السلام عليكم و رحمة الله..



صارت ملكتي قبل حوالي شهرين على رجل بهرنا باخلاقه و دينة و الخ,

المهم كان في شروط قبل العقد لانه متزوج اشترط عليه الوالد الا يكون هناك اي اتصال بيني و بين زوجته و اولاده بعد الملكه بحوالي شهر ونصف

سالني اذا ما اقبل ان اربي بنتين من بناته فا انا بصراحه رفضت قلتله انا ايش ذنبي ابدء حياتي بالشكل هذا


اتكلمنا بالتلفون لانه مش عايش بنفس البلد

المهم و الان صايرله حوالي 7 ايام ما يتواصل معاي يعني زعل لاني رفضت طلبه

..انا الان فقدت ثقتي به و اشعر ان واصلت معاه و مشيت بمشوار الفرح علما ان تاريخ الفرح بعد حوالي 3 اشهر من اليوم




اشعر ان ما في ثقه و انا متخوفه لو واصلت معاه راح يغشني و يجيبلي عياله اربيهم ليه فا انا خلاص ما اقدر اواصل

ونفسي انفصل عنه ايش هيا الخطوات الي ممكن ان ابدء بها علما انه مهمل ليا لا يتصل علي ولا ينفق علي ولا شيء

و لم يصلني منه غير مهري الذي كنت قد بدات اشتري الذهب منه والى اخره فارجوا ان تفيدوني كيف اتصرف

هل اجعل الوالد يتكلم معاه و يقول له انت اخليت بشروطنا و عشان كدا ما في اي ثقه خصوصا انني راح اعيش معاه في بلد بعيدا عن اهلي



المهم انا الحين نفسي يخلص الكابوس هذا بس الولد يخوفني يقول امكن يا بنتي يرفع قضيه انك ناشز و انا اقول له يا ابويا ما صارت دخله ولا شي فا كيف اكون ناشز

ممكن يصير فسخ العقد ما فيها شيء لا اول ولا اخر من يصيرلها كدا نفسي احد يفيدني هل يمكنه ان يرفع دعوى انني ناشز بالوقت الي ما صارت دخله ولا شيء سواء ملكه ؟

و هل لي ان ارجع له المهر كاملا ام نصفه مع العلم انني قد طلعت معاه بسيارته كدا مرة يعني صارت خلوة بيننا ... ارجوا ان فتيدوني و الله يجزيكم خير

الاشراف:
تم تعديل العنوان ليناسب النص.