اولا \ كل سنه وانتم طيبين
وان شاءالله اكون عضوه خفيفه عليكم يارب

ثانيا\ انا دخلت علشان عندي مشكله متعبتني شويه ومخليتني مو واثقه في نفسي كثير

انا عمري 22 وباقيلي ترم واتخرج من الجامعه ان شاءالله
المهم لغاية الان ماانخطبت ولا اتزوجت وهذا نصيب وانا حاسه نفسي لسى باقيلي شويه

بس الله يسامحهم صحباتي والناس كلهم محسسين عكس كذا

صحباتي ماشاءالله الله سعدهم كلهم متزوجات وعندهم اطفال
وانا لا
كل ماوحده فيهم تكلمني والله العظيم اول كلمه تقولها ماانخطبتي الكلمه تجرحني
بس ماادقق
احيانا يتصلو عليا بس علشان يقولولي مشاكلهم ولم اكون محتاجتهم اتصل ابغى اكلم وحده فيهم
الاقيهم زوجي عندي لم يخرج اكلمك ....والخ انا اعذرهم والله بس تقهرني لم تقولي انتي ماوراكي شيء
وكل وحده اتغيرت اكثر من اللي قبلها يعني علشان اتزوجت خلاص شافت نفسها وهي المشغوله وانا الفاضيه اللي ماعندي شيء
وكل كلامهم فلانه اتزوجت وفلانه انخطبت وفلانه ولدت
ووحده فيهم جرحتني قالتلي عن بنت نعرفها تخيلي لسى مااتزوجت عمرها 22 متى حتخلف هذي
وكان انا مو عمري 22 والله اتألمت منها

وكل دعاويهم الله يزوجك يارب قريب
هذا غير الناس
اللي لم تشوفني وتقول لماما
معقوله لسى ماتزوجت ؟؟ والله حسسوني ان عمري 50 مو 22
انا اعرف ارد عليهم واحرجهم
بس في داخلي اتقطع على نفسي
كل وحده تتمنى تتزوج وتستقر مع انسان تحس معاه بالامان وتحقق امومتها
مااخبي عليكم هذي امنيتي

بس كل اللي حولي محسسيني اني خلاص ماحتزوج والرجال الايام هدي يبغو بنات المدارس
مو اللي متخرجين من الجامعه يعني خلاص انتهيت صلاحيتي كذا
والله غريبين الناس محد يحس بالكلام اللي يقولو ولايهتمو بمشاعر احد



معليش طولت عليكم بس والله ماصدقت سجلت في هذا المنتدى
حبيت افضفض واطلع شيء بسيط عن اللي بداخلي