الكذب على الخطيب !!! - منتدى عالم الأسرة والمجتمع

10-08-2007, 02:33 PM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

الكذب على الخطيب !!!

السلاااااام عليكم جميعا ..

ودي افضفض لكم عن شئ أنا سويته وابغى رأيكم فيه .. واعذروووني لأن طلباتي واسئلتي كثرت هاليومين ..

انا مملكه من ثلاث سنوات .. وبسبب طوووووول فترة ملكتنا تمر علاقتي بخطيبي بفترات برووود من ناحيته ..

والقاه يقلل من اتصالاته لي

.. لأنه ينشغل عني باعماله ومشاغله ..

فأنا عشان الفت نظره لي واخليه يهتم فيني اكثر اقوم اكذب عليه بشئ ..

يعني يصير ادعي المرض او اخترع مشكله من راسي بخصوص دراستي واقولها له ..

وهذه صارت يمكن اربع او خمس مراات طوال فتره ملكتنا ..

واحيانا القى نفسي اندمج مع القصه لدرجة اني اقوووووم ابكي له حتي بالتلفون ..

يعني اكذب الكذبه واصدقها ..

فالقاه بعد كذبتي هذه يصير طيب وحنووون مررررره لكم يوووم ..

و يكثر بالاتصالات عشان يطمئن عليّ ..

وبصرااااحه تكووون هذه الأيام من اجمل الايام عندي

..

فانتوا وشو رايكم ? هل هذه تصرفات مقبوله مني ?

وهل هذا كذب احاسب عليه ?

لأني في مره من المرات كذبت عليه وثقلت العيار .. يااااااارب سامحني بس ..

كان زعلان مني صار له اسبوعين وكلما اتصلت عليه عشان اصالحه مايرضى يرد ..

فصار اني رحت اتعالج عند طبيبه جلد عشان مشكلة حب شباب ..

فعطتني دواء سبب لي حساسيه شديده ورحت في نفس اليوم الطوارئ وعطوني دواء وتركوني ارجع البيت ..

فأنا لقيتها فرصه عشان اصالح خطيبي ..

ولأنني في غربه ولوحدي وبعيده عن اهلي .. خليت صديقه لي ترسل له تقول له اني مريضه مرررره ..

وانني في الطوارئ وتحت مراقبه طبيه لمدة ٤٨ ساعه .. استغفر الله بس ..

والمسكين خااااااف مررررره وكانت ردة فعله قوووويه جدا ..

وجننني هذيك اليومين باتصالاته ..

لكني بعد ما شفت ردة فعله هذيك حسيت اني زودتها .. وحسيت بخووف منه وعليه ..

فكان كلما اتصل يكلمني ارتجف وابكي

.. غير إني كنت خايفه كمان انفضح قدااامه ..

لكن عدى الموقف بسلااااام وقتها ..

فهل تنصحوني اعترف لخطيبي بعد زواجنا باللي سويته او اخليني ساكته احسن ???

وش تتصورا تكون ردة فعله لو اعترفت له ???

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:50 PM.

روابط سريعه