السلام عليكم

انا في مشكله تخصني والله محتاره انا مخطوبه وانا وخطيبي كنا نحب بعض من 6سنوات وكل مره يتقدم لي

وابوي يرفض لانه ابو خطيبي يكره ابوي وبوه نفس الشي معارضين زواجنا علشان كل منهم يكره الثاني

والله سهل امري وخذته برضى ابوي بس المشكله ابو زوجي رافضني علشان خطيبي ماأخذ بنت عمه وانا الحين مخطوبه صارلي شهرين

وقاعده افكر اروح لابوخطيبي في العيد بس اخاف يهيني ويطردني من البيت بس تصدقون انا خطيبي يصير لي ولد خالتي واهله كلهم يحبوني بس ابوه رافضني حسد لخطيبي علشان بنت عمه قولولي ايش اسوي واسفه اذا طولت عليكم وشكرا]

الاشراف:
تم تعديل العنوان ليناسب الموضوع

والله الله يعينك ويوفقك الى كل خير


اسمعي
عشقة الخيال عليكي بالدعاء والله يجيبه ويجيب كل اللي حوالك خاصة في رمضان ادعي من كل قلبك انو يلين قلبه وتتزوجي اللي قلبك يحبه

وصدقيني حتتزوجيه باذن واحد احد اذا دعيتي من كل قلبك

والله يعطيكي مرادك بالخير والسهولة

الولهان

الله ييسر أمورج ...

__________________

استعيني بالدعاء وحاولي تهدينه هدية بالمناسبة واحسني له وادعي هل الخيره في الزواج منه او لا لانه مشكله ان والده رافضك وبعدين هذا الاقارب بعضهم مثلك ماقلتِ حسد او بغضاء او كره او قلوب فيها حقد لهذا الزواج من الاقارب احيانا يكون مهدد بالفشل والمشاكل وانت لسى بالخطوبه وشوفي وش قلتِ عن الوضع كيف بعد الزواج لا تستعجلي على زواج فيه مشاكل اسريه او مشاكل بين الاقارب
وبما انك تحبين ولد خالتك وتتمنينه زوج ادعي ان الله ييسر هالخطوبه ويتممها على خير واستشيري المقربين منك في العائلة ما سلبيات والايجابيات في زواجك وهل الافضل الزواج منه فبصراحه مو بسيط ان يكون ابو زوجك رافضك ومو راضي انك تكوني زوجة لابنه ترى الامر مو سهل او بسيط لا تحكمي العواطف فقط فكري بعقلك وبعاطفتك واستخيري الله ييسر امورك ويكتب لك الخير واتمنى اني افدتك والله معك

الله ييسر أمورج ...

مشكله ان والده رافضك وبعدين هذا الاقارب بعضهم مثلك ماقلتِ حسد او بغضاء او كره او قلوب فيها حقد لهذا الزواج من الاقارب احيانا يكون مهدد بالفشل والمشاكل وانت لسى بالخطوبه وشوفي وش قلتِ عن الوضع كيف بعد الزواج لا تستعجلي على زواج فيه مشاكل اسريه او مشاكل بين الاقارب




لا انا المحيراني انا ابو زوجي ميكلمني انا وزوجي بس ولا هو يصير ولد خالت ابوي ويوم ملكنى شاف ابوي وسلم عليه عادي يعني مو زعلان عليه وقبل ماانخطب كان ميكلم ابوي بس الحين عادي بس انا محتاره اروح ولا واذا رحت كيف ابدا والله ابوه قلبه طيب بس هو زعلان على بنت اخوه قولولي اروح ولا اخليه على الله انا مودي يكون زعلان من زوجي في العيد وخصوصن انا زوجنا قريب

اختي روحي له وبوسي راسه وعايديه وصديني تكولين لبه طيب ما راح يهينك ولا يزعلك وتدرين حتى لو ما استقبلك استقبال كبير راح تكبرين بعيون وجك واختي هذا رجل مو امراة يعني اسهل انه يرضة علىكم مادري احس قلب الرجل الكبير اطيب واسهل اختراقه وانت احسني معاملته وهو راح ينسة بنت اخوه شوي شوي الله يوفقك يا رب

عشقة خال عسيى ان تكرهي شيئا وهو خير لكي وعسى ان تحبي شيئا وهو شر لكي والله يعلم وانتم لا تعلمون

الولهان

أختي توكلي ع الله والأحسن انج اتباركين له بالشهر المبروك

و اتروحين تاخذين اللي ف خاطره عليج

والله ان شاءالله يخليه يقتنع و يرضى عليج أختي

توكلي ع الله والله معاج

__________________

لو انا مكانك مااروح ولاشي اذا طاح اللي براسه يرضى ووشو ذا التخلف