السلام عليكم ورحمة الله وبركاته


اتمنى ان يكون الجميع بخير صحة و عافية

بأذن الله النظره الشرعية للخطبة تكون في خامس يوم للعيد

بما انني شاب ( 22 ) سنه
ايش تنصحوني ؟؟؟؟
وخصوصا ان البنت عمرها 18 سنــه ..



محتاج لارائكم


اخوكم
صهيب

اول شيء الله يوفقك يارب
ونفرح فيك قريب
ثاني شيء لاتقعد جنب ابوها
خلك قباله والافضل يكون على يمينك ولا يسارك
اهم شيء لاتقعد جنبه
وحاول تكون جلستك في صدر المجلس
بحيث من يوم تدخل البنت ونت تقز فيها
ولو جلست يانها بتجلس جنب ابوها او قدامك
وهذا الشيء ما يتعبك في النظره

والله يوفكم يارب

دخلت بس ابارك لك والا ما عندي خبرة بهالامور .... ما جربت


الله يتمم عليك ... ويوفقك لما يجب ويرضى

السلام عليكم ورحمة الله وبركاته

بسم الله ماشاءالله تبارك الله
الله ييسر امركم يارب


الشوفه الشرعيه اخوي الكريم

ماتاخذ منك خمس دقائق وان ان ان كثرت 10 دقائق


كل ماعليك واللي اوصيه لك

1\\ اكثر من صلاة الاستخاره والدعاء

2\\ يوم السوفه تصدق لوجه الله

3\\ لاتخبر احد من اصدقائك او اقارب ان هذا اليوم وهذه الساعه رايح لأهل العروس( استعين لأمورك بالكتمان)

4\\ يوم الشوفه البس وتشيك وتعطر واذكر الله

وادخل بكل هدوء لبيت العرووس واجلس قبال والدها


واذا ماضبطت لاتفكر اجلس ماكان ماتجلس اكيد البنت بتجلس على الطرف من خجلها

انصحك شوفها اول ماتدخل هذي احسن فرصه انك تشوفها وحتى هي انسب فرصه انها تشوفك اول ماتدخل


المهم اجلس شوي سلم عليها

كيف الحال؟

كل عام وانت بخير؟

كيف رمضان والصيام معاك؟؟

وعادي طالع فيها اكيد هي بترد بصوت واطي او تتبسم

لاتطول انت اعطيها فرصه تطالع فيك

فأنسب شي تجلس تسولف مع ابوها

كيف الحال ياعمي؟

وكيف العيد ؟؟

وكيف رمضان هذي السنه معاك ؟

حتى لو سألته اول اسأله ثاني

هي فرصه عشان البنت تشوفك شوي

وصدقني شوي البنت تطلع

عاد انت


اذا ارتحت اجلس كمان 10 دقائق لاتطول

واستاذن من عمك وقوله ها ياعمي متى ترد لي خبر انا الحمدالله مرتاح وشرف لي اناسبكم وو ( هذا اذا ارتحت للبنت )


وبس اطلع مع ابتسامه حلوه


والله يختار لك الطيب


وارجع واقول لاتجيب سيره لأحد خلي الموضوع مكتوم


واستمر بصلاة الاستخاره


والله يختار لك الخيره الطيبه

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

وعليكم السلام

الله يوفقك يارب يا صهيب ويسعد ايامك
لا داعي للقلق ولا الخوف
يكفي ان تنظر لها حتى لو ماتسولف او تسالها لانك ربما تكون خجلان
بالتوفيق ان شاء الله

الله معك

الله يوفقك عليك بكثرة الاستخاره قبل وبعد الدخول والدعاء واذاشفته وارتاح قلبك لها توكل على الله اما إذا شفته وما ارتحت فلا تقدم وابحث عن ارى لان حديث الرسول صلى الله عليه وسلم(انظر اليها حتى يؤدم بينكما) ويدخل في الأدم الراحه بين الطرفين والرغبه في الارتباط .
اماوصيتي ان تحسن نيتك في الزواج بأن يكون زواجك من أجل العفاف والذريه لامن اجل المال او الجمال واحرص على ذات الدين وبالتوفيق

__________________
يخاطبني السفيه بكل قبحآ فأكره أن أكون له مجيبآ
يزيد سفاهة وأزيد حلمآ كعود زاده الأحراق طيبآ

الله يتمم عليك ... ويوفقك لما يجب ويرضى

الله ييسر أمورك ...

__________________

الله يوفقك ويسعدك اذا كانت البنت التي تقدمت لها فيها نفس المواصفات المطلوبه خذ معك باقة ورد أول ماتدخل المجلس قدمها لها

بارك الله فيكم جميعاً
فعلا
نصائح من ذهــب ..

وصدقوني .
بأنني ان شاء الله مستعد ..
وواثق الخطى بعد توفيق الخالق

لكن ماخاب من استشار
وخصوصا الناس الطيبة امثالكم

بارك الله لي و لكم
ووفقهم لما يحبة و يرضاه


اخوكم
صهيب