السلام عليكم

والله احترت احط الموضوع وين .. بس اتمنى انكم تساعدوني

مشكلتي ولله الحمد صار لي 3 سنوات ونص متزوجه وللحين ماصار حمل ..

تعالجت مرتين مع اخذ الكلوميد والابر

المشكله مو هني ..

مشكلتي اكثر من مره حاولت مع زوجي انه يروح يفحص .. وموعاجبته هالفكره .. والله تعبت وانا اقوله مافيها شي عادي بس نشوف الحيوانات المنويه وخلاص ..

ورافض تماما انه يروح .. كيف اقنعه واخليه يروح يفحص؟؟

وهل العمر له سبب في حدوث الحمل؟؟ انا عمري 20 وزوجي عمره 23 (تونا صغار بس من زمان متزوجين )

الحمدلله على كل حال تم زواجنا لسبب ظروف صعبه

ساعدوني الله يخليكم ..


اذا موضوعي مو مكانه بإمكانكم تنقلونه ..

اقعدي معاه قعده مصارحه وادلعي عليه بكلمتين وقوليله الحين باخذ وياك موعد ونروح نفحص

وبسريه تامه قوليله محد راح يعرف وقوليله نحن بنشوف مش خسرانين شي

وبعدين خليه ياكل غذاء ملكات النحل والعسل الاصلي والتمر

غاليتي انا مريت بنفس الموقف لي سنتين متزوجة وعمري الان 21 وهو24 تعالجت كثييييير وهو كان رافض يفحص لين جيتلة من ناحية إني فيني إلتهابات وخايفة أنقلها لة ويتعب وفهمتة ان الموضوع للصحة قبل مش للإنجاب اتبعي طريقتي وإذا رفض طنشي الموضوع ومل مايفتح معك موضوع الاطفال قولي سويت الي عليا والباقي عليك

ماقصرت اخوي ضاحي ..

الله يوفقك بحياتك .. ياارب

وانا راح اتبع اللي قلته وانشاءالله خير


وبالنسبه للعسل والتمر لازم اخليه ياكله وانا معاه بعد..

اقعدي معاه قعده مصارحه وادلعي عليه بكلمتين وقوليله الحين باخذ وياك موعد ونروح نفحص

الله يرزقني وإياك بالذريه الصالحه

حبيبتي ريمون والله ماقصرتي وخوش حل .. الله يطمنك يارب

وانا راح اسوي مثل منتي سويتي .. وان شاءالله خير

وان شاء الله .. الله يكتب لي ولك الذريه الصالحه

مشكوره عزيزتي همسه..


وان شاءالله ينفع الدلع والله يكتب اللي فيه الخير


ويااااااارب يوافق ويروح معاي ويفحص

أختي العزيزة إذا رفض يروح فيه طريقة قالت لي عليها الدكتورة اللى اراجع عندها وهي بعد الجماع مباشرة لا تغسلين وروحي للدكتورة النسائية وخليها تأخذ مسحة من السائل المنوي الموجود في المهبل وخليها توديها للمختبر حتى يحللونها ويعرفون عدد الحيوانات المنوية وسرعتهم وأكيد يكون وقت الجماع في النهار حتى يكون بإمكانك الذهاب للدكتورة وعسى الله يرزقك الذرية الصالحة وادعيلي يرزقني الله البنية الحنونة :14: أختك وردة الحدائق .:14:

__________________
حجم التوقيع اكبر من المسموح به ولذلك تم حذفه.

حبيبتي .. اختي ..

اتمنى تتبعين طريقة الاخوات .. وقولي له انه حلم كل زوجة تصير ام .. وانه فرحتج في طفل وقوليله لاتحرمني من فرحتي ..

وحاولي معاه .. الحياة حلوة والبنون يحلونها اكثر واكثر

الله يوفقج الغاليه .. والله يرزقنا جميع الذرية الصالحة
ربي لاتذرني فردا وانت خير الوارثين << اكثري من هالدعاء

واستغفي كثير الغاليه وان شاء الله خير

وطمنينا

__________________
استغفر الله العظيم

اللهم صلي وسلم على نبينا وسيدنا محمد

ربي لا تذرني فردا وانت خير الوارثين

يارب ارزقني وارزق امه محمد الذرية الصالحة

سبحان الله وبحمده عدد خلقه ورضا نفسة وزنه عرشه ومداد كلماته

ادعولي

يا أخيه ليش مستعجله توك صغيره أنت و زوجك ، أعرف أحدى الأخوات تزوجت عمرها 19 و لم تنجب إلا و عمرها 30 و تقول تمنيت إني لم أرهق نفسيتي في السنوات الأولى و تركت الأمر إلى أن أتعدى 5 سنوات حتى لا أتعب و أتعب زوجي و الحمل بيد الله فهو أحياء نفس لا يقدر عليها إلا الله
والله يرزقك الذريه و عليك بكتاب ربي لا تذرني فردى لعبد الله الرزيحي