كيف اتواصل معاااااه .. ساعدوني ولكم الاجر ???
السلام عليكم جميعا ..
بصراحه انا اليوم عندي مشكله صغنووووووونه جدا جدا لكني طمعانه بمساعدتكم في حلها ..
ودي اسألكم سؤال اجابته صعبه بالنسبه لي لكن ان شاء الله اجابته بسيطه عندكم ..
واحده مملكه من ثلاث سنين لكنها عايشه في قاره وزوجها في قاره ثانيه ..
ومابينهم غير اتصالات هاتفيه ما تقدر تمتد لساعات لأنها مكلفه ..
هي كتبت مواضيع كثيره في المنتدى تشتكي لكم فيها من برودة علاقتها مع خطيبها ..
وانتوا فهمتوها ان لها نصيب الأسد من الذنب والخطأ في اللي صاير بينهم ..
وخطيبها يكون طفش منها ومن تصرفاتها ..
وهي راجعت نفسها وقررت تغير اسلوبها معاااه ..
الوحده هذه اللي هي أنا 
غبيه وخجوله وماتقدر تصرح شفهيا بأي عباره لطيفه لزوجها ..
اكيد راح تقولون لي مالها حل غير الكتابه ..
طيب عشان اكتب له لازم اما برساله بريديه او بالايميل او بالمسجات ..
بالنسبه للبريد انا سألت خطيبي قبل كم شهر وقال لي ماعنده .. كيف ماعنده ما ادري ???!!
وبالنسبه للايميل خطيبي يكره النت كرهه للعمى ..
ماعنده انترنت بالبيت .. ولا يحب يروح ابدا مقهى انترنت ..
وحتي ايميله مايفتحه بالشهور .. و لما ارسل له رساله مايروح يقراها الا بعد طلوع الرووووح ..
واخيرا بالمسجات جوالي مايكتب باللغه العربيه لاني مو شاريته من بلدي ..
وغالبا ما أظطر أكتب لخطيبي بانجليزي معرب اذا كان هناك امر ضروري ..
يعني اذا كتبت عبارات لطيفه بانجليزي معرب ما اخذ راحتي بالكتابه ..
وحتى مايكون لها نفس الاثر او الوقع كما لو كانت باللغه العربيه ..
وانا مالقيت اي جوال يكتب عربي في البلد القبيحه اللي انا عايشه فيه ..
فكرت اكتب لخطيبي بلغه اخرى وسيطه لكن المشكله إن خطيبي يجيد اللغه الانجليزيه وانا لا ..
وأنا اتكلم اللغه الفرنسيه بينما هو لايتحدثها مطلقا ..
كيف احل المشكله هذه برأيكم ???
ادري ان المشكله شكلها صارت فزوووووره كذا .. لكن اعذروني وساعدوني في حلها ولكم الاجر ..
19-06-2007, 12:05 PM
ضوابط المشاركة
العرض الشجري