انا عندي مشكله بكتبها مع انه مدري وش فيه الالكمبيوتر


لانه مو راضيه تطلع معاي المواضيع لما افتحها بس الردود اتمنى تلقولي حل لكن بكتب مشكلتي وبقرا ردودكم


انا اخوي يكلم صديقتي واخوي هذا متزوج وصديقتي مصليه لكنها الله يهديها بتلعب

وتكلمه لكن مو باستمرار يعني هي شرحتلي وضعها لكنها ماشاء الله عليها بتقوم الليل وتتقرا البقره وتصوم وكل شي وتستغفر الله يهديها كلنا خطائين لكن المشكله

ان زوجة اخوي عرفت ان زوجها يكلم غيرها وجلست هذي تدعي على صديقتي وتدعي عليها

انواااع الدعاوي وصديقتي تبكي وتقول انا يادوب اتحمل ذنوبي وعقاب ربي من ذنوبي وبحاول اني استغفر

وتقسم لي وتحلف انها تستغفر وتخلص النيه وتسامح كل من ظلمها كل يوم

بس هي الحين خايفه هالحرمه تدعي عليها طول عمرها كل ماذكرتها بتدعي عليها

هي ماعرفت وش تسوي خايفه ربي يعاقبها هيه اخلصت النيه لله انها ماعاد تكلم اخـــوي مره ثانــــيه ابدا ابدا ابدا


وندمت على الشي اللي سوته لكنها تبي الحل تبي الحرمه تقول الله يسامحها


معليش بطول عليكم بس افهموني ....

يعني الحق صار حقين صح ولا لا ... حق الله (الذنب) ... حق زوجة اخوي ( الظلم )

هي ظلمت زوجة اخوي


تقول صديقتي انا استغفرت الله وندمت والله يغفرلي لكن اخاف الله يعاقبني بسبب دعائها

ســـــؤالها هو :-

هل الله يستجيب دعائها علي بالرغم من اني تبت واخلصت النيه اني ابعده عنه ولا اكلمه؟؟؟


ولا لازم اكلمها واستسمح منها ؟؟؟ ---->>>وهذي جدا صعبه ؟؟

الله يخليكم جاوبوها البنت نازل عليها هالشي مثل الصاعقه يعني مصيبه ان واحد يدعي عليك خايفه ربي يعاقبها

الإشراف : تعديل لفظ المشيئة .

اذا أستطعتي انتي ان تطلبي من زوجة اخيك أن تسامحها بدون ان تخبريها بالبنت أفعلي
أو أنك تخبري صديقتك أن تطلب من الله أن يقيها شر دعاء هذه المرأة ومادام انها تابت عسى ان يتوب الله عليها ويرحمها ولا يستجيب لدعاء زوجة اخيك فيها0

ما قدرت استوعب هالجملة

على كل حال الله يهديها
وبدل ما تحرصي على مشاعر العصاة (اخوك وصديقتك)
حاولي تواسي زوجت اخوك وتبني لها ان "خيانه" صديقتك ما راح تتكرر

"إن الصلاة تنهى عن الفحشاء والمنكر والبغي"

الله يصلح بينهم ...

__________________

والله تبين الجد زوجة اخوك لو جلست عمرها كله ماراح تاخذ حقها منها

لان الرجل ماينسى امراه كلمته ثم هجرته

اكيد ان الحاله ساءت في بيت الزوجين والسبب صديقتك

انا لو مكان زوجة اخوك

ادعي عليها وعليه طول العمر

ليه ماحطت نفسها مكان زوجه اخوك والا هي مب انسانه ولها مشاعر وهي احق بقلب هذا الزوج من غيرها

الله يكفينا شر الحريم وبس


::

يااخواني انا ادري انها ممكن ماتسامحها لكن ماادري هل ربي يستجيب دعائها عليها ولا لا؟؟؟؟
خاصة انها تابت؟؟؟؟ بليز جاوبوني البنت والله مسكينه مره ندمانه

اختي هذا شي بعلم الغيب

مااحد بيدري عنه

يعني انت متوقعة ان في احد حيقدر يقول لك او يجزم ان ربنا حيستجيب أو لا
أستغفري الله وتوبي اليه
وهذا الامر بيد الله
سبحان الله امركم عجيب
بس حبيت اسال فين دور اخوك؟؟ وخوفه من الله ومن عقابه ومن القصاص ؟؟؟ وفين دورك انت وانت متسترة علي صديقتك واخوك ؟؟(( والساكت عن الحق شيطان اخرس))

لاحول ولاقوة الا بالله

حتى انت يااختي ظلمتي زوجة اخوك لانك عارفه وساكته والله اعلم ممكن معجبك الوضع

فاانتبهي لنفسك

اما ان يستجيب الله دعائها فهاذا في علم الغيب

__________________
موقع للقران جدا رائع تصفح واستمع
http://www.tvquran.com/abkar.htm