السلام عليكم,,,,,,

صديقتي تملكت قبل أسبوعين بس لحد هالحين زوجها ما حاول يكلمها أو يرسلها ولا حتى يعرف رقم جوالها ...

وهي تقول أنا متضايقة أبيه يكلمني وأتعرف عليه ويتعرف علي .. مع أنه بالملكة ما جلس عندها إلا ساعة بس .. وبعدين طلع قال بودي أهلي للبيت ..

الغريب أنه طبيب ومتفهم ومتعلم .. معقوله فيه شباب من النوع هذا .. ما أدري هل هو يستحي وإلا من النوع اللي مهوب جرئ ..

وللمعلومية زواجها بعد شهر ... ممكن تفيدوني هل هو طبيعي اللي جالس يسويه ..

وش تنصحونها فيه ..

الاشراف:
تم تعديل العنوان ليناسب النص

السلام عليكم ورحمة الله وبركاته,
يمكن الرجال مشغول بترتيب الزواج او انه مثل ما قلتي من النوع الخجول ان يطلب رقم الجوال من ابوها او احد من اهلها الله يعلم...واذا البنت تبى تعرف عنه اكثر مش غلط هي تتصل عليه

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

حتى لو كان من النوع الخجول هو طيب ما وده يتعرف عليها ....

وأنا سألت واحد خجول مثله قال أنا والله من شفت زوجتي وكانت حلوة يقول ما قدرت أصبر وكل يوم أكلمها ....

على العموم مشكور يا ABUSANAD على المرور .. وأحس أنها صعبة هي تطلب يكلمها ..

من وجهة نظري تخليه لين هو يتصل .. انشاء الله يقعد سنه عشان مايقول عنها خفيفه
بس لامانع اذا جاء تلمح له انه مربوكه منه وخااااااايفه ولا هي بمستسيغته عشان (يتلحلح) ويدري انه لازم يكلمها ويشيل الحاجز اللي بينهم

__________________

كــلــنــا نــشــكــيــ فــراغــ ـ ـ الــعــ..ــاطــ..ــفه
,,,,,,,, هايمينــ ,, وقــلــوبــنــا ,, ضــمــيــ..ــا حــنــانــ ـ ـ

المشكلة يا خجل أنه ما أتوقع تشوفه إلا يوم الزواج لأنه ما باقي إلا شهر بس ...

شاكرة مرورك ...

لا تكلمه ترسل مسج عادي مره وحدة وان عطاها وجه خلاص
وان ماعطاها وجه لا عاد ترسل

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

اجل لاترسل ولاشي تخليه لان بعدين بيصير يثقل عليها ويستنها هي تكلمه وتسئل عنه وتجي تراضيه كنه طفل معها في البيت والحرمه تحتاج تحس انها كل اهتمام زوجها
خليها تتناساه لين الزواج مابقى الاشهر تهتم بنفسها وتجهز اغراضها واذا تزوجت تتطلع هالحركه من عينه

__________________

كــلــنــا نــشــكــيــ فــراغــ ـ ـ الــعــ..ــاطــ..ــفه
,,,,,,,, هايمينــ ,, وقــلــوبــنــا ,, ضــمــيــ..ــا حــنــانــ ـ ـ

عادي فيه ناس كذا واحد من اصدقائي متزوج وملك وجلس شهر مايكلمها بس اخر اسبوع اتصل عليها وسلم عليها وقال ادعي ربك بالتوفيق لنا وسلام عليكم بس

فيه ناس كذا

__________________
سبــحان الله وبحمده .. سبحان الله العظيم

صعبة تبتدي هي
مادام ماكلم خلاص , توكلي على الله ولا يضيق صدرك
كلها شهر والدعوة خالصة

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

دلوعة غلا .. أحس أنها صعبة ترسل مسج .. هي ودها تجي منه المبادرة ..

صادقة خجل هذا اللي بتسوية وأنا قلت لها نفس الشئ ..

طيب غشيان ما تحس أنها صعبة شوي أنها لا يكلمها ولا يتعرف عليها هالحين الزمن هذا أختلف عن زمان أول ...