وثانياً نبّه عليهم أنهم يستأذنوا قبل ما يحضروا الطلبات. صارت معاي مرة وكانت سليمة ونبهتهم!! وفي الحقيقة ذوق.

الأكل الفرنسي رومانسية ودلع في مطعم الجون شارع التحلية قبل مستشفى بقشان العام قادماً من طريق الملك فهد غالي شوي لكن رومانسي لكن اتبع النصائح أعلاه كذلك.

إذا اشتهيت أكل عربي في مطعم شاطيء النخيل Palm Beach طريق المدينة بعد الكوبري المربع جلساته العائلية معزولة وتطلب الموظف بضغط على الجرس.

ولي عودة بعد الحج بإذن الله وتقبل الله من الجميع.

__________________
لغير جمالكم نظري حرامُ وغير كلامكم عندي كِلامُ ( الكِلام هو التعب والشدة )
وعمر النسر منكم بعض يوم وساعة غيركم عامٌ وعامُ
أحب بأن أكون لكم جليساً وتنصب لي بربعكم خيامُ
إذا عاينتكم زالت همومي وإن غبتم دنا مني الحِمامُ ( الحِمام هو الموت )
فداووا بالوصال مريض هجر يهيم بكم إذا سجع الحَمامُ