مشكلتي اني اناو وزجي نشتغل في شركه واحده . يصادف في الشركه معانا بنت كانت نعي في ايام الدراسه الابتدائيه . ويصادف كذالك انها تعيش في نفس المنطقه اللي نعيش احنا فيها .


جاتني بنت الحلال بعد ما عرفت اننا قريبين من بعض من ناحيه السكن واقترحت علي اني اوصلها في الرده للبيت يعني بعد ما نخلص الدوام .

وبصدر رحب انا رحبت فيها وقلت ما في اشكاليه في توصيلها ترى نفس الدرب . قلت لها اشتشير راي زوجي وارد عليها

هو فعلا كان رايه من راي ووافق انا نحنا نوصلها في طريقنا .


مرت الايام وصارت البنت فري تتكلم معانا وتسولف بدون خجل وزوجي بعد الله يهديه فري مع كل احد .



المشكله انها تمادت كثير وانا ساكته بغيضي ما اقدر اقولها خلاص لا تجي معانا او بس ما نقدر نوديش معانا .


من المواقف اللي صات :

*** من عادات زوجي انه يحب يقص شعره بالكامل ويخليه كوت "اصلع" واحنا طالعين من بنايه المكتب قالت له فلان الاحظ عليك دوم تقص شعرك بهالطريقه . وبصراحه تضايقت كثير .

*** والموقف الثاني وفي نفس اليوم واحنا في الطريق زوجي كان نفسه فس مشاكيك " لحم مدخن في سيخ" تعرفونه كلكم راح ووقف سيارته واشترى حاله 2 وانا2 وهي 2 لا نها كانت معانا وبعده الرجال قال نفسه في عصير طازج ورحنا اشترينا عصير طازج كان مذاقه وايييييييييييييد حلو . سأل هو عن مقدار حلاوة العصير . سالها هي اول وردت عليه حلووووووووووووو واييييييييييييد لازم يطلع حلو ترى ذوقك . لما سمعت هذا الكلام منها كان انشقت الارض وابتلعتني .دار راسي ما قدرت اكمل ا لعصييير مع اني كان نفسي فيه كثثثثير انسدت نفسي وبقيت ساكته طول الطريق.



وصلناها البيت ووصلنا البيت وانا واضح علي الغضب والضيق بس من دون ما اتكلم ولا كلمه وارتميت بالفراش من دون ما اناقشه او اكلمه في الموضوع .
وضليت طول الليل ابكي واحسبها كيف صارت المساله كذا " خير تعمل شر تلقي "
كان حرى بها انها دام انه جات معانا وما مانعنا انها تروح معانا ونوصله . يا اخي تروح باحترام

صرت ما اطيق زوجي من يوميتها لليوم وما اقدر اخذ واعطي معاه في الكلام ما ادري ويش اسوي ساعدوني يا ناس اله الله يوفقكم في ارشادي للسبيل الرشاد.


وفس نفس هيذيك الليله هو رقد زعلان وان رقد متضايقه .

ما للهوى داعي اذا اللي تحبه ما يراعي


ملاحظة ادارية :
تم تعديل العنوان ليتناسب و مضمون الموضوع

اسمحيلى تستاهلين ليش اتخلين حرمة عريبة تتقرب منة اوتركب السيارة معاكم لاتقولين غصب عنج كان سويتيها مشكلة من اول ماقلت لة ليش اتقص شعرك كان رديت عليها وشو دخلج وهو كلمتية مايكلمها هاى شكلها تستغفلج وتعرف شخصيتج وتتقرب من زوجج وانتى راضية اى تستغبيج اسمحيلى

يا عزيزتي

بتحطي الزيت بجانب النار وبتقولي وين المشكله..

والله إني حاسه نفسي متضايقه ومقهوره منها... سبحان الله

كيف تجيها الجرأه إنها تكلمه بكل هالبساطه..

أنا لو منك، والله من اليوم بتصل فيها وبقولها إن صار في مكان لازم تروحوه بعد الدوام (مثلاً لبيت أهلك أو بيت أهله) ومن الصعب إنك توصليها معاكم يعني حجه جيده..

ومافي داعي إنك تقولي حق زوجك هالشي وإكتفي إنك تقوليله إعتذرت عن إنها تجي معانا وفي حد ثاني بيوصلها.. وسكري الموضوع تماما..

أنا ما أريد أزعجك و أضايقك أكثر بس إما إنك تكوني قويه وتواجهي الموضوع وتحليه بحكمه وذكاء منك أو إنك كملي في نفس الموال هذا.. وبعد فتره رح تلاقي نفسك في دوامه مانك عارفه كيف تطلعي منها..

إنهي الموضوع الآن بقوه ولطف.. ولا تخلي زوجك يحس بأي بأي شي عشان ما تفتحي عيونه على شي يمكن هو مو ملاحظه..

طمنينا عنك يا عزيزتي..

