السلام عليكم ورحمة الله وبركاته


اخواني واخواتي الاعضاء ابارك لكم بحلول هذا الشهر الكريم اسئل الله ان يتمه علينا بالطاعه والعافيه




بدخل في صلب الموضوع لاني ما اعرف اكتب مقدمات


اتاني شخص ونحن بالعمل عمره 24 سنه الظاهر لي انه شخص مهذب لبق حسن التعامل مع الموظفين
طبعا له فتره بالعمل لدينا مايقارب 4 سنوات طبعا بحكم اختلاف المناصب والعمر لم اتعامل معه بشكل مباشر ولكن نعرف بعضنا من خلال العمل بشكل سطحي جدا


جلس عندي بالمكتب وقال لي ممكن اتكلم معك اذا ماعليك امر

قلت تفضل

قال بصراحه انا ابغى نصيحه منك يمكن ارتاح من العذاب الي بداخلي قلت امر الي اقدر عليه ما راح اقصر

تكلم واحس من كلامه انه ضايع مع نفسه مايدري وش يسوي



قال انا شاب من اول حياتي ونا ابوي حريص علي على علاقاتي صداقاتي كل شي في حياتي يسأل عنه وكل يوم يعلمني شي جديد في الاخلاق وعن اصحاب السؤ ويحذرني منهم ويقول اهتم بنفسك
ولما كبرت شوي صار اخوي الكبير يهتم فيني وفي كل شي بحياتي مثل ابوي واكثر


المهم يقول لما بديت اكبر واروح لمرحلة الثانوي صار اخوي يتابعني جدا لدرجه حسيت اني مراقب وصرت اخاف اني اغلط وصرت ابتعد عن اي شي يودي للمشاكل من اصحاب او غيرهم

اذا قالو لو زملائي يلا نطلع قلت لا اخاف يخلوني ادخن او اسوي اي شي غلط مع انهم ما يسوون شي
بس اخاف من الشيطان
يقول كبرت ومع الايام زادت عندي المحضورات

كبرت وبديت اعتمد على نفسي وتوظفت وبدا اخوي الكبير يهتم فيني اكثر من ناحية العلاقات العاطفيه والسفريات والروحات والجيات وطلعات الاستراحات يعني اي شي ممكن انه يخربني حاول انه يبين لي اضراره

بعدين يترك الكوره بملعبي ويقول انت كبير ونت تتحمل مسؤولية نفسك ونا خلاص اصير خايف على نفسي
ولا ابي اقع في الغلط
وشوي بدا يترسخ عندي ان الي اسويه لازم يكون نابع من الوازع الديني

وصرت احلل كل كلام ابوي واخوي واخواتي وامي والنتيجه انه كلشي نابع من الوازع الديني

وصرت خلاص امنع نفسي بنفسي مو خوف من اهلي بل من الله ارتاحو اهلي مني وني خلاص صرت اعرف الصح من الغلط وني اخاف الله في كل شي

المهم كبرت ومع الايام اتعرف على ناس واتركهم لمجرد انه يدخن او يسافر لوحده او فاشل

لحد ما صفى عندي ولا صديق مثلي ما يسافر ولا يدخن ولا يشرب ولا له علاقات بالحرام


يقول انا ودي اسافر مع زملائي بس اخاف على نفسي اطيح بالغلط من شرب او بنات انا ما اضمن نفسي
ودي اطلع مع زملائي استراحات بس اخاف يصير فيه شي غلط

ودي بشياء كثير بس كل الي ابيه ممكن اني اضر نفسي بدل ما انفعها ويخرب كل الي بنيته

يقول يوم شفت الدعوه كذا اخوي ما قصر معي يقول اطلع برا ادرس بس انا ما ابي

يوم شاف اي رافض كل اجل بشغلك من جد ما راح اخليك فاضي

بدا يخليه يشتغل معه بعد الداوم لين الرجال خلاص صار احسن من اخوه بالشغل اخوه يشتغل في البيوت

