كنت احبها وتموت فيني بس مااتزوجتها :(
السلام عليكم ورحمة الله وبركاته
اخواني لعلكم قراتون مواضيعي السابقة ومشاكلي السابقة مع خطيبتي
لا مو مع خطيبتي مع اهل خطيبتي
الموضوع باختصار انه خطبت وحده وكنت احبها وهي تموت فيني وماتستغني عني ولا انا بعد
لكن بعض المشاكل والنفاق مع امها وابوها واخواتها انفسخت الخطوبه بغير رضاي ولا رضاها
وانا بصراحة للحين احبها وماتصدقون لو قلت كل يوم اتذكرها واتذكر كلامها وابكي اي اي اي لااحد يستغرب ابكي
اي بكل صراحة ابكي
بس هذا النصيب وربي موب مقدر ان نرتبط
اما الشيء الي خايف منه
والي ابيكم تساعدوني فيه هو
المســــــتقبل
كيف بيكون وضعي مع زوجة جديدة
وكيف بيكون وضعها مع زوج جديد
طبعا انا كل مااتذكر هالموقف انقهر واتضايق وتصيبني حمة
افترض اني خطبت واتزوجت وحده ثانيه
كل ماقالت لي احبك راح اتذكر الاولى
وكل ماقالت كلمة غزل وكلام حلو راح اتذكر الاولى
يعني راح اظلم بنت الناس معاي
الحين مر على فسخ خطوبتي 7 اشهر تقريباً وانا ما تزال كلماتها في اذني لاتبرحها
وش اسوي وش الدبره دبروني ساعدوني
اظل طول عمري بدون زواج يعني عشان مااظلم احد معاي
التعديل الأخير تم بواسطة غربتي ; 02-07-2007 الساعة 12:11 PM
02-07-2007, 12:09 PM
ضوابط المشاركة
العرض الشجري