قريبتي تتعمد ترقيق صوتها وتنعيمه رغم كبر سنها
السلام عليكم
لي قريبة وعمرها كبير - لما اتصل عليها تلفون طبعا هالسالفة قبل الكاشف فترقق صوتها ( آلووو )
استشيط غضبا منها - ولما تكون طالعين مثلا دكتور شوفوا الحركات والدلع
هي عمرها كبير ( اصغر من امي بسنة يمكن ) بس شكلها ( ماشاء الله محافظة ع رشاقتها )
بس دلعها ماله داع وما اقدر اكلمها لانها اكبر منى والمفروض هي اللي تنصح ومو انا
وبعد هي لها طريقة بشخصيتها غصب الواحد ينجذب لسوالفها او اسلوبها بالكلام
حبوبة ومحترمة وتعرف الله بس اللي يحر إنها عادي اذا شافت صديق اخوي عند الباب تسولف معاه
ع اساس ان عمره صغير وكبر ولدها ( طبعا هي ما تعترف انها صغيرة ولو يحصل لها تقول حق امي يا خالتي )
اخوي منحرج منها ومن اسلوبها وكمان إحنا بس لساننا مربوط - هي دلوعة ولها طريقة تطلع انت الغلطان مهما قلت لها فإحنا ساكتين عل وعسى تتذكر ان عمرها فوق 45 ومابقي شيء عليها و تنقطع -----
ادعوا لنا ربي يصددها عننا ويخليها تنهدى غصب عليها وان احنا ننشغل بشيء حلو وما عاد تحرنا حركاتها
__________________
استغفرك ربي من جميع ذنوبي فأنت الغفار الرحيم
التعديل الأخير تم بواسطة غـاليــة ; 06-02-2009 الساعة 07:53 PM
السبب: توضيح العنوان
29-05-2007, 11:29 AM
ضوابط المشاركة
العرض الشجري