السلام عليكم

السؤال الاول:
بنتي عمرها سنه و 3 شهور و ما شا الله طلعت اسنانها لما صار عمرها 3 شهور
و الحين انا مب عارفه شلون انظف اسنانها!!
حتى بدت تطلع روائح من فمها
اتمنى منكم افادتي في كيفية تنظيف اسنانها و لسانها

السؤال الثاني:
متى يبدا الطفل يفهم و يستوعب اللي يصير امامه؟
يعني انا واايد ماخذه راحتي امام بنتي بس مرات افكر يمكن المفروض ما اسوي هالشي جدامها

مثلا اخلع ملابسي بالكامل او اتحمم و هي تشوفني
و مرات اشوف افلام رعب و هي بجنبي

اتمنى منكم افادتي

__________________

السلام عليكم ورحمة الله وبركاته

اختي اولاً .. الله يحفظ لك بنوتك ويبارك لك فيها يارب ..

بالنسبة للسؤال الاول .. للاسف ماقدر افيدك واتمنى باقي الاعضاء يفيدوك .. بس اللي اعرفه انه في معجون اسنان خاص للاطفال وليس حار وبنكهات مختلفة .. وممكن ايضا تجبرين تفركين اسنانها بمنديل نظيف وفيه ماي .. <<< لكن طبعا اللي عندهم خبرة رح يفيدوك اكثر ..


بالنسبة للسؤال ال2 : والله يا اختي يعني بنتج ماشاء الله الحين كبيرة وشوي تفهم يعني ..

بالنسبة لي بنتي عمرها 5 شهور واتجنب اني ماكون لابسه امامها او اتحمم او من هالامور ..

فعليك الحذر اختي خاصة انه الاطفال في هالعمر " عمر بنتك " ماشاء الله يلقطون بسرعه ...


وبانتظار خبرات باقي الاعضاء .. بس حبيت اشاركك باللي عندي .. لعل وعسى اقدر افيدك ...

بارك الله فيك

مشكوره اختي عالرد
و بانتظار المزيد من الردود

و على ما اظن المعجون يستخدم للي عمرهم سنتين او 3 مادري و الله
بس بانتظار مشاركة الاخوات

__________________

يعطيك ألف عافيه .... وأتمنى أن أفيدك بتجربتي الشخصية ... وان شاء الله تكبر البنت وتشوفينها عروس
بابتسامه تظهر أسنان لآلئ



المفروض الاعتناء بأسنان الطفل من أول سن يظهر

يوجد معجون أسنان خاص بالأطفال مع فرش أسنان صغيرة الحجم ، استخدمي كمية صغيرة جدا من المعجون ، ويجب ان تعلمي الطفل في هذا العمر كيف يتمضمض من كوب ماء ، و خلي الطفل يقلدك بأن تفرشي أسنانك أمامه ... تأخرتي كثيرا في تنظيف أسنانها لذلك ظهرت الرائحه

بالنسبه للسان الطفل ، ان شرب الحليب خليه يشرب ماء بعده ، واذا كان رضيعا نظفيه بشاش أبيض


وللسؤال الثاني :

الطقل في هذا العمر بدأ بالاستيعاب خصوصا أفلام الرعب ... حرااااام يخاف الطفل في هذا العمر

وتبقى في ذاكرته ...

و خلاص لا تبدلي ملابسك بالكامل أمامها , وحتى السباحه خليها تتعلم من صغرها ان الجسد له حرمه خاصه خصوصا مناطق العورة .... بنتك بدات تكبر .. وعمر سنتان تيدأ الشخصية تتكون ويبدأ العناد ،
فكيف بالاستيعاب !!!




والله يعينك على التربية ,,, لا زلت في أول المشوار

مشكوره اختي عالرد بس احسها صغيره على انها تتعلم تتمضمض
و المعجون انتي متأكده انه يناسب سنها؟!!

__________________

صح ... هي صغيرة لكن ابدئي بتعليمها لا بأس

والمعجون توجد أنواع خاصه للأطفال حتى لو تم بلعها ما يضر ( حسب كلام الصيدلي !! )

وان كنت تخافين من المعجون فرشي أسنانها بالفرشاة و الماء بعد كل وجبه لتزول بقايا الطعام

و أهم شيء قبل النوم

وصدقيني ان تعلم الطفل من صغره على تنظيف أسنانه قبل النوم ستكون عادة وروتين

اتعبي الآن ... كي لا تتعبي وقت التسوس ومراجعات طبيب الأسنان و آلام الأسنان

اسألي مجرب ولا تسأل طبيب

مشكوره اختي لتفاعلج و اهتمامج بموضوعي
و جزاج الله خير
انا رح ابدا انظف اسنانها بفرشاه بدون معجون و بحاول اوديها لطبيب الاسنان عشان يشوف اسنانها و لثتها
و يساعدني اكثر
لاني دورت عن معاجين الاسنان و كلها لعمر سنتين مافي اقل

__________________

انا بصراحة سمعت عن قطع شاش تمسحين بها فم الاطفال
واسنانهم بس ما اعرف هل هي نفس الشاش العادية اسألي الصيدلاني
بالنسبة للفرشاة والمعجون انا ابني عمرة 3 سنوات
وما استخدمتها لانة يبلع المعجون
احيانا اخلية يبرش الفرشاة صافي بدون معجون