صباحكم ورد جميعا ..

انا حابه آخذ رايكم في موضوع شاغل بالي خصوصا مع قرب العيد ..

اللي هو (( العيديه ))

انا خطيبي لما زارني في عيد الفطر ما عايد عليه .. وانا والله مو هامتني الفلوس وانا مو في حاجتها ..

وزيارة خطيبي لي كانت الاهم طبعا ..

بس والله حزت في خاطري لانه ما قد عايدني ابدا ..

بصراحه انحرجت من اهلي مررره وانحطيت في موقف لا احسد عليه ..

لان العيديه عندنا من الاصول والعادات خصوصا للخطيبه ..

يعني حتى لو كان هو في مدينه وهي في مدينه يحول لها المبلغ على حسابها او حساب ابوها ...

كل اهلي اللي حولي يسووا كذا .. وانا وخطيبي من نفس العائله عشان كذا تضايقت ..

انا ما ابغى اهلي ياخذوا فكره عن خطيبي انو مو كريم او ما يعرف في الاصول لانه مو كذا ابدا

بالعكس كريم معايه ومايقصر ..

المشكله اني لمحت له بالموضوع قبل كذا مو عشاني انا لا والله عشانه هو بعد ..

قلت يمكن ناسي او ما جا على باله ..

وجا العيد اللي راح ولا فيه نتيجه ..!!

طبعا انا الحين ماني عارفه كيف اتصرف اذا جاني في العيد وانعادت نفس المشكله ..

لا تبخلو علي بآرائكم بلييييز ..

تكلمي بصفة عامة عن الهدايا وقولي له على سبيل المثال إيش رايك انا نفسي أهدي أمي أو أبوي على راحتك هدية إيش رايك إيش أهديهم ؟؟
ويالله هذي بداية لموضوع الهدايا ولمحي بدون تصريح إنتبهي وتكلمي عن العادات في هذا الموضوع
والله يوفقكم

__________________

دعووووواتكم لاختكم لحن السعاده

قوليله
ها الحب بشو راح يعايدني في العيد؟!

وشوفي ردة فعله

يمكن محد علمه بهالشي

__________________

اعطيه انتي عيديه لو بسيطه.. عشان يفكر يعطيك..

__________________
لااله الا الله

اتصلي فيه وقولي لالازم تجيني ركض في العيد ولا ترى مافي عيدية

باسلوب مزح طبعا


وقولي سوري حبيبي ما عطيتك عيدية بالعيد الاول لاني كنت مستحية منك بس لالا لازم اترك الحيا معاك وتهادو تحابو ...صح


بيقفط هو وبيحس باحراج ويمكن يعتذر او يبرر موقفه ويمكن يجهز لك عيدية مفاجئة


المهم خليك احسن منه.... علشان يفكر في الموضوع لانه اكيد مو في باله

والهدية ممكن تكون بسيطة مثلا جيبي ورقة من عملة 100 ريال
واعمليها على شكل قلب

الطريقة بتلقينها في ها المنتدى ( في عضوة نزلت موضوع)

وقولي له ابغي حبنا و ودنل يكون بنفس هذه النسبة مع ابتسامة حلوة منج



انا سويتها و زوجي استانس وايد


او ممكن العيدية كيكة من ايديك مع اسمه مثلا


الله يوفقج

قولي له لاتعذب حالك ولا تتكلف كثير بالعيدية توئبرني
المهم عندي جيتك وفرحتي فيك احلى عيدية
بس بليز بليز لا تخجلني بدي أجيب لك هدية ان شاء صغيرة
شو بدك هدية
لاتخجلني احكي

وهيك ا لا اذا كا ن متخلف عقليا ما بيفهم
عدا هيك ان شاء بيستحي ع دمه
وأحلى عيدية و هدية بتكون عندك

شكرا اختي لمرورك ..

هو من ناحية الهدايا ما يقصر معايه كذا مره اهداني ..

بس العيديه عندنا شي ثاني يعني ضروريه في العيد وتعتبر من العادات عندنا وتكون عباره عن مبلغ او هديه ..

بس فكرتك حلوه شكلي بسويها ..

اشكر لك مرورك اختي ..

بس مشكلتي اني اراعي مررررررره وما احب احرج احد ..

فشلون اقول لخطيبي كذا احس راح ينحرج ..

وانا فعلا مستغربه انو اهله ما قالوله عن موضوع العيديه !!!!!

شكرا اختي لمرورك ..

عاد تصدقن اني كنت مجهزه له هديه حلوه في عيد الفطر بس يوم ما عايدني

زعلت وما اعطيته اياها

ما ادري افكر اعطيه اياها الحين واقوله انها عيديه لك بمناسبة العيد واني منحرجه منك لاني ما اهديتك شي في العيد اللي راح ..
يمكن كذا ينحرج مني ويتحرك شوي ..

هاه وش رايك ؟؟