يعني يشتري اراضي ويبنيها بعدين يبيعها


صار الولد احسن من اخوه وانشغل مره معد صار فاضي ابدا يالله الدوام والتجاره واهله بس فقط لا غير

لا اصدقاء لا سفريات لا روحات ولا جيات الا مع الاهل فقط
المهم كون له راس مال ممتاز جدا وصارت عنده اعمال اخرى غير عمله

والولد اجتماعي وعنده ثقافه عاليه جدا استغربت منه صراحه كيف يكون كذا وهذا وضعه


المهم يقول هل اذا صرت مثل باقي الشباب اطلع ااورح واسافر عادي مع الاصدقاء وغيره

طبعا يقول مره كنت بسافر بس قالت له امه لا بعدين اهل مرتك يسئلون عنك ويقولون مسافر

طبعا الرجال اولا يخاف الله ثمن يخاف على نفسه ولا يبي اي كلمه شينه تنقال له او عن اخلاقه ويحاول انه يتفادى اي شي ممكن انه يضره

يقول هل زوجتي مستقبلا ممكن تقدر لي هذا الي سويته واكون غير بعض الناس ام ان الامر عادي كل الي سويته مو مهم بالنسبه لها


وثاني شي يقول انا صح ولا غلط هل الي اسويه صح ولا انا ماعندي سالفه


طبعا انا مادري وش اقول له اقول له انت مكبر السالفه اكون المفتاح الي يفجر هذا الولد والي ممكن انه ينضر بسببه

او اقول له انت صح واكون برضو كبرت السالفه واخليه يكون حريص اكثر

الولد الظاهر لي انه اخلاق جدا تعامل راقي جدا بصراحه تعجبت منه حسيت انه منغلق على نفسه وعلى من حوله

لكن لديه طموح وثقافه واخلاق لدرجه احسه وهو يتكلم من الفلاسفه الي يطلعون بالتلفاز

لديه الرغبه بالزواج جدا يقول لو اتزوج بتنحل كل مشاكلي وحده تخاف على من جد تمنعني عن الغلط تعفني يستقر معها وبصراحه حيرني موضوعه


اترك لكم التعليق

ليش ماتقول له مدام إنك ميزت وتعرف الصح من الخطأ عادي تسافر وعادي تطلع مع أصحابك طلعات واستراحات وتمشياات خليه يصاحب له ناس من نفس طبعك يخافون الله وبنفس الوقت منفتحين
ومثقفين .. لغنه لو صاحب ناس متزمتين رااح يخسر حتى ثقافته ..

الأخ نايف .....جزاك الله كل الخير لاهتمامك بصاحبك

نصيحتي لك بفتح موضوع جديد في قسم الاستشارات الخاصة وهناك الأخوة لن يقصروا معك.....

http://www.66n.com/forums/forumdisplay.php?f=70

وهذا هو الرابط


ووفقك ربي

__________________

انا اقول ومن رايي اختبر خويك


يعني اطلع مع مره في كمان هاديء وسوي له فلم وقول له لو تزوجت زوجه مواصفاتها كذا وكذا وش تسوي

وشوف ردة فعله وقيمها ثم اساله سؤال اخر وقول له لو تزوجت زوجه وصار تصرفها يميل الى كذا وهي مثلا مدلعه وش تسوي


اللمهم هدفي من الاختبار تعطيه معايير اغلب المشاكل الزوجيه وشوف كيف قوامه فيها بعدين انت تعرف شخصيت خويك

هذى رأي واسال غيري

__________________

When you're out of my dreams
I will be in the best case

ياليت يا نايف تستمع لصديقك وخليها يفضفض لك وانصحه وخليه ينتبه من رفقاء السوء الله يحفظه ويحفظك

اقتباس:

يقول انا ودي اسافر مع زملائي بس اخاف على نفسي اطيح بالغلط من شرب او بنات انا ما اضمن نفسي ودي اطلع مع زملائي استراحات بس اخاف يصير فيه شي غلط

