السلام عليكم ورحمة الله وبركاته


صباح الخير للجميع

عندي سؤال الى المتزوجين والمتزوجات في بداية زواجهم

هل المراءه تعبر عن حبها لزوجها بالكلام او تسكت من الحياء والخجل خصوصا اذا كملوا 6 شهور مع بعض

يعني الزوج يكون يقولها كلام حلو واهي بس صامته قليل ماتتكلم هل هذا شي طبيعي عندها وايضا انها

بداية الزواج تتجمل للزوج ولكن ما تلبس شي عاري بالمره هل يكون كله هذا بسبب الحياء حتى الاتصالات

تقل فيما بيننا لاني انا في مدينه واهي في مدينه يعني معقوله المراءه يبيلها ووووقت عشان تتعود على زوجها وتاخذ عليه هذا اللي صاير معي

مع اني احس انها مرتاحه معاي عالاخر مدري تغلي والا ايش االلي صاير معي حتى اني اقولها عبري لك عن مشاعرك


ولو بالرسايل اذا كنتي لا تستطيعين تقولين هالكلام قدامي مدري عن الحريم ينبسطن اذا كان يقولها زوجها كلام حلو واهي بس ساكته ترى الحياه اخذ وعطى والا تبي تمشي زوجها بكيفها وتخليه خاتم بأصبعها

والله انهم غامضات لما يكونو على الصامت ياليت تقولون هل الامر هذا طبيعي والا لا


مع اني اقول لها قوليلي كلام حلو تقولي بعدين والله امرهم غريب هالحريم اذا ما قلنا كلام حلو قالوا

عنا جافين وما عندهم مشاعر واذا قلنا كلام حلو ما لقينا شي يعني حريم ما يحبن الرومانسيه والا ايش

يمكن تقولون عني ما عندك مشكله من الاساس بس انا توني متزوج ما كملت خمسه شهور

وفي مدينه ثانيه بحكم العمل لكن ماني حاس باي اهتمام من قبلها يعني اتصل تتصل

ارسل رسايل احيانا ترسل واحيانا لا مو مثل ايام الملكه كنت اسمع كلام حلو

يعني الواحد يبي ان زوجته مهتمه فيه واهو بعيد عنها وتبين انها مشتاقه له بالحيل

يعني كل يوم ارسل لها رساله عشان اعلمها انها في بالي واهي لها ثلاثه ايام ما ترسلي شي

يعني وش رايكم اخليها لما اهي تسأل عني

حتى لما اكلمها اقول لها يا ليتك معاي وبجنبي عشان ارتاح تقولي بعدين؟؟؟؟؟؟؟؟؟؟ اصبر

يعني الواحد لما يدلع زوجته هالدلع تشوف نفسها وتتغلى عليه


والا الوحده تبي الواحد الثقيل اللي ما يقولها كلمه حلوه الا بالشهر

بس الواحد من حقه انه يحس انه عريس زيه زي الناس

بالله عليكم ياليت احد يشاركني ويريحني ولو بكلمه

__________________
أستغفر الله اللذي لا اله الاهو الحي القيوم واتوب اليه