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

حبيبتي زوجك ماله ذنب ابدا هي اللي باين انها راميه نفسها عليه انتي لازم توقفينها عند حدها بس موقدام زوجك عشان ميلاحظ انك مقهوره منها وياليت تتعذرين بأي عذر ولاتوصلينها وان سألك زوجك ألفي عليه قصه انها هي اللي ماتبي تروح معكم وحرام عليكي زوجك هذي طبيعته بس وانتي قلتيها بنفسك انتي مثلا قوليلها يوم انا رايحه عند اهل زوجي او رايحه مطعم او رايحهلاهلي اتغدى عندهم ماراح امر على بيتي وكل يوم اتعذري بعذر الين ماتمل وهذي الفتره اهتمي بزوجك كثير وحاولي تسعديه قدر الامكان حتى ماتدخله هي من طريق والله يسعدك وخبريناايش اللي صار

أختي الحبيبة ،، مسؤولية اللي حصل مسؤولية مشتركة ما بينكم انتم الثلاثة (إنت ، و زوجك و زميلتك في العمل) ،، فلا يصح أن تلقي بكامل المسؤولية على طرف واحد فقط

و اسمحيلي دي نهاية منطقية جداً و طبيعية جداً للقصة

أولاً :: طبعاً زميلتك مسؤولة و هي مسؤولة عن أخلاقها

ثانياً :: زوجك مسؤول عن مسايرته معاها ،، و المفروض كان الموضوع خد طابع جدي جداً و حتى حوار ما بينك و ما بينه ما كان ينفتح إلا لما تنزل

ثالثاً :: إنت ،، و خليتك بالأخير علشان عليك مسؤولية حل الموضوع ،، إذا كنت وافقت على فعل الخير فكان لازم تاخدي كل احتياطاتك ،، كان على قد الخير اللي عملتيه و إنك قربتيها لك و حاولت تساعديها ، كان لازم تفهم إن منطقة زوجك منطقة محظورة و ممنوع الاقتراب منها

أختي ،، مش هقدر أقولك امتنعي عن توصيلها لأنك فعلاً بتعملي خير ،، لكن كمان لازم أقولك إن زوجك مش ليه ذنب إنك تقلبي الموضوع عليه ... لازم تتكلمي معاه و تفهميه إن طريقة البنت معاه بتدايقك و إنه بما إنه بيحبك و بيخاف على مشاعرك فإذا سمحت إذا حاولت تتكلم معاك في أي موضوع لا ترد عليها و لا تحاول فتح أي باب للنقاش
و كمان لازم توصلي له إن ثقتك بيه مش ممكن تتهز و إنه محل ثقة كامله ، و لكنك ما تثقي في أي حد حواليك

أختي dandOOn أثارت نقطة مهمه جداً لازم تاخدي بالك منها

أما عنك فحاولي بقدر الإمكان منع أي كلام طول الطريق ما بينكم ،، حتى ما بينك و ما بينها .. شغلي قرآن في السيارة أو إذاعة الأخبار أو اطلبي منهم إنهم يذكروا الله طول الطريق

و بصراحة و من غير تصنع ،، أنا لو كنت مكانك كنت هدور على ألف طريقة و طريقة علشان أنسحب من وعدي لها بإني أوصلها .. لأن بيتي و زوجي هم أهم شئ في الدنيا و مش في حد يستاهل إنك تضعي فيه الثقة اليومين دول إلا من رحم ربي

ااااااااااخ

انقهرت من صديقتك

خلاص انتي انهي الموضوع وصرفيها

كل يوم جيبي لك عذر
حتى ترتاحي منها

وزوجك قولي له انها هي خلاص بطلت تركب معاكم

صدقيني الحين الحل سهل دامك توك في البدايه

بعدين ماتدرين وش بتسوي
الله يستر لاتاخذ زوجك من بين ايدينك
وانتي ساكته ومو عارفه تصرفين

هي اللي بدت ولا احترمت وجودك وكلمت زوجك وقدامك بهالطريقه

فانتي صرفيها ولاتهتمين من نفسيتها او ردت فعلها


الله يعينك

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

انا اقووووووووول صراحه ماعليكي غلط
لكن زوجك غلطان انه يكلم وحده غريبه سلام يكفى بزياده والكلام اللي ماله داعي ماله داعي
ودبري عذر اعتذري عن اخذها او قوليلها زوجي يكره الكلام معا اي احد تبغي شي كلميني

__________________
طعنة العدو تدمي القلب وطعنة الحبيب تدمي القلب

تصرفي بحكمة وعقل وصبر من غير ما تدمري وما تبيني لزوجك غيرتك بيتك وزوجك اهم بيني لها صرامتك وغير مهتمة بيها ولا بزمالتها لو كانت حتدمر بيتك وكل مرة بيني لها انك مشغولة وريحا لمكان معين انت وزوجك او متلا تخرجي انت وزوجك قبل الوقت وتنسياها بحجتك تريدين قضاء حاجة معينة او تاخري عن موعد الخروج بحجة زوجك عنده شغل واطلبي منها تروح ما تستناك لحد ما تمل وتفهم نفسها وتبعد عنك وبشغل الزمي حدودك في معاملة سواء معها او مع زميلات اخرى ويكون تعامل بينكم سوى شغل
الله يوفقك ويسعدك

__________________

	ربي لا تدرني فردا وانت خير الوارتيين

__________________