نصحية لا يسافر ابدا خاصه خارج السعودية لا

اما بداخلها ويكون مع صحُبة صالحة وطيبه لا مانع بذلك او يكون مسافر مع مراكز الصيفيه المعروفة

ارجوك انتبه لصديقك اكيد انه اشياء كثير بداخله كاتمها خليه يفضفض لك وايضا سولف مع اخوه الكبير وقول انتبه لاخوك وساعة وساعه من نصائح او تذكير

صدقني والدي احيانا لما يشوف برنامج او يسمع سالفه ماهي زينه باي شيء عن المخدرات او جلسات الشباب المنحرفه بالاستراحات او السفر اي شيء تخيل يتصل باخوي يطمئن عليه ويسال عنه وايضا يقول له انتبه ويسولف معه ويقول فيه برنامج كذا وكذا إلخ بس اخوي شوي عصبي ويقول انا رجال !
الله يحفظهم ويهديهم وانت انتبه لصديقك وانت ماشاء الله عليك يا نايف نعم الصديق يكفي انك سمحت له انه يفضفض لك

ماشالله تبارك الله



الله يحفظه ويبعد عنه وعنك اخي نايف كل شر



مادام يريد صحبه


فهي موجوده وتعينه على الخير

اين هو من جماعة المسجد

والمراكز الصيفيه


يسافرون في الصيف رحلات داخليه جدا ممتعه


ويقضون اروع الاوقات


ويفرحون بمن ينضم اليهم

الله يثبته

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الصراحه انا احترت زيك بس شوف انت قول ماله داعي التحفظ الزايد لان هو على قوله عرف قيم الحلال والحرام صح هذي انحلت طيب خليه يروح مع اصحابه داخل المملكه ويتمشى لو صدر منهم شي هو كبير ويعرف ويفهم وبعدين وبصراحه يعني هذا بسرعه يروح عند اموا ويقولها اخطبيلي بالخط العريض احسله وربي ويابخته زوجته لا الشباب زي كذا قليل وربي يوفقك انت وخويك

__________________

((استغفر الله العظيم لذنبي ولوالدي وللمؤمنين والمؤمنات والمسلمين والمسلمات اللأحياء منهم واللأموات))

مع تحيات
أنت اللأغلى

بالعكس ما أراه أنه بخير
لكن يلزمه الإختيار

.
.

هو على طريق صحيح
صدقني
سيجد من تناسبه عقلاً وتقدر تدينه وصلاحه


ثم أنه قام بكل هذا لنفسه وليس من الضروري أن ينتظر الجزاء من الناس
بل من رب الناس ..!!

..
.

وماهو عليه ليس نادراً لكن صلاح الشباب أصبح ندرة في وفرة

لذا فهو بخير


..
.
لكن ما أضيق العيش لولا الأصحاب

حتى وإن كانت لهم عيوبهم
فكل إنسان له معصيه يضل يتعاودها ويتوب عنها
وأذكر أنني سمعت أن الله يحب من إذا عصى إستغفر وتاب

..
.
فلابد أن يعرف أن مامن إنسان كامل

بل إن مبالغته في فرض القيود ق تجره لمكان يحيا فيه وحده


ماستنصحه به أن يكون له صداقاته
ليس بالضروروة أن يكون مثلهم
لكن هناك ماسيجده فيهم

وسيوافق هواه

ثم أن أخاه أو حتى والده لم يصلا لهذه القناعات بعيداً عن مجتمعهم

.
.
فإذاً الإستقامة نسبية
وما أعده أنا صلاحاً قد يعده سواي تشدداً

كل شيء جميل بحدود

..!!

ويتذكر دائماً

لابد من قبولي لكل مايحيط بي على علاته

ثق هو لم يتحدث معك لو أنه لم يجد فيك مكاناً لشكواه

وليحفظ دائماً
تعامل ولا تتعلم

..!!



صلاحه هو إستثما لنفسه قبل أن يكون للناس ،،
.
.

بقي أن أهنئك بالشهر الفضيل
مبارك عليك رمضان بلغك الله صيامه وقيامه

..
تقديري



..

__________________